ਭੋਗਪੁਰ 'ਚ ਧਰਨੇ 'ਚ ਫਸੀ ਗੱਡੀ, ਬਜ਼ੁਰਗ ਮਰੀਜ਼ ਦੀ ਹੋਈ ਮੌਤ
ਭੋਗਪੁਰ: ਸੀ. ਏ. ਏ. ਕਾਨੂੰਨ ਖਿਲਾਫ ਭੀਮ ਆਰਮੀ ਵੱਲੋਂ ਅੱਜ ਭਾਰਤ ਬੰਦ ਦਾ ਸੱਦਾ ਦਿੱਤਾ ਗਿਆ ਹੈ। ਜਿਸ ਦਾ ਅਸਰ ਪੰਜਾਬ ਦੇ ਵੱਖ-ਵੱਖ ਸ਼ਹਿਰਾਂ 'ਚ ਦੇਖਣ ਨੂੰ ਮਿਲਿਆ। ਜਿਸ ਦੇ ਤਹਿਤ ਭੀਮ ਆਰਮੀ ਦੇ ਆਗੂਆਂ ਵੱਲੋਂ ਭੋਗਪੁਰ 'ਚ ਦੋਵੇਂ ਪਾਸਿਓਂ ਸੜਕ ਨੂੰ ਬੰਦ ਕੀਤਾ ਗਿਆ। ਇਹ ਰੋਸ ਪ੍ਰਦਰਸ਼ਨ ਭੋਗਪੁਰ ਦੇ ਪਿੰਡ ਡੱਲਾ ਦੇ ਸਰਪੰਚ ਨੂੰ ਉਸ ਸਮੇਂ ਭਾਰੀ ਪੈ ਗਿਆ ਜਦੋਂ ਜਾਮ 'ਚ ਗੱਡੀ ਫਸਣ ਦੇ ਕਾਰਨ ਉਨ੍ਹਾਂ ਦੀ ਬੀਮਾਰ ਦਾਦੀ ਦਾ ਦੇਹਾਂਤ ਹੋ ਗਿਆ। ਹੋਰ ਪੜ੍ਹੋ: ਬਾਘਾਪੁਰਾਣਾ 'ਚ ਵੱਡੀ ਵਾਰਦਾਤ, ਬਜ਼ੁਰਗ ਵਿਅਕਤੀ ਦਾ ਬੇਰਹਿਮੀ ਨਾਲ ਕੀਤਾ ਕਤਲ ਦੱਸਿਆ ਜਾ ਰਿਹਾ ਹੈ ਕਿ ਪਿੰਡ ਡੱਲਾ ਦਾ ਸਰਪੰਚ ਆਪਣੀ ਬਿਮਾਰ ਦਾਦੀ ਨੂੰ ਹਸਪਤਾਲ ਲੈ ਕੇ ਜਾ ਰਿਹਾ ਸੀ ਅਤੇ ਆਦਮਪੁਰ ਟੀ-ਪੁਆਇੰਟ ਸੜਕ 'ਤੇ ਪ੍ਰਦਰਸ਼ਨ ਹੋਣ ਕਰਕੇ ਉਨ੍ਹਾਂ ਦੀ ਗੱਡੀ ਜਾਮ 'ਚ ਫਸ ਗਈ। ਮਿਲੀ ਜਾਣਕਾਰੀ ਮੁਤਾਬਕ ਪੁਲਿਸ ਪ੍ਰਸ਼ਾਸਨ ਵੱਲੋਂ ਬੜੀ ਮੁਸ਼ਕਿਲ ਦੇ ਨਾਲ ਗੱਡੀ ਨੂੰ ਜਾਮ 'ਚੋਂ ਬਾਹਰ ਕਢਵਾਇਆ ਤਾਂ ਗਿਆ ਪਰ ਜਿਵੇਂ ਹੀ ਗੱਡੀ ਜਾਮ 'ਚੋਂ ਨਿਕਲ ਕੇ ਥੋੜ੍ਹੀ ਦੂਰ ਤੱਕ ਗਈ ਤਾਂ ਸਰਪੰਚ ਦੀ ਮਾਤਾ ਦਾ ਰਸਤੇ 'ਚ ਹੀ ਮੌਤ ਹ ਗਈ। -PTC News