PM Modi in Bikaner : 'ਦੇਸ਼ ਦੇ ਦੁਸ਼ਮਣਾਂ ਨੇ ਦੇਖ ਲਿਆ ਕਿ ਜਦੋਂ ਸਿੰਦੂਰ ਬਾਰੂਦ ਬਣ ਜਾਂਦਾ ਹੈ ਤਾਂ ਨਤੀਜਾ ਕੀ ਹੁੰਦਾ ਹੈ , 22 ਤਰੀਕ ਨੂੰ ਹੋਏ ਹਮਲੇ ਦਾ 22 ਮਿੰਟ 'ਚ ਬਦਲਾ ਲਿਆ : PM ਮੋਦੀ
PM Modi in Bikaner : ਪ੍ਰਧਾਨ ਮੰਤਰੀ ਮੋਦੀ ਨੇ ਬੀਕਾਨੇਰ ਵਿੱਚ ਆਪਣੇ ਭਾਸ਼ਣ ਦੀ ਸ਼ੁਰੂਆਤ ਕਰਦੇ ਹੋਏ ਕਿਹਾ, "ਮੈਂ ਇੱਥੇ ਕਰਨੀ ਮਾਤਾ ਦਾ ਆਸ਼ੀਰਵਾਦ ਲੈ ਕੇ ਤੁਹਾਡੇ ਵਿਚਕਾਰ ਆਇਆ ਹਾਂ। ਕਰਨੀ ਮਾਤਾ ਦੇ ਆਸ਼ੀਰਵਾਦ ਨਾਲ ਭਾਰਤ ਨੂੰ ਵਿਕਸਤ ਬਣਾਉਣ ਦਾ ਸਾਡਾ ਇਰਾਦਾ ਹੋਰ ਮਜ਼ਬੂਤ ਹੋ ਰਿਹਾ ਹੈ। ਥੋੜ੍ਹੀ ਦੇਰ ਪਹਿਲਾਂ ਇੱਥੇ 26 ਹਜ਼ਾਰ ਕਰੋੜ ਰੁਪਏ ਦੇ ਵਿਕਾਸ ਪ੍ਰੋਜੈਕਟਾਂ ਦਾ ਨੀਂਹ ਪੱਥਰ ਅਤੇ ਉਦਘਾਟਨ ਕੀਤਾ ਗਿਆ ਹੈ। ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ 22 ਤਰੀਕ ਨੂੰ ਹੋਏ ਹਮਲੇ ਦੇ ਜਵਾਬ ਵਿੱਚ ਅਸੀਂ 22 ਮਿੰਟਾਂ ਵਿੱਚ ਅੱਤਵਾਦੀਆਂ ਦੇ 9 ਸਭ ਤੋਂ ਵੱਡੇ ਟਿਕਾਣਿਆਂ ਨੂੰ ਤਬਾਹ ਕਰ ਦਿੱਤਾ। ਦੁਨੀਆਂ ਅਤੇ ਦੇਸ਼ ਦੇ ਦੁਸ਼ਮਣਾਂ ਨੇ ਵੀ ਦੇਖ ਲਿਆ ਕਿ ਜਦੋਂ ਸਿੰਦੂਰ ਬਾਰੂਦ ਬਣ ਜਾਂਦਾ ਹੈ ਤਾਂ ਨਤੀਜਾ ਕੀ ਹੁੰਦਾ ਹੈ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਬੀਕਾਨੇਰ ਵਿੱਚ ਅੱਤਵਾਦ 'ਤੇ ਇੱਕ ਵਾਰ ਫਿਰ ਸ਼ਬਦੀ ਹਮਲਾ ਬੋਲਿਆ ਹੈ। ਉਨ੍ਹਾਂ ਕਿਹਾ ਕਿ ਅੱਤਵਾਦੀਆਂ ਨੇ ਧਰਮ ਬਾਰੇ ਪੁੱਛ ਕੇ ਸਾਡੀਆਂ ਭੈਣਾਂ ਦੀ ਮਾਂਗ ਦਾ ਸਿੰਦੂਰ ਉਜਾੜ ਦਿੱਤਾ ਸੀ। ਉਹ ਗੋਲੀਆਂ ਪਹਿਲਗਾਮ ਵਿੱਚ ਚਲੀਆਂ ਸਨ ਪਰ ਉਨ੍ਹਾਂ ਗੋਲੀਆਂ ਨਾਲ 140 ਕਰੋੜ ਦੇਸ਼ ਵਾਸੀਆਂ ਦਾ ਸੀਨਾ ਛਲਣੀ ਹੋਇਆ ਹੈ। ਇਸ ਤੋਂ ਬਾਅਦ ਦੇਸ਼ ਦੇ ਹਰ ਨਾਗਰਿਕ ਨੇ ਇੱਕਜੁੱਟ ਹੋ ਕੇ ਸੰਕਲਪ ਲਿਆ ਕਿ ਉਹ ਅੱਤਵਾਦੀਆਂ ਨੂੰ ਮਿੱਟੀ 'ਚ ਮਿਲਾ ਦੇਣਗੇ। ਉਨ੍ਹਾਂ ਨੂੰ ਕਲਪਨਾ ਤੋਂ ਵੀ ਵੱਡੀ ਸਜ਼ਾ ਦੇਵਾਂਗੇ। ਅੱਜ, ਤੁਹਾਡੇ ਆਸ਼ੀਰਵਾਦ ਅਤੇ ਦੇਸ਼ ਦੀ ਫੌਜ ਦੀ ਬਹਾਦਰੀ ਨਾਲ ਅਸੀਂ ਸਾਰੇ ਉਸ ਵਾਅਦੇ 'ਤੇ ਖਰੇ ਉਤਰੇ ਹਾਂ।
ਪੀਐਮ ਮੋਦੀ ਨੇ ਕਿਹਾ ਕਿ ਸਾਡੀ ਸਰਕਾਰ ਨੇ ਤਿੰਨਾਂ ਫੌਜਾਂ ਨੂੰ ਖੁੱਲ੍ਹੀ ਛੁੱਟੀ ਦਿੱਤੀ ਸੀ ਅਤੇ ਤਿੰਨਾਂ ਫੌਜਾਂ ਨੇ ਮਿਲ ਕੇ ਅਜਿਹਾ ਚੱਕਰਵਿਊ ਰਚਿਆ ਕਿ ਪਾਕਿਸਤਾਨ ਨੂੰ ਗੋਡੇ ਟੇਕਣ ਲਈ ਮਜਬੂਰ ਹੋਣਾ ਪਿਆ। ਇਹ ਬਹਾਦਰ ਧਰਤੀ ਸਾਨੂੰ ਸਿਖਾਉਂਦੀ ਹੈ ਕਿ ਦੇਸ਼ ਅਤੇ ਦੇਸ਼ ਵਾਸੀਆਂ ਤੋਂ ਵੱਡਾ ਕੁਝ ਵੀ ਨਹੀਂ ਹੈ। 22 ਤਰੀਕ ਨੂੰ ਹੋਏ ਹਮਲੇ ਦੇ ਜਵਾਬ ਵਿੱਚ ਅਸੀਂ 22 ਮਿੰਟਾਂ ਵਿੱਚ ਅੱਤਵਾਦੀਆਂ ਦੇ 9 ਸਭ ਤੋਂ ਵੱਡੇ ਟਿਕਾਣਿਆਂ ਨੂੰ ਤਬਾਹ ਕਰ ਦਿੱਤਾ।
ਉਨ੍ਹਾਂ ਕਿਹਾ ਕਿ ਮੈਂ ਦੇਸ਼ ਵਾਸੀਆਂ ਨੂੰ ਕਹਿੰਦਾ ਹਾਂ ਕਿ ਜਿਹੜੇ ਲੋਕ ਸਿੰਦੂਰ ਮਿਟਾਉਣ ਨਿਕਲੇ ਸਨ, ਉਨ੍ਹਾਂ ਨੂੰ ਮਿੱਟੀ ਵਿੱਚ ਮਿਲਾਇਆ ਹੈ। ਜੋ ਭਾਰਤ ਦਾ ਖੂਨ ਵਹਾਉਂਦੇ ਸੀ , ਅੱਜ ਹਰ ਕਤਰੇ -ਕਤਰੇ ਦੀ ਕੀਮਤ ਚੁਕਾਈ ਹੈ। ਜਿਹੜੇ ਸੋਚਦੇ ਸਨ ਕਿ ਭਾਰਤ ਚੁੱਪ ਰਹੇਗਾ। ਅੱਜ ਉਹ ਆਪਣੇ ਘਰਾਂ ਵਿੱਚ ਲੁਕੇ ਹੋਏ ਹਨ। ਜਿਹੜੇ ਲੋਕ ਆਪਣੇ ਹਥਿਆਰਾਂ 'ਤੇ ਮਾਣ ਕਰਦੇ ਸਨ, ਅੱਜ ਉਹ ਮਲਬੇ ਦੇ ਢੇਰ ਹੇਠ ਦੱਬੇ ਹੋਏ ਹਨ। ਮੇਰੇ ਪਿਆਰੇ ਦੇਸ਼ ਵਾਸੀਓ, ਇਹ ਬਦਲੇ ਦੀ ਖੇਡ ਨਹੀਂ ਹੈ, ਇਹ ਨਿਆਂ ਦਾ ਇੱਕ ਨਵਾਂ ਰੂਪ ਹੈ। ਇਹ ਆਪ੍ਰੇਸ਼ਨ ਸਿੰਦੂਰ ਹੈ। ਇਹ ਸਿਰਫ਼ ਗੁੱਸਾ ਨਹੀਂ ਹੈ। ਇਹ ਪੂਰੇ ਭਾਰਤ ਦਾ ਭਿਆਨਕ ਰੂਪ ਹੈ। ਇਹ ਭਾਰਤ ਦਾ ਨਵਾਂ ਰੂਪ ਹੈ। ਇਹੀ ਨੀਤੀ ਹੈ, ਅੱਤਵਾਦ ਦਾ ਫਨ ਕੁਚਲਣ ਦੀ ਇਹ ਨੀਤੀ ਹੈ, ਇਹੀ ਰੀਤੀ ਹੈ। ਇਹ ਭਾਰਤ ਹੈ, ਨਵਾਂ ਭਾਰਤ ਹੈ।
- PTC NEWS
