Mumbai Balloons Blast : ਮੁੰਬਈ ਦੇ ਗੋਰੇਗਾਂਵ ’ਚ ਵਾਪਰਿਆ ਭਿਆਨਕ ਹਾਦਸਾ; ਲਿਫਟ ਦੇ ਅੰਦਰ ਗੁਬਾਰਿਆਂ ਕਾਰਨ ਹੋਇਆ ਧਮਾਕਾ, ਦੇਖੋ ਵੀਡੀਓ
Mumbai Balloons Blast : ਮੁੰਬਈ ਦੇ ਗੋਰੇਗਾਂਵ ਵਿੱਚ ਗੁਬਾਰੇ ਫਟਣ ਦੀ ਘਟਨਾ ਵਾਪਰੀ ਹੈ। ਲਿਫਟ ਵਿੱਚ ਦਾਖਲ ਹੁੰਦੇ ਹੀ ਗੈਸ ਨਾਲ ਭਰੇ ਗੁਬਾਰੇ ਫਟ ਗਏ। ਇਸ ਦੌਰਾਨ ਲਿਫਟ ਵਿੱਚ ਇੱਕ ਨੌਜਵਾਨ ਔਰਤ ਅਤੇ ਦੋ ਹੋਰ ਲੋਕ ਮੌਜੂਦ ਸਨ। ਧਮਾਕੇ ਵਿੱਚ ਉਹ ਸੜ ਗਏ। ਪੂਰੀ ਘਟਨਾ ਲਿਫਟ ਵਿੱਚ ਲੱਗੇ ਸੀਸੀਟੀਵੀ ਵਿੱਚ ਕੈਦ ਹੋ ਗਈ।
ਘਟਨਾ ਤੋਂ ਬਾਅਦ ਜ਼ਖਮੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਦਕਿ ਪੁਲਿਸ ਨੇ ਗੈਸ ਗੁਬਾਰੇ ਵੇਚਣ ਵਾਲੇ ਖਿਲਾਫ ਲਾਪਰਵਾਹੀ ਦਾ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਹ ਗੱਲ ਸਾਹਮਣੇ ਆਈ ਹੈ ਕਿ ਗੁਬਾਰੇ ਜਲਣਸ਼ੀਲ ਗੈਸ ਨਾਲ ਭਰੇ ਹੋਏ ਸਨ।
ਇਹ ਘਟਨਾ ਦੁਪਹਿਰ ਵੇਲੇ ਮੁੰਬਈ ਦੇ ਗੋਰੇਗਾਓਂ ਵੈਸਟ ਵਿੱਚ ਅਨਮੋਲ ਟਾਵਰ ਦੀ ਲਿਫਟ ਵਿੱਚ ਵਾਪਰੀ। ਇੱਕ ਨੌਜਵਾਨ ਔਰਤ ਨੇ ਟਰਾਲੀ ਨਾਲ ਲਿਫਟ ਖੋਲ੍ਹੀ। ਜਿਵੇਂ ਹੀ ਔਰਤ ਅੰਦਰ ਗਈ, ਇੱਕ ਮੁੰਡਾ ਗੁਬਾਰੇ ਲੈ ਕੇ ਅੰਦਰ ਆਇਆ। ਇੱਕ ਹੋਰ ਮੁੰਡਾ ਉਸਦੇ ਪਿੱਛੇ-ਪਿੱਛੇ ਆਇਆ। ਲਿਫਟ ਦੇ ਪੂਰੀ ਤਰ੍ਹਾਂ ਬੰਦ ਹੋਣ ਤੋਂ ਪਹਿਲਾਂ ਹੀ ਧਮਾਕਾ ਹੋ ਗਿਆ।
ਧਮਾਕੇ ਮਗਰੋਂ ਕੁੜੀ ਅਤੇ ਮੁੰਡਾ ਬਾਹਰ ਭੱਜ ਗਏ। ਕੁੜੀ ਆਪਣੀ ਟਰਾਲੀ ਲਿਫਟ ਵਿੱਚ ਛੱਡ ਗਈ। ਇਹ ਖੁਲਾਸਾ ਹੋਇਆ ਹੈ ਕਿ ਹੀਲੀਅਮ ਗੁਬਾਰੇ ਜਲਣਸ਼ੀਲ ਨਹੀਂ ਹਨ, ਜਦਕਿ ਹਾਈਡ੍ਰੋਜਨ ਨਾਲ ਭਰੇ ਗੁਬਾਰੇ ਬਹੁਤ ਜ਼ਿਆਦਾ ਜਲਣਸ਼ੀਲ ਹਨ। ਇਸ ਲਈ, ਗੁਬਾਰਿਆਂ ਵਿੱਚ ਹਾਈਡ੍ਰੋਜਨ ਗੈਸ ਮੌਜੂਦ ਹੋਣ ਦੀ ਸੰਭਾਵਨਾ ਪ੍ਰਗਟ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ : Jagraon Accident News : ਜਗਰਾਓ ’ਚ ਵਾਪਰਿਆ ਭਿਆਨਕ ਸੜਕੀ ਹਾਦਸਾ; 2 ਨੌਜਵਾਨਾਂ ਦੀ ਹੋਈ ਦਰਦਨਾਕ ਮੌਤ
- PTC NEWS
