ਨਵਾਂਸ਼ਹਿਰ 'ਚੋਂ ਮਿਲੇ 'ਆਈ ਲਵ ਪਾਕਿਸਤਾਨ' ਵਾਲੇ ਗੁਬਾਰੇ, ਲੋਕਾਂ 'ਚ ਡਰ ਦਾ ਮਾਹੌਲ
ਨਵਾਂਸ਼ਹਿਰ ਦੇ ਪਿੰਡ ਨੰਗਲ ਜੱਟਾ ਦੇ ਨਜ਼ਦੀਕ ਨਾ'ਪਾਕ' ਹਰਕਤ ਵਾਲੇ ਗੁਬਾਰੇ ਮਿਲੇ, ਜਿਸ ਤੋਂ ਬਾਅਦ ਸਥਾਨਕ ਲੋਕਾਂ 'ਚ ਡਰ ਦਾ ਮਾਹੌਲ ਬਣ ਗਿਆ। 20 ਅਜਿਹੇ ਗੁਬਾਰੇ ਮਿਲੇ ਹਨ, ਜਿਨ੍ਹਾਂ 'ਤੇ 'ਆਈ ਲਵ ਪਾਕਿਸਤਾਨ' ਲਿਖਿਆ ਹੋਇਆ ਹੈ, ਇਸ ਤੋਂ ਇਲਾਵਾ ਮੁਹੰਮਦ ਅਲੀ ਦੀ ਫੋਟੋ ਵੀ ਗੁਬਾਰਿਆਂ 'ਤੇ ਪ੍ਰਿੰਟ ਕੀਤੀ ਹੋਈ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਪਿੰਡ ਨੰਗਲ ਜੱਟਾ ਨੂੰ ਜਾਂਦੇ ਰਸਤੇ 'ਤੇ ਕੁਝ ਬੱਚਿਆਂ ਨੇ ਗੁਬਾਰਿਆਂ ਦਾ ਇੱਕ ਗੁੱਛਾ ਦੇਖਿਆ ਤੇ ਜਦੋਂ ਉਹ ਨਜ਼ਦੀਕ ਗਏ ਤਾਂ ਉਹਨਾਂ ਨੇ ਪਾਕਿ ਵਾਲੇ ਦੇਖ ਤੁਰੰਤ ਸਥਾਨਕ ਲੋਕਾਂ ਨੂੰ ਸੂਚਿਤ ਕੀਤਾ।
ਹੋਰ ਪੜ੍ਹੋ: ਧਨੌਲਾ 'ਚ ਮੈਨੇਜਰ ਵੱਲੋਂ ਖੁਦਕੁਸ਼ੀ ਦਾ ਮਾਮਲਾ, ਧਰਨਾ ਦੇਣ ਜਾ ਰਹੇ ਪਰਿਵਾਰਿਕ ਮੈਂਬਰਾਂ 'ਤੇ ਪੁਲਿਸ ਨੇ ਕੀਤਾ ਲਾਠੀਚਾਰਜ
ਉਧਰ ਜਦੋਂ ਇਸ ਗੁਬਾਰਿਆਂ ਦੀ ਜਾਣਕਾਰੀ ਸਥਾਨਕ ਪੁਲਿਸ ਤੇ ਖੁਫੀਆ ਏਜੰਸੀਆਂ ਨੂੰ ਮਿਲੀ ਤਾਂ ਉਹਨਾਂ ਨੇ ਤੁਰੰਤ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਦਾ ਕਹਿਣਾ ਦਾ ਹੈ ਕਾਰਵਾਈ ਦੌਰਾਨ ਮਾਮਲੇ ਦੀ ਤਹਿ ਤੱਕ ਪਹੁੰਚਿਆ ਜਾਵੇਗਾ।
-PTC News
