ਜਾਮੀਆ ਤੋਂ ਬਾਅਦ ਲਖਨਊ ਦੇ ਨਦਵਾ ਕਾਲਜ 'ਚ ਹੰਗਾਮਾ, ਵਿਦਿਆਰਥੀਆਂ ਤੇ ਪੁਲਿਸ ਵਿਚਾਲੇ ਝੜਪ
ਜਾਮੀਆ ਤੋਂ ਬਾਅਦ ਲਖਨਊ ਦੇ ਨਦਵਾ ਕਾਲਜ 'ਚ ਹੰਗਾਮਾ, ਵਿਦਿਆਰਥੀਆਂ ਤੇ ਪੁਲਿਸ ਵਿਚਾਲੇ ਝੜਪ,ਲਖਨਊ: ਨਾਗਰਿਕਤਾ ਸੋਧ ਕਾਨੂੰਨ ਖਿਲਾਫ ਜਾਮੀਆ ਅਤੇ ਅਲੀਗੜ੍ਹ ਯੂਨੀਵਰਸਿਟੀ ਮਗਰੋਂ ਹੁਣ ਲਖਨਊ ਦੇ ਨਦਵਾ ਕਾਲਜ 'ਚ ਹੰਗਾਮਾ ਦੇਖਣ ਨੂੰ ਮਿਲਿਆ। ਕਾਲਜ ਦੇ ਬਾਹਰ ਮਾਹੌਲ ਕਾਫ਼ੀ ਤਣਾਅਪੂਰਨ ਬਣਿਆ ਹੋਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਵਿਦਿਆਰਥੀਆਂ ਨੇ ਪੁਲਿਸ 'ਤੇ ਪੱਥਰਬਾਜ਼ੀ ਕੀਤੀ ਹੈ, ਜਿਸ ਤੋਂ ਬਾਅਦ ਪੁਲਿਸ ਮਾਮਲੇ ਦੀ ਸ਼ਾਂਤ ਕਰਾਉਣ 'ਚ ਜੁਟੀ ਹੋਈ ਹੈ। ਜਵਾਬ 'ਚ ਪੁਲਿਸ ਵਲੋਂ ਵੀ ਵਿਦਿਆਰਥੀਆਂ 'ਤੇ ਪੱਥਰ ਸੁੱਟੇ ਗਏ। ਹੋਰ ਪੜ੍ਹੋ : ਸਿਟੀ ਸੈਂਟਰ ਕੇਸ :ਅਦਾਲਤ ਵੱਲੋਂ ਕੈਪਟਨ ਅਮਰਿੰਦਰ ਸਿੰਘ ਸਮੇਤ ਸਾਰੇ ਮੁਲਜ਼ਮ ਬਰੀ https://twitter.com/ANINewsUP/status/1206455117047664640?s=20 ਨਦਵਾ ਕਾਲਜ 'ਚ ਐਤਵਾਰ ਸ਼ਾਮ ਤੋਂ ਹੀ ਵਿਦਿਆਰਥੀ ਜਾਮੀਆ ਅਤੇ ਐੱਮ.ਐੱਮ.ਯੂ. ਦੇ ਵਿਦਿਆਰਥੀਆਂ ਨਾਲ ਇਕਜੁਟਤਾ ਦਾ ਇਜ਼ਹਾਰ ਕਰਨ ਲਈ ਪ੍ਰਦਰਸ਼ਨ ਕਰ ਰਹੇ ਹਨ। ਕੱਲ ਦੇਰ ਰਾਤ ਕਰੀਬ 200 ਤੋਂ ਵਧ ਵਿਦਿਆਰਥੀ ਆਪਣੇ-ਆਪਣੇ ਹੋਸਟਲਾਂ ਤੋਂ ਬਾਹਰ ਨਿਕਲ ਕੇ ਸੜਕਾਂ 'ਤੇ ਪ੍ਰਦਰਸ਼ਨ ਕੀਤਾ। -PTC News
