Mahatma Gandhi oil painting sold : ਲੰਡਨ 'ਚ 1 ਕਰੋੜ 72 ਲੱਖ ਰੁਪਏ 'ਚ ਨਿਲਾਮ ਹੋਈ ਮਹਾਤਮਾ ਗਾਂਧੀ ਦੀ 94 ਸਾਲ ਪੁਰਾਣੀ ਪੇਂਟਿੰਗ
Mahatma Gandhi oil painting sold : ਬਰਤਾਨੀਆ ਦੀ ਰਾਜਧਾਨੀ ਲੰਡਨ ਵਿੱਚ ਮਹਾਤਮਾ ਗਾਂਧੀ ਦੀ ਇੱਕ ਦੁਰਲੱਭ ਪੇਂਟਿੰਗ ਦੀ ਨਿਲਾਮੀ ਕੀਤੀ ਗਈ ਹੈ। ਪੇਂਟਿੰਗ ਲਗਭਗ 1 ਕਰੋੜ 72 ਲੱਖ ਰੁਪਏ (2,04,648 ਡਾਲਰ) ਵਿੱਚ ਨਿਲਾਮ ਕੀਤੀ ਗਈ ਹੈ। ਕਿਹਾ ਜਾਂਦਾ ਹੈ ਕਿ ਇਹ ਇੱਕੋ ਇੱਕ ਤਸਵੀਰ ਹੈ ,ਜਿਸ ਲਈ ਮਹਾਤਮਾ ਗਾਂਧੀ ਪੋਰਟਰੇਟ ਮੋਡ ਵਿੱਚ ਬੈਠੇ ਸਨ ਅਤੇ ਚਿੱਤਰਕਾਰ ਨੇ ਉਨ੍ਹਾਂ ਦੇ ਸਾਹਮਣੇ ਬੈਠ ਕੇ ਇਹ ਸੁੰਦਰ ਤੇਲ ਪੇਂਟਿੰਗ ਬਣਾਈ ਹੈ। ਬੋਨਹੈਮਸ ਦੇ ਅਨੁਸਾਰ ਇਹ ਮੰਨਿਆ ਜਾਂਦਾ ਹੈ ਕਿ ਇਹ ਇੱਕੋ ਇੱਕ ਤੇਲ ਪੇਂਟਿੰਗ ਹੈ, ਜਿਸ ਲਈ ਗਾਂਧੀ ਨੇ ਖੁਦ ਪੋਜ਼ ਦਿੱਤਾ ਸੀ।
ਇਹ ਰਕਮ ਨਿਲਾਮੀ ਘਰ ਬੋਨਹੈਮਸ ਦੇ ਅੰਦਾਜ਼ੇ ਤੋਂ ਕਿਤੇ ਜ਼ਿਆਦਾ ਹੈ। ਪਹਿਲਾਂ ਅੰਦਾਜ਼ਾ ਲਗਾਇਆ ਗਿਆ ਸੀ ਕਿ ਇਸ ਪੇਂਟਿੰਗ ਨੂੰ 50,000 ਪੌਂਡ ਤੋਂ 70,000 ਪੌਂਡ ਦੇ ਵਿਚਕਾਰ ਨਿਲਾਮ ਕੀਤਾ ਜਾ ਸਕਦਾ ਹੈ। ਭਾਰਤੀ ਰੁਪਏ ਵਿੱਚ ਇਹ ਕੀਮਤ 80 ਲੱਖ ਰੁਪਏ ਤੋਂ ਥੋੜ੍ਹੀ ਜ਼ਿਆਦਾ ਹੋਵੇਗੀ। ਇਹ ਪੇਂਟਿੰਗ ਬ੍ਰਿਟਿਸ਼ ਕਲਾਕਾਰ ਕਲੇਅਰ ਲੀਟਨ ਦੁਆਰਾ 1931 ਵਿੱਚ ਬਣਾਈ ਗਈ ਸੀ, ਜਦੋਂ ਮਹਾਤਮਾ ਗਾਂਧੀ ਲੰਡਨ ਆਏ ਸਨ। ਬ੍ਰਿਟਿਸ਼ ਕਲਾਕਾਰ ਕਲੇਅਰ ਲੀਟਨ ਨੇ ਇਸ ਪੇਂਟਿੰਗ ਦਾ ਨਾਮ ਪੋਰਟਰੇਟ ਆਫ਼ ਮਹਾਤਮਾ ਗਾਂਧੀ ਰੱਖਿਆ ਹੈ।
ਮਹਾਤਮਾ ਗਾਂਧੀ ਨੇ ਭਾਰਤ ਵਿੱਚ ਬ੍ਰਿਟਿਸ਼ ਸ਼ਾਸਨ ਵਿਰੁੱਧ ਅਹਿੰਸਕ ਅੰਦੋਲਨ ਦੀ ਅਗਵਾਈ ਕੀਤੀ ਅਤੇ ਉਨ੍ਹਾਂ ਦੇ ਸਿਧਾਂਤਾਂ ਨੇ ਦੁਨੀਆ ਭਰ ਦੇ ਲੱਖਾਂ ਲੋਕਾਂ ਨੂੰ ਪ੍ਰੇਰਿਤ ਕੀਤਾ। ਇਹ ਪੇਂਟਿੰਗ 1931 ਵਿੱਚ ਗਾਂਧੀ ਦੀ ਲੰਡਨ ਫੇਰੀ ਦੌਰਾਨ ਬਣਾਈ ਗਈ ਸੀ, ਜਦੋਂ ਉਹ ਭਾਰਤ ਲਈ ਸੰਵਿਧਾਨਕ ਸੁਧਾਰਾਂ ਅਤੇ ਸਵੈ-ਸ਼ਾਸਨ ਦੀਆਂ ਮੰਗਾਂ 'ਤੇ ਚਰਚਾ ਕਰਨ ਲਈ ਆਯੋਜਿਤ ਦੂਜੇ ਗੋਲਮੇਜ਼ ਕਾਨਫਰੰਸ ਵਿੱਚ ਸ਼ਾਮਲ ਹੋਣ ਗਏ ਸਨ।
ਇਹ ਪੇਂਟਿੰਗ 1989 ਵਿੱਚ ਅਮਰੀਕਾ ਵਿੱਚ ਉਸਦੀ ਮੌਤ ਤੱਕ ਬ੍ਰਿਟਿਸ਼ ਕਲਾਕਾਰ ਕਲੇਅਰ ਲੀਟਨ ਦੇ ਸੰਗ੍ਰਹਿ ਵਿੱਚ ਰਹੀ ਅਤੇ ਬਾਅਦ ਵਿੱਚ ਉਸਦੇ ਪਰਿਵਾਰ ਨੂੰ ਦੇ ਦਿੱਤੀ ਗਈ। ਬੋਨਹੈਮਸ ਨੇ ਇਹ ਨਹੀਂ ਦੱਸਿਆ ਕਿ ਪੇਂਟਿੰਗ ਕਿਸਨੇ ਖਰੀਦੀ ਸੀ। ਇਹ ਵੀ ਸਪੱਸ਼ਟ ਨਹੀਂ ਹੈ ਕਿ ਇਸਨੂੰ ਜਨਤਕ ਪ੍ਰਦਰਸ਼ਨੀ 'ਤੇ ਰੱਖਿਆ ਜਾਵੇਗਾ ਜਾਂ ਨਹੀਂ। ਇਹ ਨਿਲਾਮੀ ਅਨੁਮਾਨਿਤ ਕੀਮਤ ਤੋਂ 3 ਗੁਣਾ ਵੱਧ ਕੀਮਤ 'ਤੇ ਕੀਤੀ ਗਈ ਸੀ।
- PTC NEWS
