Explainer: ਜਾਣੋ ਕੀ ਹੈ ਸੜਕ ਹਾਦਸਿਆਂ ਨੂੰ ਲੈ ਕੇ MoRTH ਦਾ ਮਾਸਟਰ ਪਲੈਨ? ਜਿਸ ਨਾਲ ਪੀੜਤਾਂ ਦਾ ਹੋਵੇਗਾ 'ਕੈਸ਼ਲੇਸ' ਇਲਾਜ!
ਪੀਟੀਸੀ ਨਿਊਜ਼ ਡੈਸਕ: ਸਰਕਾਰ ਸੜਕ ਹਾਦਸਿਆਂ ਵਿੱਚ ਹੋਣ ਵਾਲੀਆਂ ਮੌਤਾਂ ਨੂੰ ਰੋਕਣ ਲਈ ਲਗਾਤਾਰ ਉਪਰਾਲੇ ਕਰ ਰਹੀ ਹੈ। ਜਿਸ ਤਰ੍ਹਾਂ ਦੇਸ਼ ਭਰ ਵਿੱਚ ਸੜਕਾਂ ਦਾ ਜਾਲ ਵਧਿਆ ਹੈ, ਉਸੇ ਤਰ੍ਹਾਂ ਸੜਕ ਹਾਦਸਿਆਂ ਦੀ ਗਿਣਤੀ ਵੀ ਲਗਾਤਾਰ ਵਧਦੀ ਨਜ਼ਰ ਆ ਰਹੀ ਹੈ।
ਪਰ ਹੁਣ ਸੜਕ ਹਾਦਸਿਆਂ ਦੇ ਪੀੜਤਾਂ ਦੀ ਰਾਹਤ ਲਈ ਕੈਸ਼ਲੈਸ ਮੈਡੀਕਲ ਪ੍ਰਣਾਲੀ ਸ਼ੁਰੂ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਤਾਂ ਜੋ ਲੋਕਾਂ ਦੀ ਜਾਨ ਬਚਾਈ ਜਾ ਸਕੇ।
ਇਹ ਵੀ ਪੜ੍ਹੋ: Explainer: ਅਜੇ ਵੀ ਬਦਲਵਾਏ ਜਾ ਸਕਦੇ ਨੇ 2000 ਰੁਪਏ ਦੇ ਨੋਟ, ਇੱਥੇ ਜਾਣੋ
ਸੜਕ ਹਾਦਸਿਆਂ ਦੇ ਪੀੜਤਾਂ ਲਈ ਨਕਦ ਰਹਿਤ ਮੈਡੀਕਲ ਇਲਾਜ ਦੀ ਯੋਜਨਾ
ਕੇਂਦਰੀ ਸੜਕੀ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲਾ (MoRTH) ਅਗਲੇ ਤਿੰਨ ਤੋਂ ਚਾਰ ਮਹੀਨਿਆਂ ਵਿੱਚ ਦੇਸ਼ ਭਰ ਵਿੱਚ ਸੜਕ ਹਾਦਸਿਆਂ ਦੇ ਪੀੜਤਾਂ ਲਈ ਨਕਦ ਰਹਿਤ ਮੈਡੀਕਲ ਇਲਾਜ ਸ਼ੁਰੂ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ।
ਇਹ ਸਕੀਮ ਨਵੇਂ ਸੋਧੇ ਹੋਏ ਮੋਟਰ ਵਹੀਕਲ ਐਕਟ 2019 ਦਾ ਹਿੱਸਾ ਹੋਵੇਗੀ। ਹਾਲਾਂਕਿ ਕੁਝ ਰਾਜ ਪਹਿਲਾਂ ਹੀ ਨਕਦ ਰਹਿਤ ਇਲਾਜ ਦੀ ਯੋਜਨਾ ਨੂੰ ਲਾਗੂ ਕਰ ਚੁੱਕੇ ਹਨ, ਪਰ ਅਪਡੇਟ ਤੋਂ ਬਾਅਦ ਇਹ ਪੂਰੇ ਦੇਸ਼ ਵਿੱਚ ਲਾਗੂ ਹੋ ਜਾਵੇਗਾ।
ਇਹ ਘੋਸ਼ਣਾ ਇੰਸਟੀਚਿਊਟ ਆਫ ਰੋਡ ਟ੍ਰੈਫਿਕ ਐਜੂਕੇਸ਼ਨ (IRTE) ਦੁਆਰਾ ਐਮਓਆਰਟੀਐਚ (MoRTH) ਨਾਲ ਸਾਂਝੇਦਾਰੀ ਵਿੱਚ ਦਿੱਲੀ ਵਿੱਚ ਆਯੋਜਿਤ ਤਿੰਨ ਦਿਨਾਂ 'ਗਲੋਬਲ ਰੋਡ ਸੇਫਟੀ ਇਨੀਸ਼ੀਏਟਿਵ' ਵਿੱਚ ਕੀਤੀ ਗਈ।
ਇਹ ਵੀ ਪੜ੍ਹੋ: Explainer: ਹੂਤੀ ਬਾਗੀ ਕੌਣ? ਜਿਨ੍ਹਾਂ ਕਾਰਗੋ ਸਮੁੰਦਰੀ ਜਹਾਜ਼ ਨੂੰ ਕੀਤਾ ਹਾਈਜੈਕ, ਇਜ਼ਰਾਈਲ ਨੇ ਜਤਾਈ ਚਿੰਤਾ; ਵੇਖੋ ਵੀਡੀਓ
ਭਾਰਤ 'ਚ ਦੁਨੀਆ ਭਰ ਵਿਚੋਂ ਸੜਕ ਹਾਦਸਿਆਂ ਵਿੱਚ ਸਭ ਤੋਂ ਵੱਧ ਮੌਤਾਂ
ਕੇਂਦਰੀ ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ ਦੇ ਸਕੱਤਰ ਅਨੁਰਾਗ ਜੈਨ ਨੇ ਕਿਹਾ, "ਮੋਟਰ ਵਹੀਕਲ ਐਕਟ ਦੁਆਰਾ ਪਰਿਭਾਸ਼ਿਤ ਕੀਤੇ ਗਏ ਗੋਲਡਨ ਆਵਰ ਰੋਡ ਐਕਸੀਡੈਂਟ ਪੀੜਤਾਂ ਲਈ ਨਕਦ ਰਹਿਤ ਇਲਾਜ ਵੀ ਵਧਾਇਆ ਜਾਵੇਗਾ।"
ਉਨ੍ਹਾਂ ਨੇ ਅੱਗੇ ਕਿਹਾ, "ਭਾਰਤ 'ਚ ਦੁਨੀਆ ਭਰ ਵਿਚੋਂ ਸੜਕ ਹਾਦਸਿਆਂ ਵਿੱਚ ਸਭ ਤੋਂ ਵੱਧ ਮੌਤਾਂ ਹੁੰਦੀਆਂ ਹਨ, ਸਾਲ 2030 ਤੱਕ ਹਾਦਸਿਆਂ ਵਿੱਚ 50 ਪ੍ਰਤੀਸ਼ਤ ਤੱਕ ਕਮੀ ਲਿਆਉਣ ਲਈ, ਮੰਤਰਾਲੇ ਨੇ ਸੜਕ ਸੁਰੱਖਿਆ ਦੀ ਇੱਕ ਬਹੁ-ਆਯਾਮੀ (5E) ਰਣਨੀਤੀ ਤਿਆਰ ਕੀਤੀ ਹੈ।"
ਅਸਲ ਵਿੱਚ ਇਸ '5E' ਰਣਨੀਤੀ ਦੁਆਰਾ ਸਕੱਤਰ ਅਨੁਰਾਗ ਜੈਨ ਦਾ ਮਤਲਬ ਸਿੱਖਿਆ, ਇੰਜੀਨੀਅਰਿੰਗ (ਵਾਹਨਾਂ ਲਈ), ਲਾਗੂਕਰਨ ਅਤੇ ਐਮਰਜੈਂਸੀ ਦੇਖਭਾਲ ਹੈ। ਇਸ ਵਿੱਚ ਇੰਜੀਨੀਅਰਿੰਗ ਦੇ ਤਹਿਤ ਸੜਕ ਸੁਰੱਖਿਆ ਵਿੱਚ ਸੁਧਾਰ ਕੀਤਾ ਜਾਵੇਗਾ।
ਇਹ ਵੀ ਪੜ੍ਹੋ: Explainer: ਇਨ੍ਹਾਂ 6 ਕਰਨਾਂ ਕਰ ਕੇ ਭਾਰਤੀ ਟੀਮ ਨੂੰ World Cup 'ਚ ਕਰਨਾ ਪਿਆ ਹਾਰ ਦਾ ਸਾਹਮਣਾ
ਕੀ ਹੈ E-DAR ਪ੍ਰੋਜੈਕਟ?
ਇਲੈਕਟ੍ਰਾਨਿਕ ਡਿਟੇਲਡ ਐਕਸੀਡੈਂਟ ਰਿਪੋਰਟ (E-DAR) ਪ੍ਰੋਜੈਕਟ ਦੇਸ਼ ਭਰ ਵਿੱਚ ਸੜਕ ਹਾਦਸਿਆਂ ਦੇ ਅੰਕੜਿਆਂ ਦੀ ਰਿਪੋਰਟਿੰਗ, ਪ੍ਰਬੰਧਨ ਅਤੇ ਵਿਸ਼ਲੇਸ਼ਣ ਲਈ ਇੱਕ ਕੇਂਦਰੀ ਭੰਡਾਰ ਸਥਾਪਤ ਕਰਨ ਅਤੇ ਇੱਕ ਜਾਂ ਦੋ ਮਹੀਨਿਆਂ ਦੇ ਅੰਦਰ ਇੰਜੀਨੀਅਰਿੰਗ ਨੁਕਸ ਨੂੰ ਠੀਕ ਕਰਨ ਲਈ ਸ਼ੁਰੂ ਕੀਤਾ ਗਿਆ ਹੈ।'
ਅਗਲੇ ਇੱਕ ਜਾਂ ਦੋ ਮਹੀਨਿਆਂ ਵਿੱਚ ਦੇਸ਼ ਭਰ ਵਿੱਚ ਸੜਕ ਹਾਦਸਿਆਂ ਦੇ ਅੰਕੜਿਆਂ ਦੀ ਰਿਪੋਰਟਿੰਗ, ਪ੍ਰਬੰਧਨ ਅਤੇ ਵਿਸ਼ਲੇਸ਼ਣ ਲਈ ਇੱਕ ਇਲੈਕਟ੍ਰਾਨਿਕ ਵਿਸਤ੍ਰਿਤ ਐਕਸੀਡੈਂਟ ਰਿਪੋਰਟ (E-DAR) ਪ੍ਰੋਜੈਕਟ ਲਾਂਚ ਕੀਤਾ ਜਾਵੇਗਾ।
- PTC NEWS
