1 ਨਵੰਬਰ ਤੋਂ ਬੈਂਕ ਚਾਰਜ, ਰੇਲਵੇ, LPG ਬੁਕਿੰਗ ਸਮੇਤ ਕਈ ਹੋ ਸਕਦੇ ਵੱਡੇ ਬਦਲਾਅ, ਪੜ੍ਹੋ ਪੂਰੀ ਸੂਚੀ
New Rules Changed in November 2021: ਨਵਾਂ ਮਹੀਨਾ ਸ਼ੁਰੂ ਹੋਣ ਨੂੰ ਸਿਰਫ ਇਕ ਦਿਨ ਰਹਿ ਗਿਆ ਹੈ। ਕੱਲ੍ਹ ਤੋਂ ਯਾਨੀ 1 ਨਵੰਬਰ, 2021 ਤੋਂ ਐਲਪੀਜੀ ਸਿਲੰਡਰ ਦੀ ਡਿਲੀਵਰੀ ਤੋਂ ਲੈ ਕੇ ਨਵੀਂ ਰੇਲਵੇ ਸਮਾਂ ਸਾਰਣੀ ਤੱਕ ਦੇ ਕਈ ਨਿਯਮ ਬਦਲ ਰਹੇ ਹਨ। ਇਨ੍ਹਾਂ ਤਬਦੀਲੀਆਂ ਦਾ ਆਮ ਆਦਮੀ ਦੀ ਜੇਬ 'ਤੇ ਮਹੱਤਵਪੂਰਨ ਪ੍ਰਭਾਵ ਪਵੇਗਾ।
ਇਹ ਹਨ ਨਵੇਂ ਨਿਯਮ ਜੋ 1 ਨਵੰਬਰ, 2021 ਤੋਂ ਲਾਗੂ ਹੋਣਗੇ ----
1. LPG ਡਿਲਿਵਰੀ ਸਿਸਟਮ
ਐਲਪੀਜੀ ਗੈਸ ਸਿਲੰਡਰ ਖਪਤਕਾਰਾਂ ਨੂੰ ਇਹ ਪਤਾ ਹੋਣਾ ਚਾਹੀਦਾ ਹੈ ਕਿ 1 ਨਵੰਬਰ, 2021 ਤੋਂ ਨਿਯਮਾਂ ਦਾ ਇੱਕ ਨਵਾਂ ਸੈੱਟ ਲਾਗੂ ਹੋਵੇਗਾ। ਜਿਹੜੇ ਲੋਕ ਹੁਣ ਤੱਕ ਲਿਕਵੀਫਾਈਡ ਪੈਟਰੋਲੀਅਮ ਗੈਸ (ਐਲਪੀਜੀ) ਸਿਲੰਡਰ ਘਰ-ਘਰ ਡਿਲੀਵਰੀ ਕਰਵਾ ਰਹੇ ਹਨ, ਉਨ੍ਹਾਂ ਨੂੰ ਇੱਕ ਨਵੇਂ ਨਿਯਮ ਦੀ ਪਾਲਣਾ ਕਰਨੀ ਹੋਵੇਗੀ। ਅਗਲੇ ਮਹੀਨੇ ਤੋਂ ਖਪਤਕਾਰਾਂ ਨੂੰ ਆਪਣੇ ਘਰਾਂ 'ਤੇ ਐਲਪੀਜੀ ਸਿਲੰਡਰ ਦੀ ਡਿਲਿਵਰੀ ਲਈ ਵਨ-ਟਾਈਮ ਪਾਸਵਰਡ (OTP) ਦੇਣਾ ਹੋਵੇਗਾ। ਇਹ ਬਦਲਾਅ ਨਵੇਂ ਡਿਲਿਵਰੀ ਪ੍ਰਮਾਣੀਕਰਨ ਕੋਡ (DAC) ਦੇ ਹਿੱਸੇ ਵਜੋਂ ਆਇਆ ਹੈ।
2..ਬੈਂਕ ਜਮ੍ਹਾ ਤੇ ਕਢਵਾਉਣ 'ਤੇ ਖਰਚਿਆਂ ਨੂੰ ਸੋਧਣਗੇ
1 ਨਵੰਬਰ ਤੋਂ ਪ੍ਰਭਾਵੀ, ਬੈਂਕ ਆਫ ਬੜੌਦਾ (BOB) ਆਪਣੀ ਨਵੀਂ ਨਿਰਧਾਰਤ ਸੀਮਾ ਤੋਂ ਵੱਧ ਪੈਸੇ ਜਮ੍ਹਾ ਕਰਨ ਅਤੇ ਕਢਵਾਉਣ ਲਈ ਆਪਣੇ ਖਰਚਿਆਂ ਨੂੰ ਸੋਧੇਗਾ। ਨਵੇਂ ਖਰਚੇ ਬੱਚਤ ਦੇ ਨਾਲ-ਨਾਲ ਤਨਖਾਹ ਲੈਣ ਵਾਲੇ ਖਾਤਾ ਧਾਰਕਾਂ 'ਤੇ ਲਾਗੂ ਹੋਣਗੇ। ਬੈਂਕ ਆਫ ਇੰਡੀਆ, ਪੀਐਨਬੀ, ਐਕਸਿਸ ਅਤੇ ਸੈਂਟਰਲ ਬੈਂਕ ਵੀ ਇਸ ਮਾਮਲੇ 'ਚ ਜਲਦ ਹੀ ਫੈਸਲਾ ਲੈ ਸਕਦੇ ਹਨ।
3. ਐਲਪੀਜੀ ਦੀਆਂ ਕੀਮਤਾਂ
ਗਲੋਬਲ ਬਾਜ਼ਾਰਾਂ ਵਿਚ ਕੱਚੇ ਤੇਲ ਦੀਆਂ ਕੀਮਤਾਂ ਦੇ ਅਧਾਰ 'ਤੇ, ਤੇਲ ਮਾਰਕੀਟਿੰਗ ਕੰਪਨੀਆਂ ਹਰ ਮਹੀਨੇ ਦੇ ਪਹਿਲੇ ਦਿਨ ਐਲਪੀਜੀ ਦੀਆਂ ਕੀਮਤਾਂ ਵਿੱਚ ਸੋਧ ਕਰਦੀਆਂ ਹਨ। ਇਸ ਤਰ੍ਹਾਂ, ਗ੍ਰਾਹਕ ਅਗਲੇ ਮਹੀਨੇ ਤੋਂ ਆਪਣੇ ਰਸੋਈ ਗੈਸ ਸਿਲੰਡਰਾਂ ਵਿਚ ਇੱਕ ਹੋਰ ਵਾਧੇ ਦੀ ਉਮੀਦ ਕਰ ਸਕਦੇ ਹਨ।
4.Railway Time Table
ਭਾਰਤੀ ਰੇਲਵੇ ਦੇਸ਼ ਭਰ ਦੀਆਂ ਟ੍ਰੇਨਾਂ ਦੇ ਟਾਈਮ ਟੇਬਲ ਵਿਚ ਬਦਲਾਅ ਕਰਨ ਜਾ ਰਿਹਾ ਹੈ। ਨਵਾਂ ਸਮਾਂ 1 ਨਵੰਬਰ ਤੋਂ ਸ਼ੁਰੂ ਹੋਵੇਗਾ। ਮਿਲੀ ਜਾਣਕਾਰੀ ਮੁਤਾਬਕ ਇਸ ਬਦਲਾਅ 'ਚ 13 ਹਜ਼ਾਰ ਯਾਤਰੀ ਟਰੇਨਾਂ ਅਤੇ 7 ਹਜ਼ਾਰ ਮਾਲ ਗੱਡੀਆਂ ਨੂੰ ਸ਼ਾਮਲ ਕੀਤਾ ਗਿਆ ਹੈ।
[caption id="attachment_539777" align="aligncenter" width="314"]
[/caption]
-PTC News
