ਮੰਤਰੀ ਨਵਜੋਤ ਸਿੱਧੂ ਦਾ ਭ੍ਰਿਸ਼ਟਾਚਾਰ 'ਤੇ ਵੱਡਾ ਹਮਲਾ
ਨਵਜੋਤ ਸਿੰਘ ਸਿੱਧੂ ਨੇ ਭ੍ਰਿਸ਼ਟਾਚਾਰ 'ਤੇ ਵੱਡਾ ਹਮਲਾ ਬੋਲਦਿਆਂ ਇੱਕ ਸਟੇਟ ਟਾਊਨ ਪਲੈਨਰ ਨੂੰ ਨੌਕਰੀ ਤੋਂ ਬਰਖਾਸਤ ਕਰਨ ਦੇ ਆਦੇਸ਼ ਜਾਰੀ ਕਰ ਦਿੱਤੇ ਹਨ । ਇਸ ਤੋਂ ਕਰਵਾਈ ਗਈ ਵਿਭਾਗੀ ਜਾਂਚ ਦੇ ਆਧਾਰ 'ਤੇ ਪਾਈ ਗਈ ਗੜਬੜੀ 'ਤੇ ਕਾਰਵਾਈ ਕੀਤੀ ਗਈ ਹੈ। ਇਸ 'ਚ ਅਣ-ਅਧਿਕਾਰਿਤ ਬਿਲਡਿੰਗਾਂ ਨੂੰ ਮਨਜੂਰੀ ਦੇਣ ਦੇ ਮਾਮਲੇ 'ਚ ਲੱਗੇ ਦੋਸ਼ਾਂ ਤਹਿਤ ਸ਼ਹਿਰ ਦੇ ਉਸ ਵੇਲੇ ਦੇ ਸਟੇਟ ਟਾਊਨ ਪਲੈਨਰ ਨੂੰ ਨੌਕਰੀ ਤੋਂ ਬਰਖਾਸਤ ਕਰ ਦਿੱਤਾ ਹੈ। ਇਸ ਮਾਮਲੇ 'ਚ ਹੋਰ ਤਿੰਨ ਅਧਿਕਾਰੀਆਂ ਦੀ ਇਕ ਰੈਂਕ/ਦਰਜਾ ਡਿਮੋਸ਼ਨ ਕਰ ਦਿੱਤੀ ਗਈ ਸੀ। ਜੋ ਅਧਿਕਾਰੀ ਰਿਟਾਇਰ ਹੋ ਚੁੱਕੇ ਹਨ, ਉਹਨਾਂ ਦੀ ਅਗਲੇ ਤਿੰਨ ਸਾਲ ਅੱਧੀ ਪੈਨਸ਼ਨ ਬਤੌਰ ਜ਼ੁਰਮਾਨੇ ਕੱਟਣ ਦੇ ਆਦੇਸ਼ ਦਿੱਤੇ ਗਏ ਹਨ। —PTC News