12 ਸਤੰਬਰ ਨੂੰ ਪੰਜਾਬ 'ਚ ਸਰਕਾਰੀ ਛੁੱਟੀ ਦਾ ਐਲਾਨ
ਪੰਜਾਬ ਸਰਕਾਰ ਨੇ ਸਾਰਾਗੜੀ ਦਿਵਸ ਮਨਾਉਣ ਲਈ 12 ਸਤੰਬਰ ਨੂੰ ਛੁੱਟੀ ਦਾ ਐਲਾਨ ਕੀਤਾ ਹੈ।
ਪੰਜਾਬ ਸਰਕਾਰ ਦੁਆਰਾ ਸਾਰਾਗੜੀ ਦੀ ਇਤਿਹਾਸਕ ਲੜਾਈ ਨੂੰ ਸਮਰਪਿਤ 12 ਸਤੰਬਰ ਨੂੰ ਸਾਰਾਗੜੀ ਦਿਵਸ ਮਨਾਉਣ ਲਈ ਜਨਤਕ ਛੁੱਟੀ ਦਾ ਐਲਾਨ ਕੀਤਾ ਗਿਆ ਹੈ।
ਇਸ ਸਬੰਧ ਵਿਚ ਇਕ ਨੋਟੀਫਿਕੇਸ਼ਨ ਵੀ ਜਾਰੀ ਕੀਤਾ ਗਿਆ ਹੈ। ਸਾਰਾਗੜੀ ਦੀ ਲੜਾਈ ੧੨ ਸਤੰਬਰ ੧੮੯੭ ਨੂੰ ਬ੍ਰਿਟਿਸ਼ ਭਾਰਤੀ ਫੌਜ ਦੇ ਸਿੱਖ ਸਿਪਾਹੀਆਂ ਅਤੇ ਪਸ਼ਤੂਨ ਓਜਾਕਜ਼ਈ ਕਬੀਲਿਆਂ ਦੇ ਵਿਚਕਾਰ ਹੋਈ ਇੱਕ ਮੁਹਿੰਮ ਤਹਿਤ ਲੜੀ ਗਈ ਸੀ।
ਬ੍ਰਿਟਿਸ਼ ਭਾਰਤੀ ਦਲ ਵਿਚ 36 'ਚੋਂ (ਹੁਣ ਸਿੱਖ ਰੈਜੀਮੈਂਟ ਦੇ ੪ ਵੀਂ ਬਟਾਲੀਅਨ) ਦੇ 21 ਸਿੱਖ ਸਨ, ਜਿਨ੍ਹਾਂ ਨੂੰ 10,000 ਅਫਗਾਨੀਆਂ ਦੁਆਰਾ ਹਮਲਾ ਹੋਣ 'ਤੇ ਫੌਜੀ ਪੋਸਟ 'ਤੇ ਤਾਇਨਾਤ ਕੀਤਾ ਗਿਆ ਸੀ।
ਮਹਿਜ਼ 21 ਸਿੱਖਾਂ ਨੇ ਅਫਗਾਨਾ ਦੀ 10,000 ਵਰਗੀ ਇੱਕ ਵੱਡੀ ਗਿਣਤੀ ਨੂੰ ਯੁਧ ਵਿਚ ਲੋਹੇ ਦੇ ਦਾਣੇ ਚੱਬਣ ਲਈ ਮਜਬੂਰ ਕਰ ਦਿੱਤਾ ਸੀ
ਇਕ ਅਧਿਕਾਰੀ ਦੇ ਬੁਲਾਰੇ ਨੇ ਕਿਹਾ ਕਿ 12 ਸਤੰਬਰ ਨੂੰ ਸਾਰੇ ਨੁਮਾਇੰਦਿਆਂ, ਬੋਰਡਾਂ ਅਤੇ ਕਾਰਪੋਰੇਸ਼ਨਾਂ, ਸੰਸਥਾਵਾਂ ਅਤੇ ਪੰਜਾਬ ਸਰਕਾਰ ਦੇ ਵਿਦਿਅਕ ਸੰਸਥਾਨ ਵਿਚ ਜਨਤਕ ਛੁੱਟੀ ਦਾ ਐਲਾਨ ਕੀਤਾ ਗਿਆ ਹੈ।
—PTC News
