Venezuela ’ਚ ਮੁੜ ਆਇਆ ਭੂਚਾਲ; 1,430 ਲਾਸ਼ਾਂ ਕੀਤੀਆਂ ਗਈਆਂ ਬਰਾਮਦ, 68,000 ਤੋਂ ਵੱਧ ਲਾਪਤਾ
Venezuela Earthquake News : ਦੱਖਣੀ ਅਮਰੀਕਾ ਦੇ ਵੈਨੇਜ਼ੁਏਲਾ ਵਿੱਚ 25 ਜੂਨ ਨੂੰ ਆਏ ਦੋ ਭੂਚਾਲਾਂ ਨੇ ਹਜ਼ਾਰਾਂ ਲੋਕਾਂ ਦੀ ਜਾਨ ਲੈ ਲਈ ਹੈ। ਰਿਪੋਰਟਾਂ ਅਨੁਸਾਰ, ਇਸ ਭੂਚਾਲ ਵਿੱਚ ਹੁਣ ਤੱਕ 1430 ਲੋਕਾਂ ਦੇ ਮਰਨ ਦੀ ਪੁਸ਼ਟੀ ਹੋਈ ਹੈ। ਹਾਲਾਂਕਿ, ਇਹ ਅੰਕੜਾ ਬਹੁਤ ਜ਼ਿਆਦਾ ਹੋ ਸਕਦਾ ਹੈ।
ਅਧਿਕਾਰੀਆਂ ਅਨੁਸਾਰ, ਪਰਿਵਾਰਾਂ ਨੇ ਅੱਜ ਸਵੇਰੇ ਘੱਟੋ-ਘੱਟ 68,900 ਲੋਕਾਂ ਦੇ ਲਾਪਤਾ ਹੋਣ ਦੀ ਰਿਪੋਰਟ ਦਿੱਤੀ ਹੈ। ਮਲਬੇ ਵਿੱਚੋਂ ਲਾਸ਼ਾਂ ਅਜੇ ਵੀ ਕੱਢੀਆਂ ਜਾ ਰਹੀਆਂ ਹਨ। ਇਸ ਦੌਰਾਨ, ਦੇਸ਼ ਦੇ ਉੱਤਰੀ ਤੱਟ 'ਤੇ ਅਜੇ ਵੀ ਲਗਾਤਾਰ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਜਾ ਰਹੇ ਹਨ। ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਰਾਜਧਾਨੀ ਕਰਾਕਸ ਅਤੇ ਮਾਰਾਕੇ ਵਿੱਚ ਵੀ 4.9 ਤੀਬਰਤਾ ਦੇ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ।
ਵੈਨੇਜ਼ੁਏਲਾ ਦੇ ਸਭ ਤੋਂ ਵੱਧ ਪ੍ਰਭਾਵਿਤ ਰਾਜਾਂ ਵਿੱਚੋਂ ਇੱਕ, ਲਾ ਗੁਆਇਰਾ ਵਿੱਚ, ਲੋਕਾਂ ਨੂੰ ਆਪਣੇ ਅਜ਼ੀਜ਼ਾਂ ਅਤੇ ਗੁਆਂਢੀਆਂ ਦੀ ਭਾਲ ਕਰਦੇ ਹੋਏ ਬੇਲਚਿਆਂ, ਭਾਰੀ ਮਸ਼ੀਨਰੀ, ਰੱਸੀਆਂ ਅਤੇ ਆਪਣੇ ਨੰਗੇ ਹੱਥਾਂ ਨਾਲ ਕੰਕਰੀਟ ਦੇ ਢੇਰਾਂ ਨੂੰ ਹਟਾਉਂਦੇ ਦੇਖਿਆ ਗਿਆ। ਭੂਚਾਲ ਵਿੱਚ 3,360 ਤੋਂ ਵੱਧ ਲੋਕ ਜ਼ਖਮੀ ਹੋਏ। ਅਧਿਕਾਰੀਆਂ ਨੇ ਦੱਸਿਆ ਕਿ ਸ਼ਨੀਵਾਰ ਨੂੰ ਲਗਭਗ 250 ਲੋਕਾਂ ਨੂੰ ਜ਼ਿੰਦਾ ਬਚਾਇਆ ਗਿਆ।
ਲੋਕ ਹਜੇ ਵੀ ਆਪਣਿਆਂ ਦੀ ਕਰ ਰਹੇ ਭਾਲ
ਵੈਨੇਜ਼ੁਏਲਾ ਵਿੱਚ ਬਚਾਅ ਟੀਮਾਂ ਦੀ ਘਾਟ ਕਾਰਨ, ਲੋਕਾਂ ਨੂੰ ਹੱਥੀਂ ਮਲਬਾ ਹਟਾਉਣਾ ਪੈ ਰਿਹਾ ਹੈ ਅਤੇ ਆਪਣੇ ਅਜ਼ੀਜ਼ਾਂ ਦੀ ਭਾਲ ਕਰਨੀ ਪੈ ਰਹੀ ਹੈ। ਵੈਨੇਜ਼ੁਏਲਾ ਦੇ ਕਾਰਜਕਾਰੀ ਰਾਸ਼ਟਰਪਤੀ, ਡੈਲਸੀ ਰੋਡਰਿਗਜ਼ ਨੇ ਲੋਕਾਂ ਨੂੰ ਲਾ ਗੁਆਇਰਾ ਦੀ ਯਾਤਰਾ ਕਰਨ ਤੋਂ ਬਚਣ ਦੀ ਅਪੀਲ ਕੀਤੀ ਹੈ। ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਇਹ ਇੱਕ ਨਾਜ਼ੁਕ ਸਮਾਂ ਹੈ ਅਤੇ ਵੱਧ ਤੋਂ ਵੱਧ ਲੋਕਾਂ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ਾਂ ਜਾਰੀ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਪੁਲਿਸ, ਸਿਵਲ ਸੁਰੱਖਿਆ ਅਤੇ ਫਾਇਰ ਟੀਮਾਂ ਦੀ ਤੇਜ਼ੀ ਨਾਲ ਤੈਨਾਤੀ ਨੂੰ ਯਕੀਨੀ ਬਣਾਉਣ ਲਈ ਸੜਕਾਂ ਨੂੰ ਸਾਫ਼ ਰੱਖਣਾ ਜ਼ਰੂਰੀ ਹੈ।
1,000 ਇਮਾਰਤਾਂ ਹੋਈਆਂ ਢਹਿ-ਢੇਰੀ
ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਵੈਨੇਜ਼ੁਏਲਾ ਦੇ ਉੱਤਰੀ ਤੱਟਵਰਤੀ ਖੇਤਰ ਅਤੇ ਰਾਜਧਾਨੀ ਕਰਾਕਸ ਵਿੱਚ ਆਏ ਭੂਚਾਲ ਨੇ ਸੈਂਕੜੇ ਇਮਾਰਤਾਂ, ਕਈ ਹਸਪਤਾਲਾਂ ਅਤੇ ਸ਼ਾਪਿੰਗ ਸੈਂਟਰਾਂ ਨੂੰ ਪੂਰੀ ਤਰ੍ਹਾਂ ਢਾਹ ਦਿੱਤਾ ਹੈ। ਇਸ ਤੋਂ ਇਲਾਵਾ, ਲਗਭਗ 1,000 ਹੋਰ ਬੁਨਿਆਦੀ ਢਾਂਚੇ ਦੇ ਸਥਾਨਾਂ ਨੂੰ ਭਾਰੀ ਨੁਕਸਾਨ ਪਹੁੰਚਿਆ ਹੈ। ਸਭ ਤੋਂ ਭਿਆਨਕ ਤਬਾਹੀ ਕਰਾਕਸ ਦੇ ਉੱਤਰ ਵਿੱਚ ਲਾ ਗੁਆਇਰਾ ਖੇਤਰ ਵਿੱਚ ਹੋਈ ਹੈ, ਜਿੱਥੇ ਦੇਸ਼ ਦਾ ਮੁੱਖ ਬੰਦਰਗਾਹ ਅਤੇ ਸਿਮੋਨ ਬੋਲਿਵਰ ਅੰਤਰਰਾਸ਼ਟਰੀ ਹਵਾਈ ਅੱਡਾ ਸਥਿਤ ਹੈ। ਹੁਣ ਤੱਕ, ਲਾ ਗੁਆਇਰਾ ਵਿੱਚ ਮਲਬੇ ਵਿੱਚੋਂ 243 ਲੋਕਾਂ ਨੂੰ ਬਚਾਇਆ ਗਿਆ ਹੈ।
ਇਹ ਵੀ ਪੜ੍ਹੋ : Canada ’ਚ 1.4 ਮਿਲੀਅਨ ਡਾਲਰ ਦੇ Ponzi Scheme ਘੁਟਾਲੇ ਮਾਮਲੇ ’ਚ ਪੰਜਾਬੀ ਵਿਅਕਤੀ ਗ੍ਰਿਫਤਾਰ
- PTC NEWS
