ਜੰਮੂ ਕਸ਼ਮੀਰ 'ਚ ਪਹਿਲੇ ਪੜਾਅ ਦੀਆਂ ਪੰਚਾਇਤੀ ਚੋਣਾਂ ਲਈ ਪੈ ਰਹੀਆਂ ਨੇ ਵੋਟਾਂ ,ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ
ਜੰਮੂ ਕਸ਼ਮੀਰ 'ਚ ਪਹਿਲੇ ਪੜਾਅ ਦੀਆਂ ਪੰਚਾਇਤੀ ਚੋਣਾਂ ਲਈ ਪੈ ਰਹੀਆਂ ਨੇ ਵੋਟਾਂ ,ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ:ਸ੍ਰੀਨਗਰ: ਜੰਮੂ-ਕਸ਼ਮੀਰ 'ਚ ਅੱਜ ਪਹਿਲੇ ਪੜਾਅ ਦੀਆਂ ਪੰਚਾਇਤੀ ਚੋਣਾਂ ਸਵੇਰ ਤੋਂ ਸ਼ੁਰੂ ਹੋ ਗਈਆਂ ਹਨ ਅਤੇ ਇਹ ਚੋਣਾਂ ਸੂਬੇ ਵਿਚ 9 ਗੇੜਾਂ ਤਹਿਤ ਹੋਣਗੀਆਂ।ਅਧਿਕਾਰੀਆਂ ਮੁਤਾਬਕ ਪਹਿਲੇ ਪੜਾਅ ਦੀਆਂ ਚੋਣਾਂ 'ਚ 536 ਸਰਪੰਚੀ ਹਲਕਿਆਂ ਲਈ 427 ਉਮੀਦਵਾਰ ਮੈਦਾਨ `ਚ ਉਤਰੇ ਹਨ।ਦੂਜੇ ਪਾਸੇ 4048 ਪੰਚ ਵਾਰਡਾਂ ਲਈ 5951 ਉਮੀਦਵਾਰ ਆਪਣੀ ਕਿਸਮਤ ਅਜ਼ਮਾ ਰਹੇ ਹਨ।ਜਾਣਕਾਰੀ ਅਨੁਸਾਰ ਇਹ ਚੋਣਾਂ ਕਸ਼ਮੀਰ ਘਾਟੀ ਦੇ 6 ਜ਼ਿਲ੍ਹਿਆਂ, ਲੱਦਾਖ ਦੇ 2 ਅਤੇ ਜੰਮੂ ਦੇ 7 ਜ਼ਿਲ੍ਹਿਆਂ ਵਿੱਚ ਹੋ ਰਹੀਆਂ ਹਨ।ਘਾਟੀ ਦੇ ਕੁਪਵਾੜਾ ਜ਼ਿਲ੍ਹੇ `ਚ 64 ਸਰਪੰਚ ਹਲਕਿਆਂ ਲਈ 64 ਉਮੀਦਵਾਰ ਅਤੇ 498 ਪੰਚ ਵਾਰਡਾਂ ਲਈ 762 ਉਮੀਦਵਾਰ ਚੋਣਾਂ ਲੜ ਰਹੇ ਹਨ।ਬਾਰਾਮੁਲਾ ਜ਼ਿਲ੍ਹੇ `ਚ 63 ਸਰਪੰਚ ਹਲਕਿਆਂ ਲਈ 148 ਉਮੀਦਵਾਰ ਅਤੇ 497 ਪੰਚ ਵਾਰਡਾਂ ਲਈ 630 ਉਮੀਦਵਾਰ ਚੋਣ ਲੜ ਰਹੇ ਹਨ।ਸ੍ਰੀਨਗਰ `ਚ 45 ਪੰਚ ਵਾਰਡਾਂ ਲਈ 9 ਅਤੇ 26 ਸਰਪੰਚ ਹਲਕਿਆਂ ਲਈ 35 ਉਮੀਦਵਾਰ ਹਨ।ਇਸ ਦੌਰਾਨ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਪੰਚਾਇਤੀ ਚੋਣਾਂ ਦੀ ਵੋਟਿੰਗ ਲਈ ਲੋਕਾਂ ਵਿਚ ਉਤਸ਼ਾਹ ਹੈ ਅਤੇ ਚੋਣਾਂ ਦਾ ਅਮਲ ਅਮਨ ਸ਼ਾਂਤੀ ਨਾਲ ਹੋਵੇ, ਇਸ ਸਬੰਧੀ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਕੀਤੇ ਗਏ ਹਨ। -PTCNews