Simple Wave EV ਲਾਂਚ: 1.10 ਲੱਖ ਰੁਪਏ ਕੀਮਤ 'ਚ ਮਿਲੇਗੀ 243 KM ਦੀ ਜ਼ਬਰਦਸਤ ਰੇਂਜ!
ਚੰਡੀਗੜ੍ਹ: ਇਲੈਕਟ੍ਰਿਕ ਟੂ-ਵੀਲਰ ਬਣਾਉਣ ਵਾਲੀ ਦਿੱਗਜ ਕੰਪਨੀ Simple Energy ਨੇ ਭਾਰਤੀ ਬਾਜ਼ਾਰ 'ਚ ਆਪਣਾ ਨਵਾਂ ਇਲੈਕਟ੍ਰਿਕ ਸਕੂਟਰ Simple Wave ਲਾਂਚ ਕਰ ਦਿੱਤਾ ਹੈ। ਕੰਪਨੀ ਨੇ ਇਸ ਦੀ ਸ਼ੁਰੂਆਤੀ ਕੀਮਤ 1.10 ਲੱਖ ਰੁਪਏ (ਐਕਸ-ਸ਼ੋਅਰੂਮ) ਰੱਖੀ ਹੈ। ਇਹ ਕੰਪਨੀ ਦਾ ਪਹਿਲਾ ਫੈਮਿਲੀ-ਓਰੀਐਂਟਿਡ ਸਕੂਟਰ ਹੈ, ਜਿਸ ਨੂੰ ਆਮ ਜਨਤਾ ਦੀਆਂ ਰੋਜ਼ਾਨਾ ਦੀਆਂ ਲੋੜਾਂ ਨੂੰ ਧਿਆਨ 'ਚ ਰੱਖ ਕੇ ਡਿਜ਼ਾਇਨ ਕੀਤਾ ਗਿਆ ਹੈ। ਸਕੂਟਰ ਦੀ ਬੁਕਿੰਗ ਡੀਲਰਸ਼ਿਪਸ ਰਾਹੀਂ ਸ਼ੁਰੂ ਹੋ ਚੁੱਕੀ ਹੈ ਅਤੇ ਇਸ ਦੀ ਡਿਲੀਵਰੀ ਸਤੰਬਰ ਦੇ ਆਖਰੀ ਹਫ਼ਤੇ ਤੋਂ ਸ਼ੁਰੂ ਹੋਵੇਗੀ।
ਦਮਦਾਰ ਬੈਟਰੀ ਅਤੇ 243 KM ਦੀ ਰੇਂਜ
Simple Wave ਸਕੂਟਰ ਕੁੱਲ 6 ਵੇਰੀਐਂਟਸ ਅਤੇ 3 ਮੁੱਖ ਟ੍ਰਿਮਸ Simple Wave S, Simple Wave, ਅਤੇ Simple Wave ਵਿੱਚ ਉਪਲਬਧ ਹੋਵੇਗਾ।
ਟੌਪ ਵੇਰੀਐਂਟ (Simple Wave ): ਇਸ ਵਿੱਚ 5kWh ਦੀ ਬੈਟਰੀ ਅਤੇ 6.4kW ਦੀ ਮੋਟਰ ਦਿੱਤੀ ਗਈ ਹੈ, ਜੋ 90kmph ਦੀ ਟੌਪ ਸਪੀਡ ਅਤੇ ਇੱਕ ਵਾਰ ਫੁੱਲ ਚਾਰਜ ਕਰਨ 'ਤੇ 243 ਕਿਲੋਮੀਟਰ (IDC) ਦੀ ਰੇਂਜ ਦਾ ਦਾਅਵਾ ਕਰਦੀ ਹੈ।
ਹੋਰ ਵੇਰੀਐਂਟਸ: ਇਹ 3.7kWh, 2.7kWh, ਅਤੇ 2.2kWh ਬੈਟਰੀ ਆਪਸ਼ਨਾਂ ਨਾਲ ਵੀ ਆਉਂਦਾ ਹੈ, ਜੋ ਕ੍ਰਮਵਾਰ 171km, 132km, ਅਤੇ 110km ਦੀ ਰੇਂਜ ਦਿੰਦੇ ਹਨ।
ਫਾਸਟ ਚਾਰਜਿੰਗ: ਟੌਪ ਵੇਰੀਐਂਟ ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦਾ ਹੈ, ਜਿਸ ਨਾਲ ਇਹ ਮਾਤਰ 2 ਘੰਟੇ 15 ਮਿੰਟਾਂ ਵਿੱਚ 0 ਤੋਂ 80 ਫੀਸਦੀ ਤੱਕ ਚਾਰਜ ਹੋ ਜਾਂਦਾ ਹੈ।
ਜ਼ਬਰਦਸਤ ਸਟੋਰੇਜ ਤੇ ਸ਼ਾਨਦਾਰ ਲੁੱਕ
ਇਸ ਸਕੂਟਰ ਵਿੱਚ ਕੁੱਲ 70 ਲੀਟਰ ਦੀ ਸਟੋਰੇਜ ਕਪੈਸਿਟੀ ਮਿਲਦੀ ਹੈ, ਜਿਸ ਵਿੱਚ 63 ਲੀਟਰ ਦੀ ਅੰਡਰ-ਸੀਟ ਸਟੋਰੇਜ, 3 ਲੀਟਰ ਦਾ ਗਲਵਬਾਕਸ ਅਤੇ 4 ਲੀਟਰ ਦਾ ਵੱਖਰਾ ਕੰਪਾਰਟਮੈਂਟ ਸ਼ਾਮਲ ਹੈ। ਇਸ ਦਾ ਡਿਜ਼ਾਇਨ ਕਾਫ਼ੀ ਸਮੂਥ ਹੈ, ਜਿਸ ਵਿੱਚ ਫ੍ਰੰਟ ਐਪਰਨ 'ਚ ਹੈੱਡਲਾਈਟ ਅਤੇ DRLs ਦਿੱਤੇ ਗਏ ਹਨ। ਇਹ ਸਕੂਟਰ 6 ਆਕਰਸ਼ਕ ਰੰਗਾਂ (ਪਰਲ ਵ੍ਹਾਈਟ, ਕੋਰਲ ਰੈੱਡ, ਟਵਾਈਲਾਈਟ ਬਲੈਕ, ਪੋਲਰ ਬਲੂ, ਡੌਲਫਿਨ ਗ੍ਰੇਅ, ਅਤੇ ਫੋਰੈਸਟ ਗ੍ਰੀਨ) ਵਿੱਚ ਲਾਂਚ ਕੀਤਾ ਗਿਆ ਹੈ।
ਹਾਈ-ਟੈਕ ਫੀਚਰਜ਼ ਨਾਲ ਲੈਸ
ਸਕੂਟਰ ਵਿੱਚ ਵੇਰੀਐਂਟ ਦੇ ਹਿਸਾਬ ਨਾਲ 7-ਇੰਚ TFT ਸਕ੍ਰੀਨ ਜਾਂ 5-ਇੰਚ EBN ਡਿਸਪਲੇਅ ਮਿਲੇਗੀ। TFT ਮਾਡਲ ਵਿੱਚ ਬਲੂਟੁੱਥ ਕਨੈਕਟੀਵਿਟੀ, ਟਰਨ-ਬਾਈ-ਟਰਨ ਨੇਵੀਗੇਸ਼ਨ, ਜੀ.ਪੀ.ਐੱਸ ਟਰੈਕਿੰਗ, ਕਾਲ-ਮਿਊਜ਼ਿਕ ਕੰਟਰੋਲ, USB ਚਾਰਜਿੰਗ ਅਤੇ OTA ਅਪਡੇਟਸ ਵਰਗੇ ਫੀਚਰਜ਼ ਦਿੱਤੇ ਗਏ ਹਨ। ਇਸ ਤੋਂ ਇਲਾਵਾ ਟ੍ਰੈਕਸ਼ਨ ਕੰਟਰੋਲ, ਹਿੱਲ-ਹੋਲਡ ਅਸਿਸਟ, ਰਿਵਰਸ ਮੋਡ ਅਤੇ ਰੀਜਨਰੇਟਿਵ ਬ੍ਰੇਕਿੰਗ ਵਰਗੇ ਐਡਵਾਂਸਡ ਫੀਚਰਜ਼ ਵੀ ਸ਼ਾਮਲ ਹਨ।
ਕਿਸ ਨਾਲ ਹੋਵੇਗਾ ਮੁਕਾਬਲਾ?
ਭਾਰਤੀ ਬਾਜ਼ਾਰ ਵਿੱਚ ਲਾਂਚ ਹੁੰਦੇ ਹੀ Simple Wave ਦਾ ਸਿੱਧਾ ਮੁਕਾਬਲਾ ਪਹਿਲਾਂ ਤੋਂ ਮੌਜੂਦ Ather Konarc, TVS iQube, ਅਤੇ Bajaj Chetak ਵਰਗੇ ਦਿੱਗਜ ਇਲੈਕਟ੍ਰਿਕ ਸਕੂਟਰਾਂ ਨਾਲ ਹੋਵੇਗਾ।
- PTC NEWS
