BSF Recruitment 2024: ਹੈੱਡ ਕਾਂਸਟੇਬਲ ਅਤੇ ਏਐਸਆਈ ਦੀਆਂ ਅਸਾਮੀਆਂ ਲਈ ਅਰਜ਼ੀ ਸ਼ੁਰੂ, ਇਸ ਤਰ੍ਹਾਂ ਮਿਲੇਗੀ ਇਹ ਸਰਕਾਰੀ ਨੌਕਰੀ
BSF Recruitment 2024: ਸੀਮਾ ਸੁਰੱਖਿਆ ਬਲ ਨੇ 1526 ਖਾਲੀ ਅਸਾਮੀਆਂ ਲਈ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। ਦਿਲਚਸਪੀ ਰੱਖਣ ਵਾਲੇ ਅਤੇ ਯੋਗ ਉਮੀਦਵਾਰ BSF ਦੀ ਅਧਿਕਾਰਤ ਵੈੱਬਸਾਈਟ rectt.before.gov.in 'ਤੇ ਅਪਲਾਈ ਕਰ ਸਕਦੇ ਹਨ। ਫਾਰਮ ਭਰਨ ਤੋਂ ਪਹਿਲਾਂ, ਉਮੀਦਵਾਰਾਂ ਨੂੰ ਭਰਤੀ ਲਈ ਚੋਣ, ਤਿਆਰੀ ਅਤੇ ਯੋਗਤਾ ਨਾਲ ਸਬੰਧਤ ਮਹੱਤਵਪੂਰਨ ਜਾਣਕਾਰੀ ਪੜ੍ਹ ਲੈਣੀ ਚਾਹੀਦੀ ਹੈ।
ਸੀਮਾ ਸੁਰੱਖਿਆ ਬਲ ਨੇ CAPF, BSF, ITBP, CSF ਵਿੱਚ 1283 ਹੈੱਡ ਕਾਂਸਟੇਬਲ ਅਤੇ 243 ਅਸਿਸਟੈਂਟ ਸਬ-ਇੰਸਪੈਕਟਰ ਭਾਵ SI ਅਸਾਮੀਆਂ ਦੀ ਭਰਤੀ ਕੀਤੀ ਹੈ। ਅਰਜ਼ੀਆਂ 9 ਜੂਨ ਤੋਂ ਸ਼ੁਰੂ ਹੋ ਗਈਆਂ ਹਨ ਅਤੇ ਅਪਲਾਈ ਕਰਨ ਦੀ ਆਖਰੀ ਮਿਤੀ 7 ਜੁਲਾਈ ਹੈ।
ਬੀਐਸਐਫ ਦੁਆਰਾ ਜਾਰੀ ਨੋਟੀਫਿਕੇਸ਼ਨ ਦੇ ਅਨੁਸਾਰ, ਸਹਾਇਕ ਸਬ ਇੰਸਪੈਕਟਰ ਅਤੇ ਹੈੱਡ ਕਾਂਸਟੇਬਲ (ਮੰਤਰਾਲਾ) ਲਈ 1526 ਅਸਾਮੀਆਂ ਉਪਲਬਧ ਹਨ। 1526 ਅਸਾਮੀਆਂ ਵਿੱਚੋਂ, ਸੀਆਰਪੀਐਫ ਵਿੱਚ 303, ਬੀਐਸਐਫ ਵਿੱਚ 319, ਆਈਟੀਬੀਪੀ ਵਿੱਚ 219, ਸੀਆਈਐਸਐਫ ਵਿੱਚ 642, ਐਸਐਸਬੀ ਵਿੱਚ 8 ਅਤੇ ਅਸਾਮ ਰਾਈਫਲਜ਼ ਵਿੱਚ 35 ਅਸਾਮੀਆਂ ਲਈ ਭਰਤੀ ਕੀਤੀ ਜਾਵੇਗੀ।
ਦੱਸ ਦਈਏ ਕਿ ਇਹ ਭਰਤੀ ਪ੍ਰਕਿਰਿਆ ਸਿਰਫ ਆਨਲਾਈਨ ਹੈ, ਆਫਲਾਈਨ ਅਰਜ਼ੀਆਂ ਸਵੀਕਾਰ ਨਹੀਂ ਕੀਤੀਆਂ ਜਾਣਗੀਆਂ। ਇਸ ਭਰਤੀ ਲਈ ਕੰਪਿਊਟਰ ਆਧਾਰਿਤ ਟੈਸਟ ਹਿੰਦੀ ਅਤੇ ਅੰਗਰੇਜ਼ੀ ਵਿੱਚ ਲਿਆ ਜਾਵੇਗਾ। ਇਸ ਤੋਂ ਇਲਾਵਾ ਹਿੰਦੀ ਅਤੇ ਅੰਗਰੇਜ਼ੀ ਵਿੱਚ ਵੀ ਸਕਿੱਲ ਟੈਸਟ ਲਿਆ ਜਾਵੇਗਾ। ਕੰਪਿਊਟਰ ਆਧਾਰਿਤ ਟੈਸਟ ਪਾਸ ਕਰਨ ਵਾਲਿਆਂ ਨੂੰ ਫਿਜ਼ੀਕਲ ਸਟੈਂਡਰਡ ਟੈਸਟ ਅਤੇ ਫਿਜ਼ੀਕਲ ਐਫੀਸ਼ੀਐਂਸੀ ਟੈਸਟ ਵਿਚ ਹਾਜ਼ਰ ਹੋਣਾ ਪਵੇਗਾ।
ਇਸ ਤੋਂ ਬਾਅਦ ਦਸਤਾਵੇਜ਼ਾਂ ਦੀ ਤਸਦੀਕ ਅਤੇ ਵਿਸਤ੍ਰਿਤ ਮੈਡੀਕਲ ਟੈਸਟ ਹੋਵੇਗਾ। ਖਾਲੀ ਅਸਾਮੀਆਂ ਆਲ ਇੰਡੀਆ ਆਧਾਰ 'ਤੇ ਭਰੀਆਂ ਜਾਣਗੀਆਂ। ਇਸ ਤੋਂ ਬਾਅਦ, ਬੀਐਸਐਫ ਨੋਡਲ ਫੋਰਸ ਦੁਆਰਾ ਹੁਨਰ ਟੈਸਟ, ਡੀਵੀ ਅਤੇ ਮੈਡੀਕਲ ਟੈਸਟ ਵਿੱਚ ਉਮੀਦਵਾਰ ਦੀ ਮੈਰਿਟ-ਕਮ ਕਾਰਗੁਜ਼ਾਰੀ ਦੇ ਆਧਾਰ 'ਤੇ ਅੰਤਿਮ ਨਤੀਜਾ ਤਿਆਰ ਕੀਤਾ ਜਾਵੇਗਾ। ਅਰਜ਼ੀ ਲਈ 100 ਰੁਪਏ ਦੀ ਫੀਸ ਲਈ ਜਾਵੇਗੀ।
ਉਮਰ ਸੀਮਾ -
ਸੀਏਪੀਐੱਫ ਅਸਿਸਟੈਂਟ ਸਬ-ਇੰਸਪੈਕਟਰ ਸਟੈਨੋਗ੍ਰਾਫੀ ਅਤੇ ਹੈੱਡ ਕਾਂਸਟੇਬਲ ਲਈ, ਉਮੀਦਵਾਰ ਦੀ ਉਮਰ 18-25 ਸਾਲ ਦੇ ਵਿਚਕਾਰ ਹੋਣੀ ਚਾਹੀਦੀ ਹੈ।
ਵਿੱਦਿਅਕ ਯੋਗਤਾ-
ਹੈੱਡ ਕਾਂਸਟੇਬਲ ਦੀਆਂ 1283 ਅਸਾਮੀਆਂ ਲਈ, ਬਿਨੈਕਾਰ ਦਾ 12ਵੀਂ (10 2) ਪਾਸ ਹੋਣਾ ਚਾਹੀਦਾ ਹੈ ਅਤੇ ਸਟੈਨੋਗ੍ਰਾਫੀ ਹੁਨਰ ਵੀ ਹੋਣਾ ਚਾਹੀਦਾ ਹੈ।
ਸਹਾਇਕ ਸਬ-ਇੰਸਪੈਕਟਰ ਦੀਆਂ 243 ਅਸਾਮੀਆਂ ਲਈ ਉਮੀਦਵਾਰ ਦਾ 12ਵੀਂ (10 2) ਪਾਸ ਹੋਣਾ ਚਾਹੀਦਾ ਹੈ, ਨਾਲ ਹੀ ਟਾਈਪਿੰਗ ਵਿੱਚ ਨਿਪੁੰਨ ਹੋਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ: iPhone 15 Software Update : ਆਈਫੋਨ 15 ਸੀਰੀਜ਼ ਦੇ ਖਪਤਕਾਰਾਂ ਲਈ ਸਾਫ਼ਟਵੇਅਰ ਅਪਡੇਟ ਨੂੰ ਲੈ ਕੇ ਵੱਡੀ ਖੁਸ਼ਖਬਰੀ!
- PTC NEWS