ਜਰਮਨ ਮੁੱਕੇਬਾਜ਼ ਚੈਂਪੀਅਨ ਮੂਸਾ ਯਾਮਕ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਹੋਈ ਮੌਤ
ਨਵੀਂ ਦਿੱਲੀ : ਅਜੇਤੂ ਜਰਮਨ ਚੈਂਪੀਅਨ ਮੂਸਾ ਯਾਮਕ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਜਾਣ ਤੋਂ ਬਾਅਦ ਮੁੱਕੇਬਾਜ਼ੀ ਜਗਤ ਨੇ ਇਕ ਹੋਰ ਸਟਾਰ ਗੁਆ ਦਿੱਤਾ ਹੈ। ਨਿਊਯਾਰਕ ਪੋਸਟ ਨੇ ਰਿਪੋਰਟ ਦਿੱਤੀ ਹੈ ਕਿ 38 ਸਾਲਾ ਯੁਗਾਂਡਾ ਦੇ ਹਮਜ਼ਾ ਵਾਂਡੇਰਾ ਦਾ ਸਾਹਮਣਾ ਕਰਦੇ ਹੋਏ ਸ਼ਨੀਵਾਰ ਨੂੰ ਮਿਊਨਿਖ ਵਿੱਚ ਰਿੰਗ ਵਿੱਚ ਡਿੱਗ ਗਿਆ। ਤੁਰਕੀ ਦੇ ਅਧਿਕਾਰੀ ਹਸਨ ਤੁਰਾਨ ਨੇ ਟਵਿੱਟਰ 'ਤੇ ਕਿਹਾ, "ਅਸੀਂ ਆਪਣੇ ਹਮਵਤਨ ਮੂਸਾ ਅਸਕਨ ਯਾਮਕ, ਅਲੁਕਰਾ ਦੇ ਇੱਕ ਮੁੱਕੇਬਾਜ਼, ਜਿਸ ਨੇ ਯੂਰਪੀਅਨ ਅਤੇ ਏਸ਼ੀਅਨ ਚੈਂਪੀਅਨਸ਼ਿਪ ਜਿੱਤੀ, ਨੂੰ ਦਿਲ ਦਾ ਦੌਰਾ ਪੈਣ ਕਾਰਨ ਛੋਟੀ ਉਮਰ ਵਿੱਚ ਗੁਆ ਦਿੱਤਾ।"
ਦਰਸ਼ਕਾਂ ਲਈ ਲੜਾਈ ਦਾ ਸਿੱਧਾ ਪ੍ਰਸਾਰਣ ਕੀਤਾ ਗਿਆ। ਰਿਪੋਰਟਾਂ ਮੁਤਾਬਕ ਦੂਜੇ ਦੌਰ 'ਚ ਮੂਸਾ ਯਾਮਕ ਨੂੰ ਜ਼ੋਰਦਾਰ ਝਟਕਾ ਲੱਗਾ ਜਿਸ ਤੋਂ ਬਾਅਦ ਉਹ ਠੋਕਰ ਖਾ ਗਿਆ। ਮੂਸਾ ਯਾਮਕ ਅਗਲੇ ਦੌਰ 'ਚ ਠੀਕ ਮਹਿਸੂਸ ਕਰ ਰਿਹਾ ਸੀ ਪਰ ਤੀਜੇ ਦੌਰ ਦੀ ਸ਼ੁਰੂਆਤ ਤੋਂ ਪਹਿਲਾਂ ਹੀ ਅਚਾਨਕ ਉਹ ਡਿੱਗ ਗਿਆ।
ਫੌਕਸ ਸਪੋਰਟਸ ਨੇ ਰਿਪੋਰਟ ਕੀਤੀ ਕਿ ਡਾਕਟਰਾਂ ਨੇ ਮੁਢਲੀ ਸਹਾਇਤਾ ਪ੍ਰਦਾਨ ਕਰਨ ਤੋਂ ਤੁਰੰਤ ਬਾਅਦ ਸਥਾਨਕ ਹਸਪਤਾਲ ਲਿਜਾਇਆ ਗਿਆ ਪਰ ਉੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ।
-PTC News
