ਕੋਰੋਨਾ ਨੇ ਵਿਆਹ ਸਮਾਗਮਾਂ 'ਤੇ ਪਾਇਆ ਅਸਰ, NRI's ਵਲੋਂ ਰੱਦ ਕੀਤੇ ਜਾ ਰਹੇ ਨੇ ਸਮਾਗਮ
ਜਲੰਧਰ: ਕਹਿਰਵਾਨ ਬਣੇ ਕੋਰੋਨਾ ਵਾਇਰਸ ਨੇ ਲੋਕਾਂ ਦੀਆਂ ਖੁਸ਼ੀਆਂ ਦੇ ਰੰਗ ਚ ਵੀ ਭੰਗ ਪਾ ਦਿੱਤਾ ਹੈ। ਇਸ ਵਾਇਰਸ ਦੀ ਦਹਿਸ਼ਤ ਕਾਰਨ ਪੰਜਾਬ ਵਿਚ ਹੋਣ ਵਾਲੇ ਵਿਆਹ ਸ਼ਾਦੀਆਂ ਦੇ ਸਮਾਗਮ ਵੀ ਰੱਦ ਹੋਣੇ ਸ਼ੁਰੂ ਹੋ ਚੁੱਕੇ ਹਨ। ਐਨ.ਆਰ.ਆਈਜ਼ ਦੀ ਬੈਲਟ ਦੋਆਬਾ ਖੇਤਰ 'ਚ ਇਸ ਦਾ ਸਭ ਤੋਂ ਵੱਧ ਅਸਰ ਵੇਖਣ ਨੂੰ ਮਿਲ ਰਿਹਾ ਹੈ। ਭਾਰਤ ਸਰਕਾਰ ਵਲੋਂ ਵਿਦੇਸ਼ੀ ਨਾਗਰਿਕਾਂ ਦੇ ਵੀਜ਼ੇ ਰੱਦ ਕੀਤੇ ਜਾਣ ਕਾਰਨ ਐੱਨ ਆਰ ਆਈਜ਼ ਭਾਰਤ ਨਹੀਂ ਆਉਣ ਤੋਂ ਅਸਮਰਥ ਹਨ, ਜਿਹੜੇ ਪਹਿਲਾਂ ਭਾਰਤ ਆਏ ਸਨ, ਉਹ ਵੀ ਕੋਰੋਨਾ ਤੋਂ ਡਰਦਿਆਂ ਆਪੋ ਆਪਣੇ ਮੁਲਕਾਂ ਨੂੰ ਪਰਤ ਗਏ ਹਨ। ਹੋਰ ਪੜ੍ਹੋ: ਸਵਾਰੀਆਂ ਨਾਲ ਭਰਿਆ ਆਟੋ ਅਵਾਰਾ ਪਸ਼ੂਆਂ ਨਾਲ ਟਕਰਾਇਆ, 2 ਵਿਅਕਤੀਆਂ ਦੀ ਹੋਈ ਮੌਤ ਨਤੀਜਾ ਇਹ ਹੋਇਆ ਕਿ ਐੱਨ ਆਰ ਆਈਜ਼ ਵਲੋਂ ਉਲੀਕੇ ਗਏ ਸਾਰੇ ਪ੍ਰੋਗਰਾਮ ਰੱਦ ਕਰਵਾ ਦਿੱਤੇ ਗਏ ਹਨ ਤੇ ਇਸ ਸਭ ਦਾ ਸਿੱਧਾ ਤੇ ਮਾਰੂ ਅਸਰ ਰਿਜ਼ੋਰਟ ਅਤੇ ਹੋਟਲ ਇੰਡਸਟਰੀ 'ਤੇ ਪਿਆ ਹੈ। ਹੋਟਲ ਸੰਚਾਲਕਾਂ ਮੁਤਾਬਿਕ ਬੇਸ਼ਕ ਉੱਨਾਂ ਵਲੋਂ ਆਪਣੇ ਹੋਟਲਾਂ ਨੂੰ ਸੈਨੇਟਾਈਜ਼ ਕੀਤਾ ਗਿਆ ਹੈ ਪਰ ਕੋਰੋਨਾ ਦੇ ਖ਼ੌਫ਼ ਕਾਰਨ ਜਿਥੇ ਐੱਨ ਆਰ ਆਈਜ਼ ਦੀ ਆਮਦ ਖਤਮ ਹੋ ਗਈ ਹੈ, ਉਥੇ ਕਾਰਪੋਰੇਟਜ਼ ਅਤੇ ਆਮ ਲੋਕਾਂ ਵਲੋਂ ਵੀ ਕੋਈ ਸਮਾਗਮ ਨਹੀਂ ਕੀਤਾ ਜਾ ਰਿਹਾ ਹੈ। ਇਥੇ ਹੀ ਬੱਸ ਨਹੀਂ ਐੱਨ.ਆਰ.ਆਈਜ਼ ਦਾ ਗੜ੍ਹ ਜਲੰਧਰ ਦੇ ਰਿਜ਼ੋਰਟ ਸੰਚਾਲਕਾਂ ਉਤੇ ਵੀ ਇਹ ਕੋਰੋਨਾ ਕਹਿਰ ਬਣ ਕੇ ਟੁਟਿਆ ਹੈ, ਕਿਓਂਕਿ ਕੋਰੋਨਾ ਦੇ ਖ਼ੌਫ਼ ਕਾਰਨ ਨਾ ਸਿਰਫ ਮਾਰਚ ਮਹੀਨੇ ਦੇ ਵਿਆਹ ਸਮਾਗਮ ਰੱਦ ਹੋਏ ਨੇ ਬਲਕਿ ਅਪ੍ਰੈਲ ਮਹੀਨੇ ਲਈ ਹੋਈਆਂ ਬੁਕਿੰਗਜ਼ ਵੀ ਪ੍ਰਭਾਵਿਤ ਹੋਈਆਂ ਹਨ। -PTC News