Air India Flight Cancellations : ਵਿਦੇਸ਼ ਜਾਣ ਵਾਲੇ ਭਾਰਤੀਆਂ ਨੂੰ ਵੱਡਾ ਝਟਕਾ; ਅਹਿਮਦਾਬਾਦ ਹਾਦਸੇ ਮਗਰੋਂ ਏਅਰ ਇੰਡੀਆ ਦੀ ਫਲਾਈਟਾਂ ’ਤੇ ਅਸਰ
Air India Flight Cancellations : ਏਅਰ ਇੰਡੀਆ ਨੇ ਸ਼ੁੱਕਰਵਾਰ ਨੂੰ 8 ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਇਨ੍ਹਾਂ ਵਿੱਚ 4 ਅੰਤਰਰਾਸ਼ਟਰੀ ਅਤੇ 4 ਘਰੇਲੂ ਉਡਾਣਾਂ ਸ਼ਾਮਲ ਹਨ। ਏਅਰ ਇੰਡੀਆ ਨੇ ਕਿਹਾ ਕਿ ਇਹ ਉਡਾਣਾਂ ਹਵਾਈ ਅੱਡੇ 'ਤੇ ਰੱਖ-ਰਖਾਅ ਅਤੇ ਸੰਚਾਲਨ ਕਾਰਨਾਂ ਕਰਕੇ ਰੱਦ ਕੀਤੀਆਂ ਗਈਆਂ ਹਨ।
ਇਨ੍ਹਾਂ ਫਲਾਈਟਾਂ ਨੂੰ ਕੀਤਾ ਗਿਆ ਰੱਦ
ਘਰੇਲੂ ਉਡਾਣਾਂ ਵਿੱਚੋਂ, ਪੁਣੇ ਤੋਂ ਦਿੱਲੀ ਫਲਾਈਟ AI874, ਅਹਿਮਦਾਬਾਦ ਤੋਂ ਦਿੱਲੀ ਫਲਾਈਟ AI456, ਹੈਦਰਾਬਾਦ ਤੋਂ ਮੁੰਬਈ ਫਲਾਈਟ AI2872 ਅਤੇ ਚੇਨਈ ਤੋਂ ਮੁੰਬਈ ਫਲਾਈਟ AI571 ਨੂੰ ਰੱਦ ਕਰ ਦਿੱਤਾ ਗਿਆ ਹੈ।
ਦੂਜੇ ਪਾਸੇ ਅੰਤਰਰਾਸ਼ਟਰੀ ਉਡਾਣਾਂ ਵਿੱਚ ਦੁਬਈ ਤੋਂ ਚੇਨਈ ਫਲਾਈਟ AI906, ਦਿੱਲੀ ਤੋਂ ਮੈਲਬੌਰਨ ਫਲਾਈਟ AI308, ਮੈਲਬੌਰਨ ਤੋਂ ਦਿੱਲੀ ਫਲਾਈਟ AI309 ਅਤੇ ਦੁਬਈ ਤੋਂ ਹੈਦਰਾਬਾਦ ਫਲਾਈਟ AI2204 ਸ਼ਾਮਲ ਹਨ।
ਇਸ ਤਰ੍ਹਾਂ ਅਹਿਮਦਾਬਾਦ ਜਹਾਜ਼ ਹਾਦਸੇ ਤੋਂ ਬਾਅਦ 9 ਦਿਨਾਂ ਵਿੱਚ ਵੱਖ-ਵੱਖ ਕਾਰਨਾਂ ਕਰਕੇ 84 ਫਲਾਈਟਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ।
ਇਹ ਵੀ ਪੜ੍ਹੋ : Policeman Shot Himself : ਪੋਸਟਮਾਰਟਮ ਹਾਊਸ ਦੇ ਬਾਹਰ ਪੁਲਿਸ ਮੁਲਾਜ਼ਮ ਨੇ ਖੁਦ ਨੂੰ ਮਾਰੀ ਗੋਲੀ, ਮੌਕੇ 'ਤੇ ਹੀ ਮੌਤ
ਕੌਣ ਕਰ ਰਿਹਾ ਹੈ ਜਾਂਚ
ਏਅਰਕ੍ਰਾਫਟ ਐਕਸੀਡੈਂਟ ਇਨਵੈਸਟੀਗੇਸ਼ਨ ਬਿਊਰੋ ਦੀ ਇੱਕ ਟੀਮ ਨੇ 12 ਜੂਨ ਨੂੰ ਹੋਏ ਹਾਦਸੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਏਅਰ ਇੰਡੀਆ ਦੇ ਬੋਇੰਗ 787-8 ਡ੍ਰੀਮਲਾਈਨਰ ਜਹਾਜ਼ ਵਿੱਚ 242 ਲੋਕ ਸਵਾਰ ਸਨ, ਜਿਨ੍ਹਾਂ ਵਿੱਚ 12 ਚਾਲਕ ਦਲ ਦੇ ਮੈਂਬਰ ਵੀ ਸ਼ਾਮਲ ਸਨ, ਜੋ ਅਹਿਮਦਾਬਾਦ ਦੇ ਮੇਘਨਾਨੀ ਨਗਰ ਖੇਤਰ ਵਿੱਚ ਇੱਕ ਮੈਡੀਕਲ ਹੋਸਟਲ ਕੰਪਲੈਕਸ ਨਾਲ ਟਕਰਾ ਗਿਆ। ਹਾਦਸੇ ਅਤੇ ਉਸ ਤੋਂ ਬਾਅਦ ਲੱਗੀ ਅੱਗ ਵਿੱਚ ਯਾਤਰੀਆਂ, ਚਾਲਕ ਦਲ ਦੇ ਮੈਂਬਰਾਂ ਅਤੇ ਜ਼ਮੀਨ 'ਤੇ ਮੌਜੂਦ ਲੋਕਾਂ ਸਮੇਤ ਲਗਭਗ 270 ਲੋਕਾਂ ਦੀ ਮੌਤ ਹੋ ਗਈ।
ਇਹ ਵੀ ਪੜ੍ਹੋ : Punjab Weather Update : ਪੰਜਾਬ ’ਚ ਬਦਲਿਆ ਮੌਸਮ ਦਾ ਮਿਜ਼ਾਜ; ਤੂਫਾਨ ਦਾ ਅਲਰਟ ਜਾਰੀ, ਜਾਣੋ ਸੂਬੇ ’ਚ ਕਦੋਂ ਹੋਵੇਗਾ ਮਾਨਸੂਨ ਦੀ ਐਂਟਰੀ
ਕੀ ਜਹਾਜ਼ ਵਿੱਚ ਦੋ ਬਲੈਕ ਬਾਕਸ ਸਨ ?
ਸ਼ਹਿਰੀ ਹਵਾਬਾਜ਼ੀ ਮੰਤਰਾਲੇ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਏਏਆਈਬੀ ਦੀ ਇੱਕ ਬਹੁ-ਅਨੁਸ਼ਾਸਨੀ ਟੀਮ ਨੇ ਹਾਦਸੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮੰਤਰਾਲੇ ਨੇ ਬਿਆਨ ਵਿੱਚ ਕਿਹਾ ਕਿ ਡਿਜੀਟਲ ਫਲਾਈਟ ਡੇਟਾ ਰਿਕਾਰਡਰ ਅਤੇ ਕਾਕਪਿਟ ਵੌਇਸ ਰਿਕਾਰਡਰ ਦੀ ਇੱਕ ਸੰਯੁਕਤ ਇਕਾਈ 13 ਜੂਨ, 2025 ਨੂੰ ਹਾਦਸੇ ਵਾਲੀ ਥਾਂ ਤੋਂ ਬਰਾਮਦ ਕੀਤੀ ਗਈ ਸੀ ਅਤੇ ਦੂਜਾ ਸੈੱਟ 16 ਜੂਨ ਨੂੰ ਮਿਲਿਆ ਸੀ। ਜਹਾਜ਼ ਦੇ ਇਸ ਮਾਡਲ ਵਿੱਚ ਦੋ ਬਲੈਕ ਬਾਕਸ ਸੈੱਟ ਸਨ।
ਜਹਾਜ਼ ਹਾਦਸਿਆਂ ਵਿੱਚ 2,996 ਲੋਕਾਂ ਦੀ ਮੌਤ
ਕਾਬਿਲੇਗੌਰ ਹੈ ਕਿ ਇੱਕ ਦਹਾਕੇ ਵਿੱਚ, ਦੁਨੀਆ ਭਰ ਵਿੱਚ ਵੱਖ-ਵੱਖ ਜਹਾਜ਼ ਹਾਦਸਿਆਂ ਵਿੱਚ 2,996 ਲੋਕਾਂ ਦੀ ਮੌਤ ਹੋਈ, ਜਿਨ੍ਹਾਂ ਵਿੱਚੋਂ ਲਗਭਗ ਅੱਧੇ ਬੋਇੰਗ ਜਹਾਜ਼ਾਂ 'ਤੇ ਸਨ। ਪਿਛਲੇ 10 ਸਾਲਾਂ ਵਿੱਚ, ਭਾਰਤ ਵਿੱਚ 2 ਵੱਡੇ ਘਾਤਕ ਜਹਾਜ਼ ਹਾਦਸੇ ਹੋਏ ਅਤੇ ਦੋਵੇਂ ਜਹਾਜ਼ ਬੋਇੰਗ ਕੰਪਨੀ ਦੇ ਸਨ।
ਇਹ ਵੀ ਪੜ੍ਹੋ : Indian Student Dies in Canada : ਕੈਨੇਡਾ ’ਚ ਇੱਕ ਹੋਰ ਭਾਰਤੀ ਵਿਦਿਆਰਥਣ ਦੀ ਸ਼ੱਕੀ ਹਾਲਤ ’ਚ ਮੌਤ, ਸੋਗ ’ਚ ਡੁੱਬਿਆ ਪਰਿਵਾਰ
- PTC NEWS
