IRS officer Daughter Murder : IRS ਅਧਿਕਾਰੀ ਦੀ ਧੀ ਦਾ ਜਬਰਜਨਾਹ ਮਗਰੋਂ ਕਤਲ, ਇੰਝ ਦਿੱਤਾ ਗਿਆ ਵਾਰਦਾਤ ਨੂੰ ਅੰਜਾਮ
IRS officer Daughter Murder : ਦਿੱਲੀ ਦੇ ਅਮਰ ਕਲੋਨੀ ਇਲਾਕੇ ਵਿੱਚ ਇੱਕ ਲੜਕੀ ਨਾਲ ਜਬਰਜਨਾਹ ਮਗਰੋਂ ਕਤਲ ਕਰ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮਿਲੀ ਜਾਣਕਾਰੀ ਮੁਤਾਬਿਕ ਮ੍ਰਿਤਕਾ ਇੱਕ ਆਈਆਰਐਸ ਅਧਿਕਾਰੀ ਦੀ ਧੀ ਸੀ ਅਤੇ ਲਗਭਗ 21 ਸਾਲ ਦੀ ਸੀ। ਸ਼ੁਰੂਆਤੀ ਪੁਲਿਸ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਲੜਕੀ ਨਾਲ ਜਿਨਸੀ ਸ਼ੋਸ਼ਣ ਕੀਤਾ ਗਿਆ ਸੀ। ਪੁਲਿਸ ਨੂੰ ਸ਼ੱਕ ਹੈ ਕਿ ਉਸ ਨਾਲ ਜਬਰ ਜਨਾਹ ਕੀਤਾ ਗਿਆ ਸੀ ਅਤੇ ਫਿਰ ਉਸਦਾ ਕਤਲ ਕਰ ਦਿੱਤਾ ਗਿਆ। ਹਾਲਾਂਕਿ, ਪੋਸਟਮਾਰਟਮ ਰਿਪੋਰਟ ਅਜੇ ਜਾਰੀ ਨਹੀਂ ਕੀਤੀ ਗਈ ਹੈ।
ਘਟਨਾ ਸਮੇਂ ਘਰ ਵਿੱਚ ਇਕੱਲੀ ਸੀ ਲੜਕੀ
ਮ੍ਰਿਤਕਾ ਦਾ ਪਿਤਾ 1997 ਬੈਚ ਦਾ ਆਈਆਰਐਸ ਕਸਟਮ ਅਧਿਕਾਰੀ ਹੈ। ਲੜਕੀ ਨੇ ਇੰਜੀਨੀਅਰਿੰਗ ਤੋਂ ਗ੍ਰੈਜੂਏਸ਼ਨ ਕੀਤੀ ਸੀ ਅਤੇ ਇਸ ਸਮੇਂ ਯੂਪੀਐਸਸੀ ਦੀ ਤਿਆਰੀ ਕਰ ਰਹੀ ਸੀ। ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਉਸਦੇ ਮਾਪੇ ਸਵੇਰੇ ਜਿੰਮ ਗਏ ਹੋਏ ਸੀ। ਧੀ ਘਰ ਵਿੱਚ ਇਕੱਲੀ ਸੀ। ਜਿਸ ਇਲਾਕੇ ਵਿੱਚ ਇਹ ਘਟਨਾ ਵਾਪਰੀ ਉਹ ਬਹੁਤ ਹੀ ਪੌਸ਼ ਇਲਾਕਾ ਹੈ।
ਨੌਕਰ ’ਤੇ ਸ਼ੱਕ
ਰਿਪੋਰਟਾਂ ਅਨੁਸਾਰ, ਲੜਕੀ ਦਾ ਮੋਬਾਈਲ ਚਾਰਜਰ ਨਾਲ ਗਲਾ ਘੁੱਟ ਕੇ ਕਤਲ ਕੀਤਾ ਗਿਆ ਹੈ। ਪੁਲਿਸ ਨੂੰ ਘਰ ਦੇ ਸਾਬਕਾ ਨੌਕਰ ਰਾਹੁਲ 'ਤੇ ਸ਼ੱਕ ਹੈ, ਜੋ ਕਿ ਰਾਜਸਥਾਨ ਦਾ ਰਹਿਣ ਵਾਲਾ ਹੈ। ਉਹ ਅੱਠ ਮਹੀਨਿਆਂ ਤੋਂ ਉੱਥੇ ਕੰਮ ਕਰ ਰਿਹਾ ਸੀ ਅਤੇ ਡੇਢ ਮਹੀਨਾ ਪਹਿਲਾਂ ਉਸਨੂੰ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਸੀ। ਉਸਦੀ ਨੌਕਰੀ ਤੋਂ ਕੱਢੇ ਜਾਣ ਦਾ ਕਾਰਨ ਇਹ ਸੀ ਕਿ ਉਹ ਨੇੜਲੀਆਂ ਦੁਕਾਨਾਂ ਤੋਂ ਲਿਆਂਦੇ ਘਰੇਲੂ ਸਮਾਨ ਵਿੱਚੋਂ ਪੈਸਿਆਂ ’ਚੋਂ ਹੇਰਾ ਫੇਰੀ ਕਰਦਾ ਸੀ।
ਪਰਿਵਾਰ ਨੂੰ ਇਸ ਬਾਰੇ ਪਤਾ ਲੱਗਾ, ਇਸ ਲਈ ਉਸਨੂੰ ਨੌਕਰੀ ਤੋਂ ਕੱਢ ਦਿੱਤਾ ਗਿਆ। ਇਹ ਅਪਰਾਧ ਸਵੇਰੇ 6:30 ਤੋਂ 7:30 ਵਜੇ ਦੇ ਵਿਚਕਾਰ ਕੀਤਾ ਗਿਆ ਸੀ। ਪੁਲਿਸ ਜਾਂਚ ਕਰ ਰਹੀ ਹੈ ਕਿ ਕੀ ਉਸਨੇ ਘਰੋਂ ਕੁਝ ਚੋਰੀ ਕੀਤਾ ਅਤੇ ਭੱਜ ਗਿਆ। ਪੁਲਿਸ ਨੂੰ ਨੌਕਰ 'ਤੇ ਸ਼ੱਕ ਹੈ ਕਿਉਂਕਿ ਉਸਨੂੰ ਪਤਾ ਸੀ ਕਿ ਕੁੜੀ ਘਰ ਵਿੱਚ ਕਦੋਂ ਇਕੱਲੀ ਹੁੰਦੀ ਹੈ ਅਤੇ ਉਸਦੇ ਪਰਿਵਾਰਕ ਮੈਂਬਰ ਕਦੋਂ ਬਾਹਰ ਹੁੰਦੇ ਹਨ। ਇਹ ਵੀ ਸ਼ੱਕ ਹੈ ਕਿ ਉਹ ਪੈਸਿਆਂ ਦਾ ਲਾਲਚ ਕਰਕੇ ਘਰੋਂ ਕੁਝ ਲੈ ਕੇ ਭੱਜ ਗਿਆ ਹੋਵੇਗਾ। ਪੁਲਿਸ ਦਾ ਕਹਿਣਾ ਹੈ ਕਿ ਮੁਲਜ਼ਮ ਨੂੰ ਜਲਦੀ ਹੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ।
ਇਹ ਵੀ ਪੜ੍ਹੋ : Video : ਹੁਸ਼ਿਆਰਪੁਰ ਦੀਆਂ ਭੈਣਾਂ ਨੇ ਪੰਜਾਬ ਤੇ ਮਾਪਿਆਂ ਦਾ ਨਾਮ ਕੀਤਾ ਰੌਸ਼ਨ, ਦੋਵਾਂ ਨੇ ਜਰਮਨੀ 'ਚ ਜਿੱਤੀਆਂ ਚੋਣਾਂ
- PTC NEWS
