Sun, Jun 4, 2023
Whatsapp

Kidney Racket: ਡੇਰਾਬੱਸੀ ਦੇ ਮਸ਼ਹੂਰ ਇੰਡਸ ਹਸਪਤਾਲ 'ਚ ਕਿਡਨੀ ਰੈਕੇਟ ਦਾ ਪਰਦਾਫਾਸ਼

ਅੰਬਾਲਾ ਮੁਖ ਮਾਰਗ 'ਤੇ ਪਿੰਡ ਜਵਾਹਰਪੁਰ ਨੇੜੇ ਸਥਿਤ ਇੰਡਸ ਇੰਟਰਨੈਸ਼ਨਲ ਹਸਪਤਾਲ ਨਾਲ ਜੁੜੇ ਕਿਡਨੀ ਰੈਕੇਟ ਦਾ ਪਰਦਾਫਾਸ਼ ਹੋਇਆ ਹੈ। ਪੁਲਿਸ ਨੇ ਹਸਪਤਾਲ ਦੇ ਕੋਆਰਡੀਨੇਟਰ ਅਭਿਸ਼ੇਕ ਸਮੇਤ ਤਿੰਨ ਖ਼ਿਲਾਫ਼ ਕੇਸ ਦਰਜ ਕਰਕੇ ਦੋ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।

Written by  Jasmeet Singh -- April 04th 2023 09:15 AM -- Updated: April 04th 2023 09:16 AM
Kidney Racket: ਡੇਰਾਬੱਸੀ ਦੇ ਮਸ਼ਹੂਰ ਇੰਡਸ ਹਸਪਤਾਲ 'ਚ ਕਿਡਨੀ ਰੈਕੇਟ ਦਾ ਪਰਦਾਫਾਸ਼

Kidney Racket: ਡੇਰਾਬੱਸੀ ਦੇ ਮਸ਼ਹੂਰ ਇੰਡਸ ਹਸਪਤਾਲ 'ਚ ਕਿਡਨੀ ਰੈਕੇਟ ਦਾ ਪਰਦਾਫਾਸ਼

ਚੰਡੀਗੜ੍ਹ: ਅੰਬਾਲਾ ਮੁਖ ਮਾਰਗ 'ਤੇ ਪਿੰਡ ਜਵਾਹਰਪੁਰ ਨੇੜੇ ਸਥਿਤ ਇੰਡਸ ਇੰਟਰਨੈਸ਼ਨਲ ਹਸਪਤਾਲ ਨਾਲ ਜੁੜੇ ਕਿਡਨੀ ਰੈਕੇਟ ਦਾ ਪਰਦਾਫਾਸ਼ ਹੋਇਆ ਹੈ। ਪੁਲਿਸ ਨੇ ਹਸਪਤਾਲ ਦੇ ਕੋਆਰਡੀਨੇਟਰ ਅਭਿਸ਼ੇਕ ਸਮੇਤ ਤਿੰਨ ਖ਼ਿਲਾਫ਼ ਕੇਸ ਦਰਜ ਕਰਕੇ ਦੋ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। 

28 ਸਾਲਾ ਕਪਿਲ ਵਾਸੀ ਸਿਰਸਾ ਨੇ ਪੈਸਿਆਂ ਦੇ ਲਾਲਚ ਵਿੱਚ ਸੋਨੀਪਤ ਦੇ ਰਹਿਣ ਵਾਲੇ 53 ਸਾਲਾ ਸਤੀਸ਼ ਤਾਇਲ ਦੇ 33 ਸਾਲਾ ਪੁੱਤਰ ਅਮਨ ਤਾਇਲ ਹੋਣ ਦਾ ਬਹਾਨਾ ਬਣਾ ਕੇ ਆਪਣਾ ਗੁਰਦਾ ਦੇ ਦਿੱਤਾ। ਇੰਡਸ ਇੰਟਰਨੈਸ਼ਨਲ ਹਸਪਤਾਲ ਵਿੱਚ 6 ਮਾਰਚ ਨੂੰ ਗੁਰਦਾ ਬਦਲਣ ਦਾ ਸਾਰਾ ਕੰਮ ਕੀਤਾ ਗਿਆ। ਕਪਿਲ ਮੁਤਾਬਕ ਫਰਜ਼ੀ ਬੇਟਾ ਬਣਾਉਣ ਦੇ ਸਾਰੇ ਦਸਤਾਵੇਜ਼ ਹਸਪਤਾਲ 'ਚ ਕੰਮ ਕਰਨ ਵਾਲੇ ਕੋਆਰਡੀਨੇਟਰ ਅਭਿਸ਼ੇਕ ਨੇ ਤਿਆਰ ਕੀਤੇ ਸਨ। 


ਅਭਿਸ਼ੇਕ ਨੇ ਉਸ ਨੂੰ ਕਿਡਨੀ ਦੇ ਬਦਲੇ 10 ਲੱਖ ਰੁਪਏ ਦੇਣ ਦੀ ਗੱਲ ਕਹੀ ਸੀ। ਉਸ ਨੇ ਦੋਸ਼ ਲਾਇਆ ਕਿ ਗੁਰਦਾ ਕੱਢਣ ਤੋਂ ਬਾਅਦ ਉਸ ਨੂੰ ਸਿਰਫ਼ 4.5 ਲੱਖ ਰੁਪਏ ਦਿੱਤੇ ਗਏ ਅਤੇ ਘਰ ਭੇਜਣ ਦੀ ਬਜਾਏ ਉਸ ਨੂੰ ਇਕ ਕਮਰੇ ਵਿਚ ਬੰਦ ਕਰ ਦਿੱਤਾ ਗਿਆ। 4.5 ਲੱਖ ਰੁਪਏ 'ਚੋਂ ਉਸ ਨੇ ਆਪਣੇ ਦੋਸਤ ਦੇ ਕਹਿਣ 'ਤੇ ਦੁੱਗਣਾ ਕਰਨ ਦੇ ਲਾਲਚ 'ਚ 4 ਲੱਖ ਰੁਪਏ ਗੁਆ ਲਏ। ਹੁਣ ਨਾ ਤਾਂ ਉਸ ਕੋਲ ਪੈਸੇ ਬਚੇ ਹਨ ਅਤੇ ਨਾ ਹੀ ਕਿਡਨੀ। ਦੋਵਾਂ ਪਾਸਿਆਂ ਤੋਂ ਲੁੱਟੇ ਜਾਣ ਤੋਂ ਬਾਅਦ ਉਸ ਨੇ ਪੁਲਿਸ ਹੈਲਪਲਾਈਨ ਨੰਬਰ 112 'ਤੇ ਸ਼ਿਕਾਇਤ ਦਿੱਤੀ। ਪੁਲਿਸ ਨੇ ਉਸ ਨੂੰ ਛੁਡਵਾਇਆ ਅਤੇ ਸਰਕਾਰੀ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ।

ਕਪਿਲ ਨੂੰ ਅਸਲੀ ਬੇਟੇ ਦੇ ਰੂਪ 'ਚ ਦਿਖਾਉਣ ਲਈ ਮੰਦਰ 'ਚ ਅਸਲੀ ਪਰਿਵਾਰ ਨਾਲ ਤਸਵੀਰਾਂ ਖਿੱਚੀਆਂ ਗਈਆਂ ਅਤੇ ਰਿਕਾਰਡ ਦੇ ਨਾਲ ਚਿਪਕਾਈਆਂ ਗਈਆਂ। ਵੋਟਰ ਕਾਰਡ ਅਤੇ ਆਧਾਰ ਕਾਰਡ ਵੀ ਜਾਅਲੀ ਬਣਾਏ ਗਏ ਸਨ। ਰਿਕਾਰਡ ਸਮੇਤ ਪਿੰਡ ਦੀ ਪੰਚਾਇਤ ’ਤੇ ਦਸਤਾਵੇਜ਼ ਵੀ ਲਾਏ ਗਏ ਹਨ। ਇੱਥੋਂ ਤੱਕ ਕਿ ਖੂਨ ਦੀਆਂ ਰਿਪੋਰਟਾਂ ਨਾਲ ਵੀ ਛੇੜਛਾੜ ਕੀਤੀ ਗਈ ਹੈ। ਇਸ ਮਾਮਲੇ 'ਚ ਪੁਲਿਸ ਨੇ ਅਭਿਸ਼ੇਕ, ਇੱਕ ਅਣਪਛਾਤੇ ਅਤੇ ਇੰਡਸ ਹਸਪਤਾਲ ਦੇ ਖਿਲਾਫ ਆਈਪੀਸੀ ਦੀ ਧਾਰਾ 419, 465, 467, 468, 471, 120ਬੀ ਅਤੇ ਟਰਾਂਸਪਲਾਂਟੇਸ਼ਨ ਆਫ਼ ਹਿਊਮਨ ਆਰਗਨ ਐਕਟ ਦੀ ਧਾਰਾ (19) (20) ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ। 

ਕਪਿਲ ਨੇ ਦੋਸ਼ ਲਗਾਇਆ ਕਿ ਆਪਰੇਸ਼ਨ ਤੋਂ ਬਾਅਦ ਉਨ੍ਹਾਂ ਨੂੰ ਕਿਹਾ ਗਿਆ ਸੀ ਕਿ ਉਹ ਦੋ-ਤਿੰਨ ਦਿਨਾਂ 'ਚ ਠੀਕ ਹੋ ਜਾਵੇਗਾ। ਉਸ ਨੂੰ ਆਸਥਾ ਨਾਮਕ ਅਪਾਰਟਮੈਂਟ ਦੇ ਇੱਕ ਕਮਰੇ ਵਿੱਚ ਬੰਦ ਕਰ ਦਿੱਤਾ ਗਿਆ। ਉਥੇ ਉਸ ਨਾਲ ਧੱਕੇਸ਼ਾਹੀ ਕੀਤੀ ਗਈ। ਇਕ ਦਿਨ ਜਦੋਂ ਉਸ ਨੇ ਫੋਨ ਫੜਿਆ ਤਾਂ ਉਸ ਨੇ ਪੁਲਿਸ ਨੂੰ ਸੂਚਨਾ ਦਿੱਤੀ। ਏ.ਐਸ.ਪੀ ਡੇਰਾਬੱਸੀ ਡਾ.ਦਰਪਨ ਆਹਲੂਵਾਲੀਆ ਨੇ ਦੱਸਿਆ ਕਿ ਮਾਮਲਾ ਬਹੁਤ ਹੀ ਸੰਵੇਦਨਸ਼ੀਲ ਹੈ। ਇਸ ਮਾਮਲੇ ਵਿੱਚ ਸਾਡੇ ਕੋਲ ਕਾਫੀ ਸਬੂਤ ਹਨ। ਇਸ ਵਿੱਚ ਇੰਡਸ ਹਸਪਤਾਲ ਦਾ ਸਟਾਫ਼ ਅਤੇ ਕਈ ਹੋਰ ਸ਼ਾਮਲ ਹਨ, ਪਰ ਉਹ ਸਾਰਾ ਕੁਝ ਨਹੀਂ ਦੱਸ ਸਕਦੀ। 

- PTC NEWS

adv-img

Top News view more...

Latest News view more...