ਬੀ.ਐੱਸ.ਐੱਫ ਦੇ ਜਵਾਨਾਂ ਵੱਲੋਂ 1 ਪਾਕਿ ਤਸਕਰ ਢੇਰ,ਦੂਸਰਾ ਕਾਬੂ,4 ਪੈਕਟ ਹੈਰੋਇਨ ਬਰਾਮਦ
ਬੀ.ਐੱਸ.ਐੱਫ ਦੇ ਜਵਾਨਾਂ ਵੱਲੋਂ 1 ਪਾਕਿ ਤਸਕਰ ਢੇਰ,ਦੂਸਰਾ ਕਾਬੂ,4 ਪੈਕਟ ਹੈਰੋਇਨ ਬਰਾਮਦ:ਅੰਮ੍ਰਿਤਸਰ ਸੈਕਟਰ ਤਹਿਤ ਆਉਂਦੇ ਪਿੰਡ ਰਾਣੀਆਂ ਦੀ ਸਰਹੱਦੀ ਚੌਂਕੀ ਰਾਮਕੋਟ ਵਿਖੇ ਬੀਤੀ ਰਾਤ ਸੁਰੱਖਿਆ ਬਲਾਂ ਨੇ ਇੱਕ ਪਾਕਿ ਤਸਕਰ ਨੂੰ ਢੇਰ ਕਰ ਦਿੱਤਾ ਤੇ ਦੂਸਰੇ ਨੂੰ ਜਿਊਂਦਾ ਕਾਬੂ ਕੀਤਾ ਗਿਆ ਹੈ।ਸੂਤਰਾਂ ਅਨੁਸਾਰ ਅੱਜ ਸਵੇਰੇ ਚਲਾਏ ਗਏ ਤਲਾਸ਼ੀ ਅਭਿਆਨ ਦੌਰਾਨ 4 ਪੈਕਟ ਹੈਰੋਇਨ ਵੀ ਬਰਾਮਦ ਕੀਤੀ ਗਈ ਹੈ।ਮੌਕੇ 'ਤੇ ਢੇਰ ਹੋਏ ਤਸਕਰ ਦੀ ਪਹਿਚਾਣ ਸਬੀਰ ਹੂਸੈਨ ਦੇ ਵੱਜੋਂ ਹੋਈ ਹੈ ਉਸ ਦੀ ਉਮਰ ਕਰੀਬ 30 ਸਾਲ ਦੀ ਹੈ।ਇਸ ਤੋਂ ਬਿਨਾਂ ਦੂਸਰੇ ਫੜੇ ਗਏ ਣਿਅਕਤੀ ਪਹਿਚਾਣ ਰਾਸਿਦ ਅਲੀ ਦੇ ਵੱਜੋ ਹੋਈ ਹੈ ਅਤੇ ਉਸ ਦੀ ਉਮਰ ਕਰੀਬ 32 ਸਾਲ ਹੈ।ਇਹ ਦੋਵੇ ਘੁਸਪੈਠੀਏ ਥੱਠਾ ਦਲਵਾਨ (ਲਹੌਰ) ਦੇ ਨਾਲ ਸੰਬੰਧਿਤ ਹਨ।ਇਸ ਤੋਂ ਬਿਨਾਂ ਬੀ.ਐੱਸ.ਐੱਫ ਦੇ ਜਵਾਨਾਂ ਵੱਲੋ ਇਲਾਕੇ 'ਚ ਸਰਚ ਅਪ੍ਰੇਸ਼ਨ ਜਾਰੀ ਹੈ। -PTCNews