ਇਸ ਸ਼ਖਸ ਨੇ ਹਾਥੀਆਂ ਦੇ ਨਾਮ ਕੀਤੀ 5 ਕਰੋੜ ਦੀ ਜਾਇਦਾਦ, ਹੈਰਾਨ ਕਰਨ ਵਾਲਾ ਮਾਮਲਾ
ਇਸ ਸ਼ਖਸ ਨੇ ਹਾਥੀਆਂ ਦੇ ਨਾਮ ਕੀਤੀ 5 ਕਰੋੜ ਦੀ ਜਾਇਦਾਦ, ਹੈਰਾਨ ਕਰਨ ਵਾਲਾ ਮਾਮਲਾ:ਬਿਹਾਰ : ਕੇਰਲ ਵਿੱਚ ਇੱਕ ਗਰਭਵਤੀ ਹਥਣੀ ਨੂੰ ਜ਼ਹਿਰ ਖਵਾ ਕੇ ਮਾਰਨ ਦੀ ਖ਼ਬਰ ਸੁਰਖੀਆਂ ਵਿੱਚ ਹੈ ,ਓਥੇ ਹੀ ਇਨਸਾਨੀਅਤ ਅਜੇ ਵੀ ਲੋਕਾਂ ਵਿੱਚ ਜਿੰਦਾ ਹੈ। ਇਸਦੀ ਮਿਸਾਲ ਹੈ ਬਿਹਾਰ ਦਾ ਇਕ ਸ਼ਖਸ ਹੈ ,ਜਿਸਨੇ ਆਪਣੀ ਸਾਰੀ ਸੰਪਤੀ 2 ਹਾਥੀਆਂ ਦੇ ਨਾਮ ਕਰ ਦਿੱਤੀ ਹੈ। ਜਾਣਕਾਰੀ ਅਨੁਸਾਰ ਇਸ ਵਿਅਕਤੀ ਦਾ ਨਾਮ ਅਖਤਰ ਇਮਾਮ ਹੈ, ਉਸਨੇ ਸਾਰੀ ਜਾਇਦਾਦ ਆਪਣੇ ਦੋ ਹਾਥੀ ਮੋਤੀ ਅਤੇ ਰਾਣੀ ਦੇ ਨਾਮ 'ਤੇ ਕਰ ਦਿੱਤੀ ਹੈ। ਉਸ ਦਾ ਸਾਰਾ ਜੀਵਨ ਹਾਥੀਆਂ ਦੀ ਸੇਵਾ ਨੂੰ ਸਮਰਪਿਤ ਹੈ।
ਅਖਤਰ ਇਮਾਮ ਦੱਸਦਾ ਹੈ ਕਿ ਇਕ ਵਾਰ ਕਿਸੇ ਨੇ ਉਸ ਦਾ ਕਤਲ ਦੀ ਕੋਸ਼ਿਸ਼ ਕੀਤੀ ਗਈ ਸੀ ਪਰ ਉਸ ਸਮੇਂ ਹਾਥੀ ਨੇ ਉਨ੍ਹਾਂ ਨੂੰ ਬਚਾਇਆ ਸੀ। ਜਦੋਂ ਪਿਸਤੌਲ ਨਾਲ ਕੁਝ ਬਦਮਾਸ਼ਾਂ ਨੇ ਇਮਾਮ ਦੇ ਕਮਰੇ ਵੱਲ ਜਾਣਾ ਸ਼ੁਰੂ ਕੀਤਾ ਤਾਂ ਉਨ੍ਹਾਂ ਦੇ ਹਾਥੀ ਉਸ ਨੂੰ ਵੇਖ ਕੇ ਬੁਰੀ ਤਰ੍ਹਾਂ ਚੀਕਣ ਲੱਗੇ। ਇਸ ਦੌਰਾਨ ਅਖਤਰ ਜਾਗਿਆ ਅਤੇ ਰੌਲਾ ਪਾਉਣ 'ਤੇ ਬਦਮਾਸ਼ ਭੱਜ ਗਏ। ਅਖਤਰ ਦੀ ਕਹਾਣੀ ਵਿਲੱਖਣ ਹੈ।
[caption id="attachment_411085" align="aligncenter" width="300"]
ਇਸ ਸ਼ਖਸ ਨੇ ਹਾਥੀਆਂ ਦੇ ਨਾਮ ਕੀਤੀ 5 ਕਰੋੜ ਦੀ ਜਾਇਦਾਦ, ਹੈਰਾਨ ਕਰਨ ਵਾਲਾ ਮਾਮਲਾ[/caption]
ਅਖਤਰ ਦਾ ਦੋਸ਼ ਹੈ ਕਿ ਮੇਰੇ ਬੇਟੇ ਨੇ ਪਸ਼ੂ ਤਸਕਰਾਂ ਦੇ ਨਾਲ ਹਾਥੀ ਵੇਚਣ ਦੀ ਵੀ ਕੋਸ਼ਿਸ਼ ਕੀਤੀ ਪਰ ਉਹ ਫੜਿਆ ਗਿਆ। ਅਖਤਰ ਨੇ ਕਿਹਾ ਕਿ ਸਾਰੀ ਜਾਇਦਾਦ ਹਾਥੀ ਨੂੰ ਦਿੱਤੀ ਗਈ ਹੈ। ਜੇ ਕੋਈ ਹਾਥੀ ਨਹੀਂ ਹੈ ਤਾਂ ਸਾਡੇ ਪਰਿਵਾਰ ਦੇ ਕਿਸੇ ਵੀ ਮੈਂਬਰ ਨੂੰ ਕੁਝ ਨਹੀਂ ਮਿਲੇਗਾ। ਉਹ 10 ਸਾਲਾਂ ਤੋਂ ਆਪਣੀ ਪਤਨੀ ਅਤੇ ਬੱਚੇ ਤੋਂ ਅਲੱਗ ਰਹਿ ਰਿਹਾ ਹੈ। ਆਈਰਾਵਤ ਸੰਗਠਨ ਦੇ ਮੁਖੀ ਅਖਤਰ ਦੱਸਦੇ ਹਨ ਕਿ ਉਹ 12 ਸਾਲਾਂ ਦੀ ਉਮਰ ਤੋਂ ਹੀ ਹਾਥੀਆਂ ਦੀ ਸੇਵਾ ਕਰ ਰਿਹਾ ਹੈ।
ਦੱਸਿਆ ਜਾਂਦਾ ਹੈ ਕਿ 10 ਸਾਲ ਪਹਿਲਾਂ ਅਖਤਰ ਦੀ ਪਤਨੀ, ਦੋ ਪੁੱਤਰਾਂ ਅਤੇ ਧੀ ਨਾਲ ਪਰਿਵਾਰਕ ਝਗੜੇ ਕਾਰਨ ਘਰ ਛੱਡ ਗਈ ਸੀ। ਉਸਨੇ ਆਪਣੇ ਵੱਡੇ ਬੇਟੇ ਮੇਰਾਜ ਉਰਫ ਰਿੰਕੂ ਨੂੰ ਆਪਣੀ ਜਾਇਦਾਦ ਤੋਂ ਵਾਂਝਾ ਕਰ ਦਿੱਤਾ ਹੈ ਅਤੇ ਆਪਣੀ ਅੱਧੀ ਜਾਇਦਾਦ ਆਪਣੀ ਪਤਨੀ ਦੇ ਨਾਮ 'ਤੇ ਲਿਖ ਦਿੱਤੀ ਹੈ। ਉਸ ਦੀ ਤਕਰੀਬਨ 5 ਕਰੋੜ ਰੁਪਏ ਦੀ ਜਾਇਦਾਦ ਦਾ ਹਿੱਸਾ, ਖੇਤ-ਕੋਠੇ, ਮਕਾਨ, ਬੈਂਕ-ਬੈਲੈਂਸ, ਦੋਵੇਂ ਹੀ ਹਾਥੀ ਨੂੰ ਦੇ ਦਿੱਤੇ ਗਏ ਹਨ। ਅਖਤਰ ਦਾ ਕਹਿਣਾ ਹੈ ਕਿ ਜੇ ਦੋਵੇਂ ਹਾਥੀ ਮਰ ਜਾਂਦੇ ਹਨ ਤਾਂ ਜਾਇਦਾਦ ਇਰਾਵਤ ਸੰਸਥਾ ਨੂੰ ਚੱਲੀ ਜਾਏਗੀ।
-PTCNews
