ਗ਼ੈਰ-ਕਾਨੂੰਨੀ ਲਿੰਗ ਨਿਰਧਾਰਤ ਟੈਸਟ ਸਕੈਂਡਲ ਦਾ ਪਰਦਾ ਫਾਸ਼, ਮੌਕੇ ਤੋਂ ਬਰਾਮਦ ਸੌਦੇ ਦੀ ਤੈਅ ਰਕਮ
ਬਲਾਚੌਰ ਦੇ ਭੱਦੀ ਰੋਡ 'ਤੇ ਸਥਿਤ ਇੱਕ ਨਿੱਜੀ ਹਸਪਤਾਲ 'ਚ ਪੰਚਕੂਲਾ ਤੋਂ ਆਈ ਸਿਹਤ ਵਿਭਾਗ ਦੀ ਸਪੈਸ਼ਲ ਟੀਮ ਵੱਲੋਂ ਸਟਰਿੰਗ ਅਪ੍ਰਰੈਸ਼ਨ ਦੌਰਾਨ ਹਸਪਤਾਲ 'ਚ ਚੱਲ ਰਹੇ ਗੈਰ ਕਾਨੂੰਨੀ ਲਿੰਗ ਨਿਰਧਾਰਤ ਟੈਸਟ ਸਕੈਡਲ ਦਾ ਪਰਦਾ ਫਾਸ਼ ਕਰਨ ਦਾ ਵਾਅਦਾ ਕੀਤਾ ਹੈ, ਉਥੇ ਹੀ ਹਸਪਤਾਲ ਦੇ ਡਾਕਟਰ ਵੱਲੋਂ ਕਿਸੇ ਸਾਜਿਸ਼ ਤਹਿਤ ਉਸ ਨੂੰ ਝੂਠਾ ਫਸਾਏ ਜਾਣ ਦਾ ਦਾਅਵਾ ਕੀਤਾ ਗਿਆ ਹੈ।
ਪ੍ਰਰਾਪਤ ਜਾਣਕਾਰੀ ਅਨੁਸਾਰ ਗੁਪਤ ਸੂਚਨਾ ਦੇ ਆਧਾਰ 'ਤੇ ਅੱਜ ਸਵੇਰੇ ਪੰਚਕੂਲਾ ਤੋਂ ਆਈ ਸਿਹਤ ਵਿਭਾਗ ਦੀ ਟੀਮ ਨੂੰ ਨਾਲ ਲੈ ਕੇ ਛਾਪੇਮਾਰੀ ਕੀਤੀ। ਸਟਰਿੰਗ ਅਪ੍ਰਰੈਸ਼ਨ ਦੌਰਾਨ ਕੀਤੀ ਗਈ ਛਾਪੇਮਾਰੀ ਸਮੇਂ ਇਸ ਹਸਪਤਾਲ 'ਚ ਅਵੇਧ ਢੰਗ ਨਾਲ ਗਰਭਵਤੀ ਮਹਿਲਾਵਾਂ ਦਾ ਲਿੰਗ ਟੈਸਟ ਹੋਣ ਦੀ ਪੁਸ਼ਟੀ ਕੀਤੀ ਗਈ।
ਸਟਿੰਗ ਅਪ੍ਰਰੈਸ਼ਨ ਟੀਮ ਵੱਲੋਂ ਇਕ ਡੀਵੀਆਰ, 15000 ਰੁਪਏ ਨਕਦੀ ਪੁਲਿਸ ਹਵਾਲੇ ਕੀਤੀ। ਪੁਲਿਸ ਵੱਲੋਂ ਡੀਏ ਲੀਗਲ ਦੀ ਰਾਏ ਪ੍ਰਰਾਪਤ ਕਰਨ ਉਪਰੰਤ ਹਸਪਤਾਲ ਦੇ ਮਾਲਕ ਡਾ. ਉਜਾਗਰ ਸਿੰਘ ਸੂਰੀ ਖਿਲਾਫ ਪੁਲਿਸ ਥਾਣਾ ਸਿਟੀ ਬਲਾਚੌਰ ਵਿੱਚ ਮਾਮਲਾ ਦਰਜ ਕਰਾਇਆ ਗਿਆ। ਪੁਲਿਸ ਅਜੇ ਆਪਣੀ ਕਾਰਵਾਈ 'ਚ ਮਸ਼ਰੂਫ ਸੀ ਕਿ ਅਚਾਨਕ ਹਸਪਾਤਲ ਦੇ ਮਾਲਕ ਡਾ. ਉਜਾਗਰ ਸਿੰਘ ਸੂਰੀ ਦੀ ਤਬੀਅਤ ਵਿਗੜ ਜਾਣ ਕਾਰਨ ਇਲਾਜ਼ ਲਈ ਲਿਜਾਇਆ ਗਿਆ। ਹੁਣ ਕਿਹਾ ਨਹੀਂ ਜਾ ਸਕਦਾ ਕਿ ਅਸਲ ਵਿਚ ਡਾਕਟਰ ਦੀ ਤਬੀਅਤ ਵਿਗੜੀ ਜਾਂ ਫਿਰ ਪੁਲਿਸ ਦੀ ਕਾਰਵਾਈ ਤੋਂ ਬਚਾਅ ਦੇ ਲਈ ਮਹਿਜ਼ ਇਕ ਤਕਨੀਕ ਹੋਵੇ,ਇਹ ਤਾਂ ਜਾਂਚ ਵਿਚ ਹੀ ਸਾਹਮਣੇ ਆਵੇਗਾ। 
