ਪੰਜ ਸਿਤਾਰਾ ਹੋਟਲ 'ਚ ਕੰਮ ਕਰਦੀ ਔਰਤ ਨਾਲ ਸਹਿਕਰਮੀ ਵੱਲੋਂ ਜਬਰਦਸਤੀ ਦੀ ਕੋਸ਼ਿਸ਼, ਕੱਪੜੇ ਉਤਾਰਨ ਲਈ ਕੀਤਾ ਮਜਬੂਰ
ਰੇਪ ਸਿਟੀ ਦੇ ਨਾਮ ਤੋਂ ਬਦਨਾਮ ਹੋਈ ਭਾਰਤ ਦੀ ਰਾਜਧਾਨੀ ਦਿੱਲੀ ਵਿੱਚ ਇੱਕ ਹੋਰ ਸ਼ਰਮਨਾਕ ਘਟਨਾ ਵਾਪਰੀ ਹੈ। ਫਾਈਵ ਸਟਾਰ ਹੋਟਲ 'ਚ ਜਬਰਦਸਤੀ ਮਹਿਲਾ ਕਰਮਚਾਰੀ ਦੇ ਕੱਪੜੇ ਉਤਾਰਣ ਦੀ ਕੋਸ਼ਿਸ਼ ਕਰਨ ਦੀ ਘਿਨੌਣੀ ਘਟਨਾ ਨੇ ਇੱਕ ਵਾਰ ਇਨਸਾਨੀਅਤ ਨੂੰ ਸ਼ਰਮਸਾਰ ਕਰ ਕੇ ਰੱਖ ਦਿੱਤਾ ਹੈ। ਦੋਸ਼ੀ ਨੇ ਇਸ ਘਟਨਾ ਨੂੰ ਆਪਣੇ ਸਹਿ ਕਰਮਚਾਰੀ ਦੀ ਹਾਜ਼ਰੀ ਵਿੱਚ ਅੰਜਾਮ ਦਿੱਤਾ ਹੈ । ਇਹ ਘਟਨਾ ਸੀਸੀਟੀਵੀ ਵਿੱਚ ਕੈਦ ਹੋ ਗਈ ਹੈ । (Women molested in a five star hotel by colleague, asked to remove clothes)
ਮਹਿਲਾ ਅਤੇ ਉਸਦੇ ਪਤੀ ਨੇ ਪੁਲਿਸ ਨੁੰ ਸ਼ਿਕਾਇਤ ਦਰਜ ਕਰਵਾ ਦਿੱਤੀ ਹੈ ਅਤੇ ਪੁਲਿਸ ਨੇ ਵੀ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਹ ਘਟਨਾ ਦਿੱਲੀ ਦੇ ਐਰੋਸਿਟੀ ਦੇ ਇੱਕ ਪੰਜ ਸਿਤਾਰਾ ਹੋਟਲ 'ਚ ਵਾਪਰੀ ਹੈ।
ਸੀਸੀਟੀਵੀ ਫੁਟੇਜ 'ਚ ਹੋਟਲ ਦਾ ਸਕਿਓਰਿਟੀ ਮੈਨੇਜਰ, ਜਿਸਦਾ ਨਾਮ ਪਵਨ ਦਹੀਆ ਦੱਸਿਆ ਜਾ ਰਿਹਾ ਹੈ, ਹੋਟਲ ਦੇ ਗੈਸਟ ਰਿਲੇਸ਼ਨ ਡਿਪਾਰਟਮੈਂਟ 'ਚ ਕੰਮ ਕਰਦੀ ਮਹਿਲਾ ਕਰਮਚਾਰੀ ਦੀ ਸਾੜ੍ਹੀ ਦਾ ਪਹਿਲਾਂ ਪੱਲਾ ਖਿੱਚਦਾ ਹੈ ਅਤੇ ਫਿਰ ਉਸਦੇ ਕੱਪੜੇ ਉਤਾਰਣ ਦੀ ਕੋਸ਼ਿਸ਼ ਕਰਦਾ ਹੈ । ਉਹ ਬੇਖੌਫ ਹੋ ਕੇ ਇਹ ਮਹਿਲਾ ਨਾਲ ਛੇੜਖਾਨੀ ਅਤੇ ਬਦਤਮੀਜੀ ਕਰਦਾ ਦਿਖਾਈ ਦੇ ਰਿਹਾ ਹੈ।
ਇਸ ਸ਼ਰਮਨਾਕ ਘਟਨਾ ਦੌਰਾਨ ਹੋਟਲ ਸਕਿਓਰਿਟੀ ਮੈਨੇਜਰ ਵੀ ਉਸ ਕਮਰੇ ਵਿੱਚ ਮੌਜੂਦ ਸੀ ।
ਪੀੜਿਤ ਮਹਿਲਾ ਦੇ ਅਨੁਸਾਰ ਉਹ ਉਸਨੂੰ ਗੈਸਟ ਰਿਲੇਸ਼ਨ ਸੈਕਸ਼ਨ ਡਿਪਾਰਮੈਂਟ 'ਚ ਕੰਮ ਕਰਦੇ ਦੋ ਸਾਲ ਹੋ ਚੁੱਕੇ ਹਨ ਅਤੇ ਪਿਛਲੇ ਕੁਝ ਸਮੇਂ ਤੋਂ ਹੀ ਹੋਟਲ ਦਾ ਸਕਿਓਰਿਟੀ ਮੈਨੇਜਰ ਉਸ ਨਾਲ ਜਬਰਦਸਤੀ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਮਹਿਲਾ ਮੁਤਾਬਕ ਘਟਨਾ ਦੌਰਾਨ ਪਵਨ ਨੇ ਉਸਨੂੰ ਆਪਣੇ ਨਾਲ ਹੋਟਲ ਦੇ ਕਮਰੇ 'ਚ ਰਹਿਣ ਲਈ ਜ਼ੋਰ ਪਾਇਆ ਸੀ ਅਤੇ ਕਈ ਲੁਭਾਵਣੇ ਵਾਅਦੇ ਅਤੇ ਗਿਫਟਾਂ ਦਾ ਲਾਲਚ ਵੀ ਦਿੱਤਾ ਸੀ।
Women molested in a five star hotel by colleague, asked to remove clothes
ਮਹਿਲਾ ਦੇ ਵਿਰੋਧ ਕਰਨ 'ਤੇ ਉਸ ਨਾਲ ਜਬਰਦਸਤੀ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਸੀ।
ਜ਼ਿਕਰਯੋਗ ਹੈ ਕਿ ਮਹਿਲਾ ਨੇ ਇਸ ਸੰਬੰਧੀ ਹਿਊਮਨ ਰਿਸੋਰਸ ਡਿਪਾਰਟਮੈਂਟ ਨੂੰ ਵੀ ਇਤਲਾਹ ਦਿੱਤੀ ਸੀ, ਜਿਸ ਬਾਰੇ ਕੋਈ ਐਕਸ਼ਨ ਨਹੀ ਲਿਆ ਗਿਆ ਸੀ।
ਬਜਾਏ ਦੋਸ਼ੀ 'ਤੇ ਕਾਰਵਾਈ ਕਰਨ 'ਤੇ, ਉਸ ਕਰਮਚਾਰੀ ਨੂੰ ਨੌਕਰੀ ਤੋਂ ਬਾਹਰ ਕੱਢ ਦਿੱਤਾ ਗਿਆ ਹੈ ਜਿਸਨੇ ਸੀਸੀਟੀਵੀ ਫੁਟੇਜ ਦਿੱਤੀ ਹੈ।
—PTC News
