ਹੋ ਸਕਦੈ ਦਿੱਲੀ 'ਚ ਅੱਤਵਾਦੀ ਹਮਲਾ, ਖੁਫੀਆ ਵਿੰਗ ਨੂੰ ਮਿਲਿਆ ਇਹ ਖ਼ਤਰਨਾਕ ਸੰਦੇਸ਼
ਹੋ ਸਕਦੈ ਦਿੱਲੀ 'ਚ ਅੱਤਵਾਦੀ ਹਮਲਾ, ਖੁਫੀਆ ਵਿੰਗ ਨੂੰ ਮਿਲਿਆ ਇਹ ਖ਼ਤਰਨਾਕ ਸੰਦੇਸ਼,ਨਵੀਂ ਦਿੱਲੀ: ਪਿਛਲੇ ਕੁਝ ਦਿਨਾਂ ਤੋਂ ਖੁਫੀਆ ਵਿਭਾਗ ਵੱਲੋਂ ਸੰਦੇਹ ਜਤਾਈ ਜਾ ਰਹੀ ਹੈ ਕਿ ਪਕਿਸਤਾਨ ਵੱਲੋਂ 6 ਤੋਂ 7 ਅੱਤਵਾਦੀ ਭਾਰਤ 'ਚ ਦਾਖਲ ਹੋ ਚੁੱਕੇ ਹਨ, ਜਿਸ ਦੌਰਾਨ ਖੁਫੀਆ ਵਿਭਾਗ ਵੱਲੋਂ ਅਲਰਟ ਜਾਰੀ ਕਰ ਦਿੱਤਾ ਗਿਆ ਹੈ। ਪਰ ਇਸ ਮਾਮਲੇ 'ਚ ਦਿਨ ਬ ਦਿਨ ਹੋਰ ਖੁਲਾਸੇ ਹੁੰਦੇ ਜਾ ਰਹੇ ਹਨ।
ਮਿਲੀ ਜਾਣਕਾਰੀ ਅਨੁਸਾਰ ਖੁਫੀਆ ਏਜੰਸੀਆਂ ਨੂੰ ਇੱਕ ਵਟਸਐਪ ਗਰੁੱਪ ਵਿਚ ਸੰਦੇਸ਼ ਮਿਲਣ ਪਿੱਛੋਂ ਕੌਮੀ ਰਾਜਧਾਨੀ ਦਿੱਲੀ ਨੂੰ ਹਾਈ ਅਲਰਟ ’ਤੇ ਰੱਖਿਆ ਗਿਆ ਹੈ। ਕਿਹਾ ਜਾ ਰਿਹਾ ਹੈ ਕਿ ਇਹ ਵਟਸਐਪ ਗਰੁੱਪ ਜੈਸ਼-ਏ-ਮੁਹੰਮਦ ਵਲੋਂ ਚਲਾਇਆ ਜਾ ਰਿਹਾ ਹੈ। ਇਸ ਗਰੁੱਪ ਵਿੱਚ ਇਕ ਸੰਦੇਸ਼ ਆਇਆ ਹੈ।
ਹੋਰ ਪੜ੍ਹੋ:ਵੱਡੇ ਪੱਧਰ ‘ਤੇ ਕਰਦੇ ਸਨ ਇਹ ਗੈਰਕਾਨੂੰਨੀ ਧੰਦਾ, ਪੁਲਿਸ ਨੇ ਕੀਤਾ ਪਰਦਾਫਾਸ਼
ਅਤੇ ਉਸ ਵਿੱਚ ਜੰਮੂ-ਕਸ਼ਮੀਰ 'ਚ ਪਿਛਲੇ ਮਹੀਨੇ ਇਕ ਕਮਾਂਡਰ ਦੀ ਹੱਤਿਆ ਦਾ ਬਦਲਾ ਲੈਣ ਲਈ ਦਿੱਲੀ ਦੇ ਨਾਜ਼ੁਕ ਇਲਾਕਿਆਂ ’ਚ ਅੱਤਵਾਦੀ ਹਮਲੇ ਦੀ ਗੱਲ ਕਹੀ ਗਈ ਹੈ। ਜਿਸ ਦੌਰਾਨ ਖੁਫੀਆ ਏਜੰਸੀਆਂ ਵੱਲੋਂ ਦੇਸ਼ ਦੀ ਰਾਜਧਾਨੀ ਵਿੱਚ ਇਹ ਅਲਰਟ ਜਾਰੀ ਕਰ ਦਿੱਤਾ ਹੈ। ਅਤੇ ਪੁਲਿਸ ਨੂੰ ਸਾਰੀਆਂ ਜਗ੍ਹਾ 'ਤੇ ਚੌਕੰਨਾ ਰਹਿਣ ਦੇ ਆਦੇਸ਼ ਦਿੱਤੇ ਗਏ ਹਨ।
—PTC News
