ਧਿਆਨ ਚੰਦ ਪੁਰਸਕਾਰ ਜੇਤੂ ਹਾਕਮ ਸਿੰਘ ਦਾ ਸੰਗਰੂਰ ਦੇ ਹਸਪਤਾਲ ‘ਚ ਹੋਇਆ ਦਿਹਾਂਤ, ਮਾਲੀ ਮਦਦ ‘ਚ ਪ੍ਰਸ਼ਾਸਨ ਦੀ ਅਣਗਹਿਲੀ ਦਾ ਮਾਮਲਾ PTC News ਨੇ ਕੀਤਾ ਸੀ ਉਜਾਗਰ

ਧਿਆਨ ਚੰਦ ਵਿਜੇਤਾ ਹਾਕਮ ਸਿੰਘ ਦਾ ਸੰਗਰੂਰ ਦੇ ਸੀਬੀਆ ਹਸਪਤਾਲ 'ਚ ਦਿਹਾਂਤ ਹੋ ਗਿਆ ਹੈ। ਉਹ ਲੀਵਰ ਦੀ ਗੰਭੀਰ ਬਿਮਾਰੀ ਤੋਂ ਗ੍ਰਸਤ ਸਨ ਅਤੇ ਲੰਮੇ ਸਮੇਂ ਤੋਂ ਬੀਮਾਰ ਚੱਲੇ ਆ ਰਹੇ ਸਨ। ਸਿੰਘ ਦੀਆਂ ਅੰਤਮ ਰਸਮਾਂ ਉਹਨਾਂ ਦੇ ਜੱਦੀ ਪਿੰਡ ਭੱਠਾ ਬਰਨਾਲਾ 'ਚ ਅੱਜ 3 ਵਜੇ ਨਿਭਾਈਆਂ ਜਾਣਗੀਆਂ। ਦੱਸ ਦੇਈਏ ਕਿ ਸੂਬੇ ਦੀ ਸਰਕਾਰ ਵੱਲੋਂ ਸਾਬਕਾ ਖਿਡਾਰੀਆਂ ਪ੍ਰਤੀ ਵਰਤੀ ਜਾ ਰਹੀ ਲਾਪਾਰਵਾਹੀ ਉਸ ਸਮੇਂ ਸੁਰਖੀਆਂ 'ਚ ਆਈ  ਸੀ, ਜਦੋਂ ਪੀਟੀਸੀ ਵੱਲੋਂ ਏਸ਼ੀਆਈ ਖੇਡਾਂ ਦਾ ਸੋਨ ਤਮਗਾ ਜੇਤੂ ਐਥਲੀਟ ਅਤੇ ਧਿਆਨ ਚੰਦ ਪੁਰਸਕਾਰ ਜੇਤੂ ਹਾਕਮ ਸਿੰਘ ਨੂੰ ਉਹਨਾਂ ਦੀ ਬੀਮਾਰੀ ਦੀ ਹਾਲਤ ਚ ਵੀ ਕੋਈ ਮਦਦ ਜਾਰੀ ਨਾ ਕਰਨ ਦਾ ਮੁੱਦਾ ਚੁੱਕਿਆ ਗਿਆ ਸੀ।

Hakam Bhattal, Asian Games gold medallist athlete & Dhyan Chand award winner, is admitted in a hospital in Sangrur for Kidney & Liver ailments. His wife says, 'We're poor people, govt should at least help those who get laurels for the nation. Govt does not value athletes' #Punjab pic.twitter.com/x2Z27LHQHK — ANI (@ANI) July 29, 2018

ਹਾਕਮ ਸਿੰਘ ਨੂੰ ਕਿਡਨੀ ਅਤੇ ਜਿਗਰ ਬਿਮਾਰੀਆਂ ਲਈ ਸੰਗਰੂਰ ਦੇ ਇਕ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਸੀ। ਉਨ੍ਹਾਂ ਦੀ ਪਤਨੀ ਨੇ ਗੁਹਾਰ ਲਗਾਉਂਦਿਆਂ ਕਿਹਾ ਸੀ ਕਿ, 'ਅਸੀਂ ਗਰੀਬ ਲੋਕ ਹਾਂ, ਸਰਕਾਰ ਨੂੰ ਉਨ੍ਹਾਂ ਲੋਕਾਂ ਦੀ ਮਦਦ ਕਰਨੀ ਚਾਹੀਦੀ ਹੈ ਜੋ ਦੇਸ਼ ਲਈ ਨਾਮਣਾ ਖੱਟਦੇ ਹਨ। ਸਰਕਾਰ ਅਥਲੀਟਾਂ ਦੀ ਕਦਰ ਨਹੀਂ ਕਰਦੀ।" ਏ.ਐਨ.ਆਈ ਨੇ ਇਸ ਸੰਬੰਧੀ ਇੱਕ ਟਵੀਟ ਕੀਤਾ ਸੀ, ਜਿਸ ਤੋਂ ਬਾਅਦ ਕੇਂਦਰੀ ਮੰਦਰੀ ਬਾਦਲ ਅਤੇ ਸਮਰਥਕਾਂ ਨੂੰ ਸੰਬੋਧਤ ਕਰਦੇ ਲਿਖਿਆ ਸੀ ਕਿ ਜਿਵੇਂ ਕਿ ਪੰਜਾਬ ਦੇ ਮੁੱਖ ਮੰਤਰੀ ਕੋਲ ਪੰਜਾਬੀਆਂ ਨਾਲ ਵਿਚਰਨ ਅਤੇ ਉਹਨਾਂ ਦੀ ਮੁਸੀਬਤਾਂ ਸੁਣਨ, ਹੱਲ ਕਰਨ ਲਈ ਸਮਾਂ ਨਹੀਂ ਹੈ, ਇਸ ਲਈ ਦੇਖੋ ਜੇ ਤੁਸੀਂ ਇਸ ਮਸਲੇ 'ਤੇ ਕੋਈ ਮਦਦ ਕਰ ਸਕਦੇ ਹੋ ਤਾਂ। ਜ਼ਿਕਰਯੋਗ ਹੈ ਕਿ ਪੀਟੀਸੀ ਨਿਊਜ਼ ਵੱਲੋਂ ਵੀ ਇਹ ਖਬਰ ਨਸ਼ਰ ਕੀਤੀ ਗਈ ਸੀ, ਜਿਸ ਤੋਂ ਬਾਅਦ ਪ੍ਰਸ਼ਾਸਨ ਨੇ ਹਾਕਮ ਸਿੰਘ ਨੂੰ ੨੦੦੦੦ ਦਾ ਚੈੱਕ ਦਿੱਤਾ ਸੀ ਅਤੇ ਦਵਾਈਆਂ ਦਾ ਖਰਚਾ ਚੁੱਕਣ ਦੀ ਜ਼ਿੰਮੇਵਾਰੀ ਰੈਡ ਕਰਾਸ ਨੇ ਲਈ ਸੀ। ਇਸ ਤੋਂ ਇਲਾਵਾ ਸਪੋਰਟਸ ਅਥਾਰਟੀ ਆਫ ਇੰਡੀਆ ਮਸਤੁਆਨਾ ਸਾਹਿਬ ਵੱਲੋਂ ਵੀ ੧੧੦੦੦ ਰੁਪਏ ਦੀ ਵਿੱਤੀ ਸਹਾਇਤਾ ਹਾਕਮ ਸਿੰਘ ਦੇ ਪਰਿਵਾਰ ਨੂੰ ਜਾਰੀ ਕੀਤੀ ਗਈ ਸੀ। —PTC News