ਦੇਖੋ , ਇਨ੍ਹਾਂ 3 ਦਰਿੰਦਿਆਂ ਨੇ ਬਰਬਾਦ ਕੀਤੀ ਸੀਬੀਐਸਈ ਟਾਪਰ ਦੀ ਜ਼ਿੰਦਗੀ ,ਸਾਹਮਣੇ ਆਈਆਂ ਤਸਵੀਰਾਂ
ਦੇਖੋ , ਇਨ੍ਹਾਂ 3 ਦਰਿੰਦਿਆਂ ਨੇ ਬਰਬਾਦ ਕੀਤੀ ਸੀਬੀਐਸਈ ਟਾਪਰ ਦੀ ਜ਼ਿੰਦਗੀ ,ਸਾਹਮਣੇ ਆਈਆਂ ਤਸਵੀਰਾਂ:ਹਰਿਆਣਾ ਦੇ ਰੇਵਾੜੀ 'ਚ ਸੀਬੀਐਸਈ ਟਾਪਰ ਇੱਕ ਲੜਕੀ ਨਾਲ ਗੈਂਗਰੇਪ ਮਾਮਲੇ 'ਚ ਜਿਨ੍ਹਾਂ 3 ਦੋਸ਼ੀਆਂ ਦੀ ਪਹਿਚਾਣ ਹੁਣ ਹੋਈ ਹੈ,ਉਨ੍ਹਾਂ 3 ਆਰੋਪੀਆਂ ਦੀਆਂ ਤਸਵੀਰਾਂ ਸਾਡੇ ਸਾਹਮਣੇ ਆਈਆਂ ਹਨ।ਜਿਸ ਵਿੱਚ ਤਿੰਨ ਦੋਸ਼ੀਆਂ ਚੋਂ ਰਾਜਸਥਾਨ ਦਾ ਇੱਕ ਫ਼ੌਜੀ ਪੰਕਜ ਵੀ ਸ਼ਾਮਲ ਹੈ, ਜਿਸ ਨੂੰ ਗ੍ਰਿਫ਼ਤਾਰ ਕਰਨ ਲਈ ਪੁਲਿਸ ਦੀ ਟੀਮ ਰਾਜਸਥਾਨ ਰਵਾਨਾ ਹੋ ਗਈ ਹੈ।ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਫ਼ੌਜੀ ਇਸ ਲੜਕੀ ਨਾਲ ਗੈਂਗਰੇਪ ਦਾ ਮੁੱਖ ਦੋਸ਼ੀ ਹੈ।ਦੱਸ ਦੇਈਏ ਕਿ ਇਨ੍ਹਾਂ ਤਿੰਨਾਂ ਦੋਸ਼ੀਆਂ ਨੇ ਰੇਵਾੜੀ ਜ਼ਿਲ੍ਹੇ ਦੇ ਕਨੀਨਾ ਬੱਸ ਅੱਡੇ ਤੋਂ ਕੋਚਿੰਗ ਸੈਂਟਰ ਜਾ ਰਹੀ 19 ਸਾਲਾ ਲੜਕੀ ਨੂੰ ਕਥਿਤ ਤੌਰ ਤੇ ਅਗਵਾ ਕਰ ਲਿਆ ਅਤੇ ਇਸ ਤੋਂ ਬਾਅਦ ਉਸ ਨੂੰ ਨਸ਼ੀਲਾ ਪਦਾਰਥ ਖਵਾ ਕੇ ਉਸ ਨਾਲ ਗੈਂਗਰੇਪ ਕੀਤਾ।ਪੀੜਤ ਲੜਕੀ ਸੀਬੀਐਸਈ ਟਾਪਰ ਅਤੇ ਰਾਸ਼ਟਰਪਤੀ ਐਵਾਰਡ ਨਾਲ ਸਨਮਾਨਤ ਹੈ।ਹਰਿਆਣਾ ਪੁਲਿਸ ਵੱਲੋਂ ਗੈਂਗਰੇਪ ਕਰਨ ਵਾਲੇ ਤਿੰਨ ਦੋਸ਼ੀਆਂ ਦੀ ਗ੍ਰਿਫ਼ਤਾਰੀ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।ਇਸ ਮਾਮਲੇ ਦੀ ਜਾਂਚ ਲਈ ਵਿਸ਼ੇਸ਼ ਜਾਂਚ ਟੀਮ ਦਾ ਗਠਨ ਕੀਤਾ ਗਿਆ ਹੈ।ਹਰਿਆਣਾ ਪੁਲਿਸ ਨੇ ਦੋਸ਼ੀਆਂ ਦਾ ਸੁਰਾਗ ਦੇਣ ਵਾਲੇ ਨੂੰ ਇੱਕ ਲੱਖ ਰੁਪਏ ਇਨਾਮ ਦੇਣ ਦਾ ਐਲਾਨ ਕੀਤਾ ਹੈ।ਪੁਲਿਸ ਨੇ ਇਸ ਮਾਮਲੇ 'ਚ ਤਿੰਨ ਮੁਲਜ਼ਮਾਂ ਪੰਕਜ, ਮਨੀਸ਼ ਤੇ ਨਿਸ਼ੂ ਦੀ ਭਾਲ ਤੇਜ਼ ਕਰ ਦਿੱਤੀ ਗਈ ਹੈ।ਉਨ੍ਹਾਂ ਲੋਕਾਂ ਨੂੰ ਪੁਲਿਸ ਨੂੰ ਜਾਂਚ ਵਿਚ ਸਹਿਯੋਗ ਦੇਣ ਦੀ ਅਪੀਲ ਕੀਤੀ ਹੈ।ਜ਼ਿਕਰਯੋਗ ਹੈ ਕਿ ਘਟਨਾ ਨੂੰ ਤਿੰਨ ਦਿਨ ਬੀਤ ਜਾਣ ਤੋਂ ਬਾਅਦ ਵੀ ਦੋਸ਼ੀ ਫਰਾਰ ਹਨ।ਓਧਰ ਦੂਜੇ ਪਾਸੇ ਪੁਲਿਸ ਨੇ ਇਸ ਮਾਮਲੇ ਦੀ ਸੂਚਨਾ ਫੌਜ ਨੂੰ ਵੀ ਦੇ ਦਿੱਤੀ ਹੈ ਅਤੇ ਫੌਜ ਨੇ ਇਸ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।ਫੌਜ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਹੈ ਕਿ ਫੌਜ ਇਸ ਮਾਮਲੇ 'ਚ ਹਰਿਆਣਾ ਪੁਲਿਸ ਦਾ ਪੂਰਾ ਸਹਿਯੋਗ ਕਰੇਗੀ ,ਕਿਉਂਕਿ ਫੌਜੀ 'ਤੇ ਵੀ ਗੰਭੀਰ ਦੋਸ਼ ਹਨ। -PTCNews