ਪੰਜਾਬ ਦੇ ਮਸ਼ਹੂਰ ਗਾਇਕ ਬੱਬੂ ਮਾਨ ਨੇ ਅਜਿਹਾ ਕੰਮ ਕਰਕੇ ਜਿੱਤਿਆ ਸਿੱਖ ਭਾਈਚਾਰੇ ਦਾ ਦਿਲ
ਪੰਜਾਬ ਦੇ ਮਸ਼ਹੂਰ ਗਾਇਕ ਬੱਬੂ ਮਾਨ ਨੇ ਅਜਿਹਾ ਕੰਮ ਕਰਕੇ ਜਿੱਤਿਆ ਸਿੱਖ ਭਾਈਚਾਰੇ ਦਾ ਦਿਲ:ਬੀਤੇ ਦਿਨੀਂ ਸ਼ਿਲਾਂਗ 'ਚ ਵਾਪਰੀਆਂ ਹਿੰਸਾ ਦੀਆਂ ਘਟਨਾਵਾਂ ਦੇ ਕਾਰਨ ਇੱਕ ਸਿੱਖ ਡਰਾਈਵਰ ਦੇ ਟਰੱਕ ਨੂੰ ਅੱਗ ਦੇ ਹਵਾਲੇ ਕਰ ਦਿੱਤਾ ਗਿਆ।ਇਸ ਦੁਖਦਾਈ ਘਟਨਾ ਤੋਂ ਬਾਅਦ ਭਾਵੁਕ ਹੋਏ ਇਸ ਸਿੱਖ ਡਰਾਈਵਰ ਨੇ ਆਪਣੀ ਵੀਡੀਓ ਸੋਸ਼ਲ ਮੀਡਿਆ 'ਤੇ ਅੱਪਲੋਡ ਕੀਤੀ।
ਹਿੰਸਾ ਦਾ ਸ਼ਿਕਾਰ ਹੋਏ ਇਸ ਸਿੱਖ ਡਰਾਈਵਰ ਨੇ ਵੀਡੀਓ ਵਿਚ ਪੂਰੇ ਵਿਸ਼ਵ 'ਚ ਵੱਸਦੇ ਸਿੱਖ ਭਾਇਚਾਰੇ ਨੂੰ ਉਸਦੀ ਮਦਦ ਕਰਨ ਲਈ ਬੇਨਤੀ ਕੀਤੀ ਤੇ ਆਪਣਾ ਫੋਨ ਨੰਬਰ ਵੀ ਸਾਂਝਾ ਕੀਤਾ।ਇਸ ਵੀਡੀਓ ਨੂੰ ਦੇਖਕੇ ਭਾਵੁਕ ਹੋਏ ਪੰਜਾਬ ਦੇ ਮਸ਼ਹੂਰ ਕਲਾਕਾਰ ਬੱਬੂ ਮਾਨ ਨੇ ਇਸ ਸਿੱਖ ਡਰਾਈਵਰ ਦੀ ਮਦਦ ਕਰਨ ਦਾ ਫੈਸਲਾ ਲਿਆ।
ਬੱਬੂ ਮਾਨ ਨੇ ਨਾ ਸਿਰਫ਼ ਇਸ ਮੁੱਦੇ ਨੂੰ ਆਪਣੇ ਸੋਸ਼ਲ ਮੀਡਿਆ ਤੇ ਸਾਂਝਾ ਕਰਕੇ ਅਣਗਿਣਤ ਲੋਕਾਂ ਤੱਕ ਇਸ ਮਦਦ ਦੀ ਗੁਹਾਰ ਨੂੰ ਪਹੁੰਚਾਇਆ,ਸਗੋਂ ਇਸ ਸਿੱਖ ਭਾਈ ਨੂੰ ਭਾਰਤ ਆਉਣ ਦਾ ਸੱਦਾ ਦੇ ਕੇ ਉਸਦੀ ਪੂਰੀ ਬਣਦੀ ਮਦਦ ਕਰਨ ਦਾ ਵੀ ਭਰੋਸਾ ਦਵਾਇਆ ਹੈ।
ਬੱਬੂ ਮਾਨ ਨੇ ਆਪਣੇ ਫੇਸਬੂਕ ਪੇਜ ਉੱਤੇ ਸਿੱਖ ਡਰਾਈਵਰ ਦਾ ਵੀਡੀਓ ਸਾਂਝਾ ਕਰਦੇ ਸਿੱਖਾਂ ਦਾ ਦਰਦ ਬਿਆਨ ਕਰਦਿਆਂ ਆਪਣੇ ਹੀ ਗੀਤ ਦੀਆਂ ਕੁਝ ਤੁੱਕਾਂ ਸਾਂਝੀਆਂ ਕੀਤੀਆਂ।
"ਛੋਟੀ ਜੀ ਗੱਲ ਉੱਤੇ ਹੋ ਜਾਂਦੇ ਦੰਗੇ, ਗਦੀਆਂ ਅੱਗਾਂ,
ਕੋਈ ਬੰਦਾ ਸੇਫ਼ ਨਹੀਂ, ਏ ਰਾਹ ਜਾਂਦਿਆਂ ਲੱਥਣ ਪੱਗਾਂ"
ਉਨ੍ਹਾਂ ਲਿਖਿਆ ਵੱਡੇ ਭਾਈ,ਅਸੀਂ ਤੇਰੇ ਨਾਲ ਆਂ ਇਸ ਦੁੱਖ ਦੀ ਘੜੀ 'ਚ ..ਤੂੰ ਪੰਜਾਬ ਆਜਾ,ਜਿੰਨੇ ਜੋਗੇ ਮਾਲਕ ਨੇ ਬਣਾਇਆ ਅਸੀਂ ਤੇਰੀ ਓੰਨੀ ਕੁ ਮਦਦ ਜ਼ਰੂਰ ਕਰਾਂਗੇ....ਬੇਈਮਾਨ
ਬੱਬੂ ਮਾਨ ਹਮੇਸ਼ਾ ਹੀ ਕਿਸੇ ਨਾ ਕਿਸੇ ਦੀ ਮਦਦ ਲਈ ਕਰਨ ਲਈ ਅੱਗੇ ਆਉਂਦੇ ਹਨ।ਉਹ ਅਕਸਰ ਹੀ ਅਜਿਹੇ ਮੁੱਦੇ ਚੱਕਦੇ ਹਨ ਤੇ ਆਮ ਲੋਕਾਂ ਲਈ ਪ੍ਰਸ਼ਾਸਨ ਤੱਕ ਨਾਲ ਭਿੜ ਜਾਂਦੇ ਹਨ।ਇਹੀ ਕਾਰਣ ਹੈ ਕਿ ਉਨ੍ਹਾਂ ਦੇ ਪ੍ਰਸ਼ੰਸਕ ਵੀ ਸਿਰਫ਼ ਇਕ ਕਲਾਕਾਰ ਵੱਜੋਂ ਨਹੀਂ ਸਗੋਂ ਬਤੌਰ ਸ਼ਕਸੀਅਤ ਬੱਬੂ ਮਾਨ ਦਾ ਸਤਿਕਾਰ ਕਰਦੇ ਹਨ ਤੇ ਉਨ੍ਹਾਂ ਨੂੰ ਦਿਲੋਂ ਪਿਆਰ ਕਰਦੇ ਹਨ।
https://www.facebook.com/babbumaan/videos/1733063913406731/
-PTCNews
