ਗਲੋਬਲ ਕਬੱਡੀ ਲੀਗ: ਅੱਜ ਇਹ ਟੀਮਾਂ ਹੋਣਗੀਆਂ ਆਹਮੋ-ਸਾਹਮਣੇ,ਲੁਧਿਆਣਾ: ਗਲੋਬਲ ਕਬੱਡੀ ਲੀਗ ਆਪਣੇ ਦੂਸਰੇ ਪੜਾਅ ਵਿੱਚ ਪਹੁੰਚ ਗਈ ਹੈ, ਜਿਸ ਦੌਰਾਨ ਜਲੰਧਰ ਤੋਂ ਬਾਅਦ ਹੁਣ ਇਸ ਲੀਗ ਦੇ ਮੈਚ ਲੁਧਿਆਣਾ ਵਿੱਚ ਖੇਡੇ ਜਾ ਰਹੇ ਹਨ। ਬੀਤੇ ਦਿਨ ਲੁਧਿਆਣਾ ਦੀ ਖੇਤੀਬਾੜੀ ਯੂਨੀਵਰਸਿਟੀ ਦੇ ਖੇਡ ਮੈਦਾਨ ਵਿੱਚ ਇਹਨਾਂ ਮੁਕਾਬਲਿਆਂ ਦਾ ਆਗਾਜ਼ ਕੀਤਾ ਗਿਆ।
ਜਿਸ ਦੌਰਾਨ ਕੱਲ੍ਹ ਇਸ ਮੈਦਾਨ ਵਿੱਚ 4ਟੀਮਾਂ ਆਪਸ ਵਿੱਚ ਭਿੜੀਆਂ। ਉਸੇ ਤਰਾਂ ਅੱਜ ਵੀ ਲੁਧਿਆਣਾ ਦੇ ਇਸ ਖੇਡ ਮੈਦਾਨ ਵਿੱਚ 4 ਟੀਮਾਂ ਆਹਮੋ ਸਾਹਮਣੇ ਹੋਣਗੀਆਂ। ਜਿਸ ਦੌਰਾਨ ਅੱਜ ਦਾ ਪਹਿਲਾ ਮੁਕਾਬਲਾ ਦਿੱਲੀ ਟਾਈਗਰਜ਼ ਅਤੇ ਬਲੈਕ ਪੈਨਥਰਜ਼ ਦੇ ਵਿਚਾਲੇ ਖੇਡਿਆ ਜਾਵੇਗਾ, ਨਾਲ ਹੀ ਸਿੰਘ ਵਾਰੀਅਜ ਪੰਜਾਬ ਅਤੇ ਕੈਲੇਫੋਰਨੀਆ ਈਗਲਜ਼ ਦੀਆਂ ਟੀਮਾਂ ਵਿਚਾਲੇ ਇੱਕ ਫਸਵਾਂ ਮੁਕਾਬਲਾ ਦੇਖਣ ਨੂੰ ਮਿਲੇਗਾ। ਜਿਸ ਦਾ ਸਿੱਧਾ ਪ੍ਰਸਾਰਣ ਸ਼ਾਮੀ 5 ਵਜੇ ਤੋਂ ਪੀ.ਟੀ.ਸੀ ਨਿਊਜ਼ 'ਤੇ ਦਿਖਾਇਆ ਜਾਵੇਗਾ।
—PTC News