Haryana Gaurav Mela: ਮੇਲੇ 'ਚ ਵੱਖਰੇ ਐਵਾਰਡ ਦੇ ਕੇ ਪ੍ਰਤੀਯੋਗੀਆਂ ਨੂੰ ਕੀਤਾ ਜਾਵੇਗਾ ਸਨਮਾਨਿਤ
ਹਿਸਾਰ: ਹਰਿਆਣਾ ਗੌਰਵ ਮੇਲੇ ਦੇ ਪ੍ਰਬੰਧ ਨਾਲ ਜੁੜੀਆਂ ਤਿਆਰੀਆਂ ਨੂੰ ਲੈ ਕੇ ਮਿੰਨੀ ਸਕੱਤਰੇਤ ਕੰਪਲੈਕਸ ਸਥਿਤ ਵੀਡੀਓ ਕਾਨਫਰੰਸ ਆਡੀਟੋਰੀਅਮ 'ਚ ਡਿਪਟੀ ਕਮਿਸ਼ਨਰ ਉੱਤਮ ਸਿੰਘ ਦੀ ਪ੍ਰਧਾਨਤਾ 'ਚ ਇੱਕ ਬੈਠਕ ਦਾ ਆਯੋਜਨ ਕੀਤਾ ਗਿਆ। ਬੈਠਕ 'ਚ ਮੁੱਖ ਮੰਤਰੀ ਦੇ ਪ੍ਰਚਾਰ ਸਲਾਹਕਾਰ ਤਰੁਣ ਭੰਡਾਰੀ, ਕਰਾਸ ਮੀਡੀਆ ਦੇ ਪ੍ਰਧਾਨ ਰਵਿੰਦਰ ਨਰਾਇਣ ਮੌਜੂਦ ਸਨ। ਕਰਾਸ ਮੀਡੀਆ ਕਮਿਊਨੀਕੇਸ਼ਨ ਜੀ-ਨੈਕਸਟ ਮੀਡੀਆ ਦਾ ਈਵੈਂਟ ਵਿੰਗ ਹੈ।
ਦੱਸ ਦਈਏ ਕਿ ਸਥਾਨਕ ਮਹਾਂਵੀਰ ਸਟੇਡੀਅਮ 'ਚ ਹਰਿਆਣਾ ਗੌਰਵ ਮੇਲੇ ਦਾ ਪ੍ਰਬੰਧ ਕੀਤਾ ਜਾਵੇਗਾ। ਮੇਲੇ ਦੇ ਪਹਿਲੇ ਦਿਨ ਹਰਿਆਣਾ ਖੇਤੀਬਾੜੀ ਸਨਮਾਨ, ਦੂਜੇ ਦਿਨ ਹਰਿਆਣਾ ਸੰਗੀਤ ਸਨਮਾਨ ਅਤੇ ਤੀਸਰੇ ਦਿਨ ਹਰਿਆਣਾ ਗੌਰਵ ਸਨਮਾਨ ਐਵਾਰਡ ਦੇ ਕੇ ਪ੍ਰਤੀਯੋਗੀਆਂ ਨੂੰ ਸਨਮਾਨਿਤ ਕੀਤਾ ਜਾਵੇਗਾ। ਮੇਲੇ 'ਚ ਦੇਸ਼ ਦੇ ਪ੍ਰਸਿੱਧ ਲੋਕ ਕਲਾਕਾਰਾਂ ਵੱਲੋਂ ਸੰਸਕ੍ਰਿਤਿਕ ਪ੍ਰੋਗਰਾਮਾਂ ਦੀਆਂ ਵੀ ਪੇਸ਼ਕਾਰੀਆਂ ਕੀਤੀਆਂ ਜਾਣਗੀਆਂ।
ਡਿਪਟੀ ਕਮਿਸ਼ਨਰ ਨੇ ਮੇਅਰ ਰਾਜੇਸ਼ ਖੋਥ ਨੂੰ ਮੇਲੇ ਦੇ ਪ੍ਰਚਾਰ - ਪ੍ਰਸਾਰ ਦੇ ਨਜ਼ਰ ਅਤੇ ਸ਼ਹਿਰ ਦੇ ਵੱਖਰੇ-ਵੱਖਰੇ ਸਾਰਵਜਨਿਕ ਸਥਾਨਾਂ, ਪਰਵੇਸ਼ ਦੁਆਰਾ 'ਤੇ ਫਲੈਕਸਾਂ ਲਗਵਾਉਣ ਅਤੇ ਸੜਕੀ ਰਸਤਿਆਂ ਦੀ ਮੁਰੰਮਤ ਅਤੇ ਪਾਰਕਿੰਗ ਦਾ ਵਧੀਆ ਪ੍ਰਬੰਧ ਕਰਨ ਦੀ ਹਿਦਾਇਤ ਦਿੱਤੀ ਗਈ ਹੈ। ਡਿਪਟੀ ਕਮਿਸ਼ਨਰ ਨੂੰ ਮੁੱਖ ਮੰਤਰੀ ਦੇ ਪ੍ਰਚਾਰ ਸਲਾਹਕਾਰ ਤਰੁਣ ਭੰਡਾਰੀ ਨੇ ਦੱਸਿਆ ਕਿ ਮੇਲੇ 'ਚ ਸੂਬਾ ਅਤੇ ਕੇਂਦਰ ਸਰਕਾਰ ਦੁਆਰਾ ਜਨਹਿਤ ਦੀ ਭਲਾਈ ਲਈ ਚਲਾਈਆਂ ਜਾ ਰਹੀਆਂ ਯੋਜਨਾਵਾਂ ਅਤੇ ਪ੍ਰੋਗਰਾਮਾਂ ਦੀ ਜਾਣਕਾਰੀ ਦੇਣ ਲਈ ਅਨੇਕ ਸਟਾਲਾਂ ਲਗਾਈਆਂ ਜਾਣਗੀਆਂ। 
ਮੇਲੇ 'ਚ ਅਲੱਗ ਪ੍ਰਕਾਰ ਦੇ ਖਾਦ ਪਦਾਰਥ, ਜਿਨ੍ਹਾਂ 'ਚ ਹਾਂਸੀ ਦੇ ਪੇੜੇ ਅਤੇ ਕਾਂਜੀ ਦੇ ਬੜੇ, ਗੋਹਾਨਾ ਦੀ ਮਸ਼ਹੂਰ ਜਲੇਬੀ, ਪੂੰਡਰੀ ਦੀ ਮਸ਼ਹੂਰ ਫਿਰਨੀ, ਮਸ਼ਹੂਰ ਗੋਲ ਗੱਪੇ, ਟਿੱਕੀ ਸਮੇਤ ਹੋਰ ਪਦਾਰਥਾਂ ਦੀਆਂ ਵੀ ਸਟਾਲਾਂ ਲਗਾਈਆਂ ਜਾਣਗੀਆਂ। ਮੇਲੇ 'ਚ ਮਨਮੋਹਕ ਪਰਵੇਸ਼ ਦੁਆਰ ਅਤੇ ਸੈਲਫੀ ਪੁਆਇੰਟ ਵੀ ਬਣਾਏ ਜਾਣਗੇ।
ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਤਿੰਨ ਦਿਨਾਂ ਇਸ ਮੇਲੇ 'ਚ ਹਰਿਆਣੇ ਦੇ ਰਾਜਪਾਲ ਬੰਡਾਰੂ ਦਤਾਤਰੇਅ, ਵਿਧਾਨ ਸਭਾ ਪ੍ਰਧਾਨ ਗਿਆਨ ਚੰਦ ਗੁਪਤਾ, ਸ਼ਹਿਰੀ ਸਥਾਨਕ ਸੰਸਥਾ ਮੰਤਰੀ ਡਾ. ਕਮਲ ਗੁਪਤਾ, ਡਿਪਟੀ ਸਪੀਕਰ ਰਣਬੀਰ ਗੰਗਵ, ਸਾਂਸਦ ਬ੍ਰਜੇਂਦਰ ਸਿੰਘ ਸਮੇਤ ਕੇਂਦਰੀ ਮੰਤਰੀ ਵੀ ਸ਼ਿਰਕਤ ਕਰਨਗੇ।
ਮੇਲੇ ਦਾ ਸਮਾਂ ਸਵੇਰੇ : 10 ਵਜੇ ਤੋਂ ਸ਼ਾਮ 10 ਵਜੇ ਤੱਕ ਰਹੇਗਾ।
ਮੇਲੇ 'ਚ ਹਿੰਦੀ ਅੰਦੋਲਨ, ਆਜ਼ਾਦੀ ਘੁਲਾਟੀਏ ਸਮੇਤ ਸਿੱਖਿਆ, ਖੇਡਕੁੱਦ, ਗਾਇਨ, ਮੈਡੀਕਲ, ਉਦਯੋਗਿਕ ਸਮੇਤ ਵੱਖਰੇ ਖੇਤਰਾਂ 'ਚ ਆਪਣੀ ਕਲਾ ਦਾ ਜੋਹਰ ਵਖਾਉਣ ਵਾਲਿਆਂ ਨੂੰ ਐਵਾਰਡ ਅਤੇ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ ਜਾਵੇਗਾ।
ਇਸ ਮੌਕੇ 'ਤੇ ਮਸ਼ਹੂਰ ਪੰਜਾਬੀ ਸਿੰਗਰ ਕਪਤਾਨ ਲਾਡੀ, ਸਤੀਸ਼ ਵਾਸਨੇ, ਹਰੀਸ਼ ਭੱਟ, ਸੌਰਵ ਦੀਕਸ਼ਿਤ, ਸੰਦੀਪ ਸੈਣੀ, ਅਨੁਭਵ ਨਾਥ ਆਦਿ ਮੌਜੂਦ ਰਹਿਣਗੇ।
- PTC NEWS
