ਗੂਗਲ ਤੇ ਪੇਟੀਐਮ ਦੀ ਟੱਕਰ ਦਾ ਭਾਰਤੀਆਂ ਨੂੰ ਹੋਵੇਗਾ ਫਾਇਦਾ ?
ਪੇਟੀਐੱਮ ਤੇ ਗੂਗਲ ਵਿਚ ਵਿਵਾਦ ਚੱਲ ਰਿਹਾ ਹੈ ,ਇਸ ਵਿਵਾਦ ਤੋਂ ਬਾਅਦ ਹੁਣ ਪੇਟੀਐਮ ਨੇ ਆਪਣਾ ਖ਼ੁਦ ਦਾ ਮਿਨੀ ਐਪ ਸਟੋਰ ਤਿਆਰ ਕੀਤਾ ਕਰ ਲਿਆ ਹੈ। ਲਾਂਚ ਕਰਨ ਤੋਂ ਬਾਅਦ ਪੇਟੀਐੱਮ ਨੇ ਦਾਅਵਾ ਕੀਤਾ ਹੈ ਕਿ ਇਸ 'ਚ ਓਲਾ, ਰੈਪੀਡੋ, 1MG ਅਤੇ ਡੋਮਿਨੋਜ਼ ਪੀਜ਼ਾ ਵਰਗੇ ਕਰੀਬ 300 ਤੋਂ ਜ਼ਿਆਦਾ ਐਪਸ ਨੂੰ ਜੋੜਿਆ ਜਾ ਰਿਹਾ ਹੈ, ਜਿਸ 'ਚ ਮਿਨੀ ਐਪ ਸਟੋਰ ਨੂੰ ਤੁਸੀਂ ਪੇਟੀਐੱਮ ਐਪ ਦੇ ਮੇਨ ਸੈਕਸ਼ਨ ਤੋਂ ਹੀ ਐਕਸੈਸ ਕਰ ਸਕੋਗੇ ਜਿਥੇ ਤੁਸੀਂ ਆਮ ਤੌਰ ’ਤੇ ਬਿੱਲ ਆਦਿ ਦਾ ਭੁਗਤਾਨ ਕਰਦੇ ਹੋ। ਭਾਰਤੀਆਂ ਨੂੰ ਹੋਵੇਗਾ ਫਾਇਦਾ ? ਦਸਣਯੋਗ ਹੈ ਕਿ ਜਿਨ੍ਹਾਂ ਭਾਰਤੀ ਡਿਵੈਲਪਰਾਂ ਦਾ ਗੂਗਲ ਨਾਲ ਸਖ਼ਤ ਨਿਯਮਾਂ ਨੂੰ ਲੈ ਕੇ ਵਿਵਾਦ ਹੋਇਆ ਹੈ ਉਨ੍ਹਾਂ ਨੂੰ ਹੁਣ ਕੁਝ ਸਮੇਂ ਤੋਂ ਦੇਸੀ ਐਪ ਸਟੋਰ ਦੀ ਲੋੜ ਮਹਿਸੂਸ ਹੋਣ ਲੱਗੀ ਸੀ। ਇਸੇ ਗੱਲ ’ਤੇ ਧਿਆਨ ਦਿੰਦੇ ਹੋਏ ਪੇਟੀਐੱਮ ਨੇ ਇਸ ਮਿਨੀ ਐਪ ਸਟੋਰ ਨੂੰ ਲਾਂਚ ਕੀਤਾ ਹੈ। ਇਸ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਹੈ ਕਿ ਭਾਰਤੀ ਐਪ ਡਿਵੈਲਪਰਾਂ ਨੂੰ ਇਸ ’ਤੇ ਆਪਣੀ ਕਮਿਸ਼ਨ ਦਾ 30 ਫੀਸਦੀ ਹਿੱਸਾ ਵੀ ਨਹੀਂ ਦੇਣਾ ਹੋਵੇਗਾ। ਗੂਗਲ ਨੇ ਸਖ਼ਤ ਕੀਤੇ ਪਲੇਅ ਸਟੋਰ ਦੇ ਨਿਯਮ ਦੱਸ ਦੇਈਏ ਕਿ ਕੁਝ ਦਿਨ ਪਹਿਲਾਂ ਗੂਗਲ ਨੇ ਪੇਟੀਐੱਮ ਐਪ ਨੂੰ ਅਸਥਾਈ ਤੌਰ ’ਤੇ ਪਲੇਅ ਸਟੋਰ ਤੋਂ ਹਟਾ ਦਿੱਤਾ ਸੀ। ਗੂਗਲ ਨੇ ਪੇਟੀਐੱਮ ’ਤੇ ਨਿਯਮਾਂ ਦਾ ਉਲੰਘਣ ਅਤੇ ਸੱਟੇਬਾਜ਼ੀ ਤੇ ਜੂਏ ਵਰਗੀਆਂ ਗਤੀਵਿਧੀਆਂ ਨੂੰ ਉਤਸ਼ਾਹ ਦੇਣ ਦਾ ਦੋਸ਼ ਲਗਾਇਆ ਸੀ। ਇਸੇ ਤਰ੍ਹਾਂ ਗੂਗਲ ਨੇ ਨਿਯਮਾਂ ਦੇ ਉਲੰਘਣ ਦਾ ਸਵਿਗੀ ਅਤੇ ਜ਼ੋਮਾਟੋ ਨੂੰ ਵੀ ਨੋਟਿਸ ਭੇਜਿਆ ਸੀ। ਹੁਣ ਤਿੰਨਾਂ ਐਪਸ ਦੀ ਗੂਗਲ ਪਲੇਅ ਸਟੋਰ ’ਤੇ ਵਾਪਸੀ ਹੋ ਗਈ ਹੈ। ਜਿਸ ਨਾਲ ਯੂਜ਼ਰਸ ਨੂੰ ਆਉਣ ਆਉਣ ਵਾਲੇ ਸਮੇਂ 'ਚ ਲਾਹਾ ਮਿਲੇਗਾ।