71st National Film Awards 2023 - ਖੇਤਰੀ ਭਾਸ਼ਾਵਾਂ 'ਚ 'ਗੋਡੇ ਗੋਡੇ ਚਾਅ' ਨੇ ਗੱਡਿਆ ਝੰਡਾ, ਜਿੱਤਿਆ 'ਬੈਸਟ ਪੰਜਾਬੀ ਫਿਲਮ' ਦਾ ਐਵਾਰਡ
71st National Film Awards 2023 'ਚ ਪੰਜਾਬੀਆਂ ਲਈ ਵੱਡੀ ਖ਼ੁਸ਼ੀ ਦੀ ਖ਼ਬਰ ਹੈ। ਪੰਜਾਬੀ ਫਿਲਮ ਇੰਡਸਟਰੀ ਨੇ ਵੀ ਕੌਮੀ ਐਵਾਰਡਾਂ 'ਚ ਆਪਣੀ ਛਾਪ ਛੱਡੀ ਹੈ। ਪੰਜਾਬੀ ਫਿਲਮ "ਗੋਡੇ ਗੋਡੇ ਚਾਅ" ਨੂੰ ਸਰਵੋਤਮ ਪੰਜਾਬੀ ਫਿਲਮ ਦਾ ਰਾਸ਼ਟਰੀ ਪੁਰਸਕਾਰ ਮਿਲਿਆ ਹੈ। ਇਹ ਫਿਲਮ ਵਿਜੇ ਕੁਮਾਰ ਅਰੋੜਾ ਰਾਹੀਂ ਨਿਰਦੇਸ਼ਿਤ ਕੀਤੀ ਗਈ ਹੈ, ਜੋ ਰਾਸ਼ਟਰੀ ਪੁਰਸਕਾਰ ਜੇਤੂ ਫਿਲਮ "ਹਰਜੀਤਾ" ਅਤੇ ਹਾਲ ਹੀ ਵਿੱਚ ਰਿਲੀਜ਼ ਹੋਈ ਫਿਲਮ "ਕਲੀ ਜੋਟਾ" ਲਈ ਵੀ ਜਾਣੇ ਜਾਂਦੇ ਹਨ।
ਇਸ ਤੋਂ ਇਲਾਵਾ, ਇਸ ਫਿਲਮ ਦੀ ਕਹਾਣੀ ਜਗਦੀਪ ਸਿੱਧੂ ਦੀ ਲਿਖੀ ਗਈ ਹੈ, ਜੋ ਇੱਕ ਰਾਸ਼ਟਰੀ ਪੁਰਸਕਾਰ ਜੇਤੂ ਲੇਖਕ ਹੈ ਅਤੇ ਬਾਲੀਵੁੱਡ ਵਿੱਚ ਵੀ ਆਪਣਾ ਨਾਮ ਬਣਾ ਚੁੱਕਾ ਹੈ। ਇਹ ਫਿਲਮ 26 ਮਈ 2023 ਨੂੰ ਰਿਲੀਜ਼ ਹੋਈ ਸੀ ਅਤੇ ਇਸਨੂੰ ਜ਼ੀ ਸਟੂਡੀਓਜ਼ ਅਤੇ ਵਰੁਣ ਅਰੋੜਾ ਵੱਲੋਂ ਪੇਸ਼ ਕੀਤਾ ਗਿਆ ਸੀ।
ਇਹ ਫਿਲਮ ਜ਼ੀ ਸਟੂਡੀਓਜ਼ ਦੇ ਵੀਐਚ ਐਂਟਰਟੇਨਮੈਂਟ ਦੇ ਸਹਿਯੋਗ ਨਾਲ ਬਣਾਈ ਗਈ ਹੈ। ਇਸ ਵਿੱਚ ਤਾਨੀਆ ਅਤੇ ਸੋਨਮ ਬਾਜਵਾ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਇਹ ਉਹੀ ਜੋੜੀ ਹੈ ਜੋ 2019 ਦੀ ਹਿੱਟ ਫਿਲਮ "ਗੁੱਡੀਆਂ ਪਟੋਲੇ" ਵਿੱਚ ਭੈਣਾਂ ਦੀ ਭੂਮਿਕਾ ਵਿੱਚ ਨਜ਼ਰ ਆਈ ਸੀ।
ਕੀ ਹੈ ਫਿਲਮ ਦੀ ਕਹਾਣੀ ?
"ਗੋਡੇ ਗੋਡੇ ਚਾਅ" ਵਿੱਚ ਸੋਨਮ ਬਾਜਵਾ, ਤਾਨੀਆ, ਗੀਤਾਜ਼ ਬਿੰਦਰਾਖੀਆ, ਗੁਰਜਾਜ਼ ਅਤੇ ਨਿਰਮਲ ਰਿਸ਼ੀ ਹਨ। ਇਹ ਫਿਲਮ ਇੱਕ ਪੰਜਾਬੀ ਵਿਆਹ ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਪਰ ਆਧੁਨਿਕ ਸਮੇਂ ਵਿੱਚ ਨਹੀਂ, ਸਗੋਂ ਪੁਰਾਣੇ ਸਮੇਂ ਵਿੱਚ - ਜਦੋਂ ਔਰਤਾਂ ਰਵਾਇਤੀ ਸੂਟ ਪਹਿਨਦੀਆਂ ਸਨ ਅਤੇ ਮਰਦ ਮਾਣ ਨਾਲ ਪੱਗਾਂ ਬੰਨ੍ਹਦੇ ਸਨ।
ਸੋਨਮ ਅਤੇ ਤਾਨੀਆ ਫਿਲਮ ਵਿੱਚ ਭੈਣਾਂ ਦੀ ਭੂਮਿਕਾ ਨਿਭਾਉਂਦੀਆਂ ਹਨ। ਕਹਾਣੀ ਇਸ ਦੁਆਲੇ ਘੁੰਮਦੀ ਹੈ ਕਿ ਉਹ ਬਾਰਾਤ ਵਿੱਚ ਕਿਵੇਂ ਜਾਣਾ ਚਾਹੁੰਦੀਆਂ ਹਨ, ਜੋ ਕਿ ਉਨ੍ਹਾਂ ਦਿਨਾਂ ਵਿੱਚ ਸਿਰਫ਼ ਮਰਦਾਂ ਲਈ ਇੱਕ ਬਾਰ ਸੀ। ਫਿਲਮ ਵਿੱਚ ਔਰਤਾਂ ਨੂੰ ਵਿਆਹ ਦੇ ਜਸ਼ਨਾਂ ਦਾ ਬਰਾਬਰ ਹਿੱਸਾ ਬਣਨ ਦੀ ਇੱਛਾ ਦਿਖਾਉਂਦੀ ਹੈ ਅਤੇ ਇਹ ਮਹਿਲਾ ਸਸ਼ਕਤੀਕਰਨ ਦੇ ਥੀਮ 'ਤੇ ਅਧਾਰਤ ਹੈ।
- PTC NEWS
