ਨਵੀਂ ਦਿੱਲੀ: ਆਧੁਨਿਕਤਾ ਦੀ ਦੌੜ ਵਿਚ ਭੱਜ ਰਹੇ ਹਰ ਇੱਕ ਦੇਸ਼ ਵਿਚਾਲੇ ਧਰਤੀ ਉੱਤੇ ਹਰ ਦਿਨ ਪ੍ਰਦੂਸ਼ਣ ਕਾਫ਼ੀ ਤੇਜ਼ੀ ਨਾਲ ਵਧਦਾ ਜਾ ਰਿਹਾ ਹੈ। ਜਿਸ ਦਾ ਮਾੜਾ ਅਸਰ ਸਮੇਂ-ਸਮੇਂ ਉੱਤੇ ਸਾਨੂੰ ਦੇਖਣ ਨੂੰ ਮਿਲਦਾ ਹੈ। ਵਾਤਾਵਰਣ ਵਿਚ ਅਚਾਨਕ ਪ੍ਰਦੂਸ਼ਣ ਦਾ ਪੱਧਰ ਵਧਣ ਨਾਲ ਤਾਪਮਾਨ ਵਿਚ ਵੀ ਤੇਜ਼ੀ ਵੇਖੀ ਜਾ ਰਹੀ ਹੈ ਤਾਂ ਕਿਤੇ-ਕਿਤੇ ਪ੍ਰਦੂਸ਼ਣ ਦੇ ਵਧੇ ਹੋਏ ਪੱਧਰ ਕਾਰਨ ਲੰਬੇ ਸਮੇਂ ਤੋਂ ਮੀਂਹ ਵੀ ਨਹੀਂ ਪੈਂਦਾ। ਅਜਿਹੇ ਵਿਚ ਲੋਕਾਂ ਨੂੰ ਵਾਤਾਵਰਨ ਪ੍ਰਤੀ ਜਾਗਰੂਕ ਕਰਨ ਲਈ ਹਰ ਸਾਲ ਵਿਸ਼ਵ ਵਾਤਾਵਰਨ ਦਿਵਸ ਮਨਾਇਆ ਜਾਂਦਾ ਹੈ।
ਪੜੋ ਹੋਰ ਖਬਰਾਂ: ਮਿਲਖਾ ਸਿੰਘ ਦੀ ਮੌਤ ਨੂੰ ਲੈ ਕੇ ਸੋਸ਼ਲ ਮੀਡਿਆ ‘ਤੇ ਉੱਡੀ ਅਫ਼ਵਾਹ , ਪਹਿਲਾਂ ਨਾਲੋਂ ਹਾਲਤ ‘ਚ ਸੁਧਾਰ
ਦੁਨਿਆਭਰ ਵਿਚ 5 ਜੂਨ ਦੇ ਦਿਨ ਹਰ ਸਾਲ ਸੰਸਾਰ ਵਾਤਾਵਰਨ ਦਿਵਸ ਮਨਾਇਆ ਜਾਂਦਾ ਹੈ। ਇਸ ਦਿਨ ਕਈ ਪ੍ਰੋਗਰਾਮ ਦਾ ਪ੍ਰਬੰਧ ਕਰ ਕੇ ਲੋਕਾਂ ਨੂੰ ਵਾਤਾਵਰਨ ਤੇ ਪ੍ਰਦੂਸ਼ਣ ਤੋਂ ਹੋ ਰਹੇ ਨੁਕਸਾਨ ਪ੍ਰਤੀ ਜਾਗਰੂਕ ਕੀਤਾ ਜਾਂਦਾ ਹੈ। ਪ੍ਰਦੂਸ਼ਣ ਦਾ ਵਧਦਾ ਪੱਧਰ ਵਾਤਾਵਰਨ ਦੇ ਨਾਲ ਹੀ ਇਨਸਾਨਾਂ ਲਈ ਖ਼ਤਰਾ ਬਣਦਾ ਜਾ ਰਿਹਾ ਹੈ। ਇਸ ਦੇ ਕਾਰਨ ਕਈ ਜੀਵ-ਜੰਤੂ ਲੁਪਤ ਹੋ ਰਹੇ ਹਨ। ਉਥੇ ਹੀ ਇਨਸਾਨ ਕਈ ਪ੍ਰਕਾਰ ਦੀਆਂ ਗੰਭੀਰ ਬਿਮਾਰੀਆਂ ਦਾ ਸ਼ਿਕਾਰ ਵੀ ਹੋ ਰਹੇ ਹਨ।
ਵਿਸ਼ਵ ਵਾਤਾਵਰਣ ਦਿਵਸ ਦਾ ਇਤਹਾਸ
ਵਿਸ਼ਵ ਵਾਤਾਵਰਨ ਦਿਵਸ ਦੀ ਸ਼ੁਰੂਆਤ ਸਾਲ 1972 ਵਿਚ ਸੰਯੁਕਤ ਰਾਸ਼ਟਰ ਸੰਘ ਵਲੋਂ ਕੀਤੀ ਗਈ ਸੀ। ਵਾਤਾਵਰਨ ਦਿਵਸ ਦੀ ਸ਼ੁਰੂਆਤ ਸਵੀਡਨ ਦੀ ਰਾਜਧਾਨੀ ਸਟਾਕਹੋਮ ਤੋਂ ਹੋਈ ਸੀ। ਇਸ ਦਿਨ ਇੱਥੇ ਦੁਨੀਆ ਦਾ ਪਹਿਲੇ ਵਾਤਾਵਰਨ ਸੰਮੇਲਨ ਦਾ ਪ੍ਰਬੰਧ ਕੀਤਾ ਗਿਆ ਸੀ। ਜਿਸ ਵਿਚ ਭਾਰਤ ਤੋਂ ਤੱਤਕਾਲੀ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਨੇ ਹਿੱਸਾ ਲਿਆ ਸੀ।
ਇਸ ਸਮੇਲਨ ਦੌਰਾਨ ਹੀ ਸੰਯੁਕਤ ਰਾਸ਼ਟਰ ਵਾਤਾਵਰਨ ਪ੍ਰੋਗਰਾਮ (UNEP) ਦੀ ਵੀ ਨੀਂਹ ਪਈ ਸੀ। ਜਿਸ ਦੇ ਚੱਲਦੇ ਹਰ ਸਾਲ ਵਿਸ਼ਵ ਵਾਤਾਵਰਨ ਦਿਵਸ ਪ੍ਰਬੰਧ ਦਾ ਸੰਕਲਪ ਲਿਆ ਗਿਆ। ਜਿਸ ਦੇ ਨਾਲ ਲੋਕਾਂ ਨੂੰ ਹਰ ਸਾਲ ਵਾਤਾਵਰਨ ਵਿਚ ਹੋ ਰਹੇ ਬਦਲਾਅ ਤੋਂ ਜਾਣੂ ਕਰਾਇਆ ਜਾ ਸਕੇ ਅਤੇ ਵਾਤਾਵਰਨ ਵਿਚ ਸੰਤੁਲਨ ਬਣਾਏ ਰੱਖਣ ਲਈ ਲੋਕਾਂ ਨੂੰ ਸਮੇਂ-ਸਮਾਂ ਉੱਤੇ ਜਾਗਰੂਕ ਕੀਤਾ ਜਾ ਸਕੇ।
ਪੜੋ ਹੋਰ ਖਬਰਾਂ: ਮੋਦੀ ਸਰਕਾਰ ਨੇ ਟਵਿੱਟਰ ਨੂੰ ਦਿੱਤੀ ਆਖ਼ਰੀ ਚੇਤਾਵਨੀ, ਨਵੇਂ ਨਿਯਮ ਦੀ ਪਾਲਣਾ ਕਰੋ ਨਹੀਂ ਤਾਂ…
ਵਿਸ਼ਵ ਵਾਤਾਵਰਨ ਦਾ ਥੀਮ
ਵਿਸ਼ਵ ਵਾਤਾਵਰਨ ਦਿਵਸ ਮਨਾਏ ਜਾਣ ਤੋਂ ਪਹਿਲਾਂ ਹਰ ਸਾਲ ਲਈ ਇੱਕ ਥੀਮ ਦੀ ਚੋਣ ਕੀਤੀ ਜਾਂਦੀ ਹੈ। ਵਿਸ਼ਵ ਵਾਤਾਵਰਨ ਦਿਵਸ 2021 ਦੀ ਥੀਮ 'ਈਕੋਸਿਸਟਮ ਰਿਸਟੋਰੇਸ਼ਨ' ( Ecosystem Restoration ) ਹੈ। ਜੰਗਲਾਂ ਨੂੰ ਨਵਾਂ ਜੀਵਨ ਦੇ ਕੇ, ਦਰਖਤ-ਬੂਟੇ ਲਗਾ ਕੇ, ਮੀਂਹ ਦੇ ਪਾਣੀ ਨੂੰ ਰਾਖਵਾਂ ਕਰ ਕੇ ਤੇ ਤਾਲਾਬਾਂ ਦੀ ਉਸਾਰੀ ਕਰਨ ਨਾਲ ਅਸੀ ਈਕੋਸਿਸਟਮ ਨੂੰ ਫਿਰ ਤੋਂ ਰਿਸਟੋਰ ਕਰ ਸਕਦੇ ਹਾਂ।
-PTC News
