Tokyo Paralympics: ਨੋਇਡਾ ਦੇ DM ਸੁਹਾਸ ਯਥੀਰਾਜ ਨੇ ਰਚਿਆ ਇਤਿਹਾਸ , ਬੈਡਮਿੰਟਨ 'ਚ ਜਿੱਤਿਆ ਚਾਂਦੀ ਦਾ ਤਗਮਾ
Tokyo Paralympics: ਟੋਕੀਓ ਪੈਰਾਲਿੰਪਿਕਸ ਵਿੱਚ, ਗੌਤਮ ਬੁੱਧ ਨਗਰ ਦੇ ਜ਼ਿਲ੍ਹਾ ਮੈਜਿਸਟਰੇਟ ਸੁਹਾਸ ਐਲ ਯਤੀਰਾਜ ਨੇ ਬੈਡਮਿੰਟਨ 'ਚ ਇਤਿਹਾਸ ਰਚ ਦਿੱਤਾ ਹੈ। ਸੁਹਾਸ ਐਲ ਯਤੀਰਾਜ ਨੇ ਟੋਕੀਓ ਵਿੱਚ ਚੱਲ ਰਹੀਆਂ ਪੈਰਾਲੰਪਿਕ ਖੇਡਾਂ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ ਹੈ। ਇਨ੍ਹਾਂ ਖੇਡਾਂ ਵਿੱਚ ਭਾਰਤ ਦਾ ਇਹ 18 ਵਾਂ ਮੈਡਲ ਹੈ।
ਭਾਰਤੀ ਪੈਰਾ ਬੈਡਮਿੰਟਨ ਖਿਡਾਰੀ ਸੁਹਾਸ ਐਲ ਯਤੀਰਾਜ ਨੇ ਟੋਕੀਓ ਪੈਰਾਲਿੰਪਿਕਸ ਵਿੱਚ ਬੈਡਮਿੰਟਨ ਪੁਰਸ਼ ਸਿੰਗਲਜ਼ ਐੱਸ.ਐੱਲ.4 'ਚ ਨੋਇਡਾ ਦੇ ਡੀ.ਐਮ. ਸੁਹਾਸ ਐਲ ਯਥੀਰਾਜ ਫਰਾਂਸ ਦੇ ਲੁਕਾਸ ਮਜੂਰ ਤੋਂ ਹਾਰ ਗਏ ਅਤੇ ਚਾਂਦੀ ਦਾ ਤਗਮਾ ਜਿੱਤਿਆ। ਪੀਐਮ ਮੋਦੀ ਅਤੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਤੱਕ, ਕਈ ਰਾਜਨੇਤਾਵਾਂ ਨੇ ਸੁਹਾਸ ਨੂੰ ਚਾਂਦੀ ਦਾ ਤਗਮਾ ਜਿੱਤਣ 'ਤੇ ਵਧਾਈ ਦਿੱਤੀ ਹੈ।
ਦੱਸ ਦੇਈਏ ਕਿ 38 ਸਾਲਾ ਨੋਇਡਾ ਦੇ ਜ਼ਿਲ੍ਹਾ ਮੈਜਿਸਟ੍ਰੇਟ ਯਥੀਰਾਜ 62 ਵਾਰ ਚੱਲੇ ਫਾਈਨਲ ਵਿੱਚ ਦੋ ਵਾਰ ਦੇ ਵਿਸ਼ਵ ਚੈਂਪੀਅਨ ਮਜੂਰ ਤੋਂ 21-15 17-21 15-21 ਨਾਲ ਹਾਰ ਗਏ। ਇਸ ਤਰ੍ਹਾਂ ਗੌਤਮ ਬੁੱਧ ਨਗਰ (ਨੋਇਡਾ) ਦੇ ਜ਼ਿਲ੍ਹਾ ਮੈਜਿਸਟ੍ਰੇਟ ਸੁਹਾਸ ਵੀ ਪੈਰਾਲਿੰਪਿਕਸ ਵਿੱਚ ਮੈਡਲ ਜਿੱਤਣ ਵਾਲੇ ਪਹਿਲੇ ਆਈਏਐਸ ਅਧਿਕਾਰੀ ਬਣ ਗਏ ਹਨ।
ਬੈਡਮਿੰਟਨ ਵਿੱਚ ਭਾਰਤ ਦਾ ਤੀਜਾ ਤਗਮਾ ਜਿੱਤਣ ਤੋਂ ਬਾਅਦ ਸੁਹਾਸ ਨੇ ਕਿਹਾ, “ਮੈਂ ਆਪਣੇ ਪ੍ਰਦਰਸ਼ਨ ਤੋਂ ਬਹੁਤ ਖੁਸ਼ ਹਾਂ ਪਰ ਮੈਨੂੰ ਇਹ ਮੈਚ ਦੂਜੀ ਗੇਮ ਵਿੱਚ ਹੀ ਖਤਮ ਕਰਨਾ ਚਾਹੀਦਾ ਸੀ। ਇਸ ਲਈ ਮੈਂ ਥੋੜਾ ਨਿਰਾਸ਼ ਹਾਂ ਕਿ ਮੈਂ ਫਾਈਨਲ ਨਹੀਂ ਜਿੱਤ ਸਕਿਆ ਕਿਉਂਕਿ ਮੈਂ ਦੂਜੀ ਗੇਮ ਵਿੱਚ ਚੰਗੀ ਲੀਡ ਲੈ ਲਈ ਸੀ ਪਰ ਲੂਕਾਸ ਨੂੰ ਵਧਾਈ. ਜੋ ਵੀ ਬਿਹਤਰ ਖੇਡਦਾ ਹੈ ਉਹ ਜੇਤੂ ਹੁੰਦਾ ਹੈ।
-PTC News
