ਰਾਮ ਮੰਦਰ ਦੇ ਭੂਮੀ ਪੂਜਨ ਦਾ ਸੱਦਾ ਪੱਤਰ ਦੇਖਿਆ ? ਬਾਬਰੀ ਮਸਜਿਦ ਦੇ ਮੁਕੱਦਮੇਬਾਜ਼ ਇਕਬਾਲ ਅੰਸਾਰੀ ਨੂੰ ਵੀ ਭੇਜਿਆ
ਨਵੀਂ ਦਿੱਲੀ - ਦੇਸ਼ ਦੇ ਸਭ ਤੋਂ ਵੱਡੇ ਮਸਲਿਆਂ ਵਜੋਂ ਜਾਣਿਆ ਜਾਂਦਾ ਅਯੋਧਿਆ ਮਸਲਾ ਅਦਾਲਤ ਦੇ ਫ਼ੈਸਲੇ ਤੋਂ ਬਾਅਦ ਹੁਣ ਅਗਲੇ ਪੜਾਅ, ਰਾਮ ਮੰਦਰ ਦੀ ਸਥਾਪਨਾ ਵੱਲ੍ਹ ਵੱਧ ਰਿਹਾ ਹੈ। ਰਾਮ ਮੰਦਿਰ ਨਿਰਮਾਣ ਲਈ 5 ਅਗਸਤ ਨੂੰ ਭੂਮੀ ਪੂਜਨ ਹੋਣ ਜਾ ਰਿਹਾ ਹੈ ਤੇ ਇਸ ਦੀ ਸ਼ੁਰੂਆਤ ਰੱਖੜੀ ਦੇ ਤਿਉਹਾਰ ਦੇ ਦਿਨ ਤੋਂ ਹੋ ਚੁੱਕੀ ਹੈ। ਰਾਮ ਮੰਦਰ ਦਾ ਨੀਂਹ ਪੱਥਰ ਰੱਖਿਆ ਜਾ ਰਿਹਾ ਹੈ ਤੇ ਖੁਦ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਰਾਮ ਮੰਦਿਰ ਦਾ ਭੂਮੀ ਪੂਜਨ ਕਰਨ ਵਾਲੇ ਹਨ। ਕੋਰੋਨਾ ਮਹਾਮਾਰੀ ਕਾਰਨ ਸੋਸ਼ਲ ਡਿਸਟੈਨਸਿੰਗ ਨੂੰ ਮੱਦੇਨਜ਼ਰ ਰੱਖਦੇ ਹੋਏ, ਇਸ ਸਮਾਗਮ ਲਈ ਕੁਝ ਵਿਸ਼ੇਸ਼ ਲੋਕਾਂ ਨੂੰ ਹੀ ਸੱਦਾ ਭੇਜਿਆ ਗਿਆ ਹੈ।
ਅਜਿਹੇ 'ਚ ਜਿਨ੍ਹਾਂ ਲੋਕਾਂ ਨੂੰ ਸਮਾਗਮ ਦਾ ਸੱਦਾ ਪੱਤਰ ਭੇਜਿਆ ਗਿਆ ਹੈ ਹੈ, ਉਨ੍ਹਾਂ 'ਚ ਅਯੋਧਿਆ ਜ਼ਮੀਨ ਕੇਸ 'ਚ ਬਾਬਰੀ ਮਸਜਿਦ ਦੇ ਪੱਖਕਾਰ ਰਹੇ ਇਕਬਾਲ ਅੰਸਾਰੀ ਨੂੰ ਵੀ ਇਹ ਸੱਦਾ ਪੱਤਰ ਮਿਲਿਆ ਹੈ। ਅੰਸਾਰੀ ਨੂੰ ਮਿਲੇ ਇਸ ਸੱਦਾ ਪੱਤਰ ਦੀ ਤਸਵੀਰ ਸਾਹਮਣੇ ਆਈ ਹੈ, ਤੇ ਸੋਸ਼ਲ ਮੀਡੀਆ 'ਤੇ ਇਸ ਨੂੰ ਲੈ ਕੇ ਚਰਚਾ ਛਿੜ ਗਈ ਹੈ। ਅੰਸਾਰੀ ਨੂੰ ਮਿਲੇ ਇਸ ਸੱਦਾ ਪੱਤਰ ਬਾਰੇ ਐਐੱਨਆਈ (ANI) ਨੇ ਟਵੀਟ ਵੀ ਕੀਤਾ ਹੈ। ਐਐੱਨਆਈ ਅਨੁਸਾਰ ਅੰਸਾਰੀ ਨੇ ਕਿਹਾ ਹੈ ਕਿ ਮੇਰਾ ਮੰਨਣਾ ਹੈ ਕਿ ਇਹ ਭਗਵਾਨ ਰਾਮ ਦੀ ਇੱਛਾ ਸੀ ਕਿ ਪਹਿਲਾ ਸੱਦਾ ਪੱਤਰ ਮੈਨੂੰ ਮਿਲੇ, ਮੈਂ ਇਸ ਨੂੰ ਸਵੀਕਾਰ ਕਰਦਾ ਹਾਂ।
https://twitter.com/ANINewsUP/status/1290155615013097478?ref_src=twsrc%5Etfw%7Ctwcamp%5Etweetembed%7Ctwterm%5E1290155615013097478%7Ctwgr%5E&ref_url=https%3A%2F%2Fwww.punjabijagran.com%2Fnational%2Fgeneral-ram-mandir-bhoomi-pujan-8803036.html
