ਟੀਵੀ ਸ਼ੋਅ 'ਚ ਘਬਰਾਈ ਭਾਰਤੀ ਸਿੰਘ , ਡਰ ਕੇ ਪਾਇਆ ਰੌਲਾ !
ਮਨੋਰੰਜਨ ਜਗਤ ਦੀਆਂ ਕਾਮੇਡੀਅਨ ਹਸਤੀਆਂ ਦੀ ਵੀ ਜ਼ਿੰਦਗੀ ਕੁਝ ਨਿਰਾਲੀ ਜਿਹੀ ਹੈ। ਕਦੇ ਇਹ ਰੋਂਦਿਆਂ ਨੂੰ ਵੀ ਹਸਾ ਦੇਣ ਦਾ ਕੰਮ ਕਰਦੇ ਹਨ ਤੇ ਕਦੇ ਕਦੇ ਇਹ ਆਪ ਵੀ ਮਾਯੂਸੀ ਵਿੱਚ ਚਲੇ ਜਾਇਆ ਕਰਦੇ ਹਨ ।
ਅਸੀਂ ਗੱਲ ਕਰ ਰਹੇ ਹਾਸਿਆਂ ਦੀ ਰਾਣੀ ਕਾਮੇਡੀਅਨ ਭਾਰਤੀ ਸਿੰਘ ਦੀ। ਪਿਛਲੇ ਦਿਨੀ ਭਾਰਤੀ ਸਿੰਘ ਆਪਣੇ ਪਤੀ ਦੇ ਨਾਲ ਇੱਕ ਸ਼ੋਅ ਵਿੱਚ ਗਈ ਜੋ ਕਿ ਰਾਜੀਵ ਖੰਡੇਲਵਾਲ ਦਾ ਸ਼ੋਅ ਹੈ।ਇਸ ਦਾ ਨਾਮ ਹੈ ਜਜ਼ਬਾਤ ਸੰਗੀਨ ਸੇ ਨਮਕੀਨ ਤੱਕ!
ਤੁਹਾਨੂੰ ਦੱਸ ਦੇਈਏ ਕਿ ਇਸ ਸ਼ੋਅ ਵਿੱਚ ਕਈ ਟੀਵੀ ਸਿਤਾਰਿਆਂ ਨੂੰ ਬੁਲਾਇਆ ਜਾ ਚੁੱਕਾ ਹੈ ਪਰ ਜਦੋਂ ਭਾਰਤੀ ਸਿੰਘ ਦੀ ਵਾਰੀ ਆਈ ਤਾਂ ਉਹ ਆਪਣੇ ਪਤੀ ਨਾਲ ਇਸ ਸ਼ੋਅ ਵਿੱਚ ਪਹੁੰਚੀ ।
ਟੀਵੀ ਸਿਤਾਰਿਆਂ ਦੇ ਮਿੱਠੇ ਕੌੜੇ ਤਜ਼ੁਰਬੇ ਭਾਵੁਕ ਪਲਾਂ ਅਤੇ ਭਾਵਨਾਵਾਂ ਵਿਅਕਤ ਕਰਨ ਲਈ ਬਣੇ ਇਸ ਸ਼ੋਅ ਵਿੱਚ ਜਦੋਂ ਆਪਣੇ ਜ਼ਜ਼ਬਾਤਾਂ ਨੂੰ ਪ੍ਰਗਟ ਕਰ ਰਹੀ ਸੀ ਉਦੋਂ ਹੀ ਰਾਜੀਵ ਖੰਡੇਲਵਾਲ ਬੇਹੋਸ਼ ਹੋ ਕੇ ਡਿੱਗ ਪਏ। ਜਿਸਨੂੰ ਵੇਖ ਕੇ ਭਾਰਤੀ ਹੱਕੀ ਬੱਕੀ ਰਹਿ ਗਈ ਅਤੇ ਐਨਾ ਘਬਰਾ ਗਈ ਕਿ ਚੀਕ ਚਿਹਾੜਾ ਪਾਉਣ ਲੱਗ ਪਈ।
ਪਰ ਇਹ ਮਹਿਜ਼ ਹਾਸੇ ਮਜ਼ਾਕ ਦਾ ਹਿੱਸਾ ਨਿਕਲਿਆ ਪਰ ਇਸ ਹਾਸੇ ਦਾ ਜੋ ਅਸਰ ਭਾਰਤੀ 'ਤੇ ਹੋਇਆ ਉਹ ਵਾਕੇਈ ਹੈਰਾਨੀ ਭਰਿਆ ਸੀ। ਲੋਕਾਂ ਨੂੰ ਹਸਾਉਣ ਵਾਲੀ ਭਾਰਤੀ ਦਾ ਡਰ ਨਾਲ ਘਬਰਾ ਕੇ ਰੌਲਾ ਪਾ ਦੇਣਾ ਇਸ ਗੱਲ ਦਾ ਗਵਾਹ ਹੈ ਕਿ ਟੀਵੀ 'ਤੇ ਮੀਡਿਆ ਕਲਾਕਾਰ ਵੀ ਨਿੱਜ਼ੀ ਜ਼ਿੰਦਗੀ ਵਿੱਚ ਸੰਜੀਦਾ ਹੁੰਦੇ ਹਨ।
—PTC News
