ਸੀਬੀਆਈ ਨੇ Chandigarh ਪੁਲਿਸ ਦਾ ASI ਰਿਸ਼ਵਤ ਲੈਂਦਾ ਕੀਤਾ ਫੜਿਆ, ਗੱਡੀ ਛੱਡਣ ਬਦਲੇ ਮੰਗੇ ਸੀ 40000 ਰੁਪਏ
Chandigarh ASI Bribery Case : ਸ਼ਨੀਵਾਰ ਰਾਤ ਨੂੰ ਸੀਬੀਆਈ ਨੇ ਸੈਕਟਰ 39 ਪੁਲਿਸ ਸਟੇਸ਼ਨ ਦੇ ਏਐਸਆਈ ਹਿਤੇਸ਼ ਨੂੰ 40,000 ਰੁਪਏ ਦੀ ਰਿਸ਼ਵਤ ਲੈਂਦੇ ਹੋਏ ਰੰਗੇ ਹੱਥੀਂ ਗ੍ਰਿਫ਼ਤਾਰ ਕੀਤਾ। ਏਐਸਆਈ, ਇੱਕ ਵਿਅਕਤੀ ਤੋਂ ਉਸਦੀ ਗੱਡੀ ਛੱਡਣ ਦੇ ਬਦਲੇ ਰਿਸ਼ਵਤ (Corruption Case) ਮੰਗ ਰਿਹਾ ਸੀ। ਇੱਕ ਸ਼ਿਕਾਇਤ ਤੋਂ ਬਾਅਦ, ਸੀਬੀਆਈ ਨੇ ਜਾਲ ਵਿਛਾਇਆ ਅਤੇ ਏਐਸਆਈ ਨੂੰ ਗ੍ਰਿਫ਼ਤਾਰ ਕਰ ਲਿਆ।
ਸ਼ਿਕਾਇਤਕਰਤਾ ਅਮਰਦੀਪ ਨੇ ਦੱਸਿਆ ਕਿ ਉਸਦੀ ਗੱਡੀ ਪੁਲਿਸ (Chandigarh Police) ਨੇ ਇੱਕ ਸੜਕ ਹਾਦਸੇ ਵਿੱਚ ਜ਼ਬਤ ਕਰ ਲਈ ਸੀ। ਉਸਨੇ ਜ਼ਿਲ੍ਹਾ ਅਦਾਲਤ ਤੋਂ ਗੱਡੀ ਨੂੰ ਜ਼ਮਾਨਤ 'ਤੇ ਛੱਡਣ ਦਾ ਹੁਕਮ ਪ੍ਰਾਪਤ ਕੀਤਾ ਸੀ। ਇਸ ਦੇ ਬਾਵਜੂਦ, ਏਐਸਆਈ ਗੱਡੀ ਨੂੰ ਛੱਡ ਨਹੀਂ ਰਿਹਾ ਸੀ।
ਗੱਡੀ ਛੱਡਣ ਬਦਲੇ ਮੰਗੇ ਸੀ 50000 ਰੁਪਏ
ਏਐਸਆਈ ਨੇ ਗੱਡੀ ਛੱਡਣ ਲਈ 50,000 ਰੁਪਏ ਰਿਸ਼ਵਤ ਦੀ ਮੰਗ ਕੀਤੀ। ਫਿਰ ਉਹ 40,000 ਰੁਪਏ ਲੈਣ ਲਈ ਰਾਜ਼ੀ ਹੋ ਗਿਆ। ਸ਼ਿਕਾਇਤਕਰਤਾ ਨੇ ਇਸ ਬਾਰੇ ਸੀਬੀਆਈ ਨੂੰ ਸੂਚਿਤ ਕੀਤਾ। ਫਿਰ ਸੀਬੀਆਈ ਨੇ ਸ਼ਿਕਾਇਤ ਦੀ ਜਾਂਚ ਕੀਤੀ ਅਤੇ ਉਸ ਦੇ ਆਧਾਰ 'ਤੇ ਉਸਨੂੰ ਫੜਨ ਲਈ ਜਾਲ ਵਿਛਾਇਆ। ਜਿਵੇਂ ਹੀ ਦੋਸ਼ੀ ਪੈਸੇ ਲੈਣ ਲਈ ਪਹੁੰਚਿਆ, ਸੀਬੀਆਈ ਟੀਮ ਨੇ ਉਸਨੂੰ ਫੜ ਲਿਆ। ਦੋਸ਼ੀ ਨੂੰ ਹੁਣ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।
ਦੱਸ ਦਈਏ ਕਿ ਇਹ ਚੰਡੀਗੜ੍ਹ ਸੀਬੀਆਈ ਵੱਲੋਂ ਪਿਛਲੇ ਪੰਜ ਦਿਨਾਂ ਵਿੱਚ ਰਿਸ਼ਵਤਖੋਰੀ ਮਾਮਲੇ ਵਿੱਚ ਕੀਤੀ ਗਈ ਦੂਜੀ ਕਾਰਵਾਈ ਹੈ। ਇਸ ਤੋਂ ਪਹਿਲਾਂ, 2 ਜੂਨ ਨੂੰ, ਕਾਲਕਾ ਰੇਲਵੇ ਸਟੇਸ਼ਨ 'ਤੇ ਇੱਕ ਕਲਰਕ ਨੂੰ 10,000 ਰੁਪਏ ਦੀ ਰਿਸ਼ਵਤ ਲੈਂਦੇ ਹੋਏ ਫੜਿਆ ਗਿਆ ਸੀ।
ਪ੍ਰੋਬੇਸ਼ਨ ਪੀਰੀਅਡ 'ਤੇ ਸੀ ਹਿਤੇਸ਼ ਕੁਮਾਰ
ਦੱਸ ਦਈਏ ਕਿ 40,000 ਰੁਪਏ ਦੀ ਰਿਸ਼ਵਤ ਲੈਂਦੇ ਫੜੇ ਗਏ ਏਐਸਆਈ ਦੀ ਡਿਊਟੀ ਅਜੇ ਅਜੇ ਤਿੰਨ ਸਾਲ ਤੋਂ ਘੱਟ ਹੈ। ਏਐਸਆਈ ਹਿਤੇਸ਼ ਕੁਮਾਰ ਲਗਭਗ ਢਾਈ ਸਾਲ ਤੋਂ ਨੌਕਰੀ 'ਤੇ ਹੈ। ਉਸਦਾ ਪ੍ਰੋਬੇਸ਼ਨ ਪੀਰੀਅਡ ਵੀ ਖਤਮ ਨਹੀਂ ਹੋਇਆ ਸੀ। ਇਸ ਤੋਂ ਪਹਿਲਾਂ ਵੀ ਏਐਸਆਈ ਨੇ ਰਿਸ਼ਵਤਖੋਰੀ ਦੀ ਖੇਡ ਸ਼ੁਰੂ ਕਰ ਦਿੱਤੀ ਸੀ।
- PTC NEWS
