ਅਸਮਾਨੀ ਬਿਜਲੀ ਡਿੱਗਣ ਨਾਲ ਇੱਕ ਵਿਅਕਤੀ ਦੀ ਮੌਤ ,ਦੂਸਰਾ ਗੰਭੀਰ ਜ਼ਖ਼ਮੀ
ਅਸਮਾਨੀ ਬਿਜਲੀ ਡਿੱਗਣ ਨਾਲ ਇੱਕ ਵਿਅਕਤੀ ਦੀ ਮੌਤ ,ਦੂਸਰਾ ਗੰਭੀਰ ਜ਼ਖ਼ਮੀ:ਬਠਿੰਡਾ : ਬਠਿੰਡਾ-ਬਾਦਲ ਸੜਕ 'ਤੇ ਪੈਂਦੇ ਪਿੰਡ ਕਾਲਝਰਾਣੀ ਵਿਖੇ ਇੱਕ ਦੁਖਦਾਈ ਘਟਨਾ ਵਾਪਰੀ ਹੈ।ਓਥੇ ਬੀਤੀ ਸ਼ਾਮ ਅਸਮਾਨੀ ਬਿਜਲੀ ਡਿੱਗਣ ਨਾਲ ਇਕ ਵਿਅਕਤੀ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਜਦਕਿ ਦੂਸਰਾ ਵਿਅਕਤੀ ਗੰਭੀਰ ਜ਼ਖ਼ਮੀ ਹੋ ਗਿਆ ਹੈ।
[caption id="attachment_293971" align="aligncenter" width="300"]
ਅਸਮਾਨੀ ਬਿਜਲੀ ਡਿੱਗਣ ਨਾਲ ਇੱਕ ਵਿਅਕਤੀ ਦੀ ਮੌਤ ,ਦੂਸਰਾ ਗੰਭੀਰ ਜ਼ਖ਼ਮੀ[/caption]
ਜਾਣਕਾਰੀ ਅਨਸਾਰ ਭਿੰਦਾ ਸਿੰਘ (35) ਪੁੱਤਰ ਕੈਰੋ ਸਿੰਘ ਅਤੇ ਗੁਰਵਿੰਦਰ ਸਿੰਘ (36) ਪੁੱਤਰ ਟਹਿਲ ਸਿੰਘ ਸ਼ਾਮ ਸਮੇਂ ਹੋਈ ਬਰਸਾਤ ਦੇ ਕਾਰਨ ਵਿਹੜੇ 'ਚ ਬਣੀ ਧਰਮਸ਼ਾਲਾ 'ਚ ਬੈਠੇ ਸਨ ਅਤੇ ਮੀਂਹ ਕਾਰਨ ਦੋਵੇ ਵਿਅਕਤੀ ਧਰਮਸ਼ਾਲਾ ਦੇ ਬਾਹਰ ਲੱਗੇ ਇੱਕ ਦਰਖਤ ਥੱਲੇ ਰੁਕ ਗਏ ਤਾਂ ਅਚਾਨਕ ਅਸਮਾਨੀ ਬਿਜਲੀ ਦੋਹਾਂ 'ਤੇ ਅਸਮਾਨੀ ਬਿਜਲੀ ਡਿੱਗ ਪਈ।ਜਿਸ ਕਾਰਨ ਭਿੰਦਾ ਸਿੰਘ ਦੀ ਤਾਂ ਮੌਕੇ 'ਤੇ ਹੀ ਮੌਤ ਹੋ ਗਈ ਜਦਕਿ ਗੁਰਵਿੰਦਰ ਦੀ ਧੋਣ ਦਾ ਮਣਕਾ ਟੁੱਟ ਗਿਆ ,ਜਿਸ ਨੂੰ ਇਲਾਜ਼ ਲਈ ਬਠਿੰਡਾ ਦੇ ਸਰਕਾਰੀ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਹੈ।
[caption id="attachment_293972" align="aligncenter" width="285"]
ਅਸਮਾਨੀ ਬਿਜਲੀ ਡਿੱਗਣ ਨਾਲ ਇੱਕ ਵਿਅਕਤੀ ਦੀ ਮੌਤ ,ਦੂਸਰਾ ਗੰਭੀਰ ਜ਼ਖ਼ਮੀ[/caption]
ਇਸ ਘਟਨਾ ਨਾਲ ਸਮੁੱਚੇ ਪਿੰਡ 'ਚ ਸੋਗ ਦੀ ਲਹਿਰ ਪਾਈ ਜਾ ਰਹੀ ਹੈ।ਦੋਵੇ ਵਿਅਕਤੀ ਘਰੋ ਗਰੀਬ ਸਨ। ਪਿੰਡ ਵਾਸੀਆਂ ਵੱਲੋਂ ਸਰਕਾਰ ਤੋਂ ਮੁਆਵਜ਼ੇ ਦੀ ਮੰਗ ਕੀਤੀ ਗਈ ਹੈ।ਜਿਕਰਯੋਗ ਹੈ ਕਿ ਇਸ ਪਿੰਡ 'ਚ ਪਿਛਲੇ ਸਾਲ ਵੀ ਅਸਮਾਨੀ ਬਿਜਲੀ ਡਿੱਗ ਪਈ ਸੀ, ਜਿਸ 'ਚ ਦੋ ਵਿਅਕਤੀ ਦੀ ਮੌਤ ਹੋ ਗਈ ਸੀ।
-PTCNews
