ਸ਼ੁਭਮਨ ਗਿੱਲ ਦੀ ਦਾਦੀ ਕਰ ਕੇ ਰੱਖਦੀ ਸੀ ਪੋਤੇ ਦੇ ਬੈਟ ਇਕੱਠੇ, ਜਾਣੋ ਕਹਾਣੀ
ਸ਼ੁਭਮਨ ਦੇ ਵਧੀਆ ਪ੍ਰਦਰਸ਼ਨ ਨੇ ਹਰ ਇੱਕ ਦਾ ਦਿਲ ਜਿੱਤ ਲਿਆ ਹੈ , ਤੇ ਉਸਨੇ ਇੱਕ ਵਾਰ ਫਿਰ ਪੰਜਾਬੀਆਂ ਨੂੰ ਮਾਣ ਮਹਿਸੂਸ ਕਰਵਾਇਆ। ਜਿੱਥੇ ਸਾਰਾ ਭਾਰਤ ਖੁਸ਼ੀ ਦੀ ਲਹਿਰ ਵਿੱਚ ਝੂਮ ਰਿਹਾ ਹੈ, ਉੱਥੇ ਹੀ ਸ਼ੁਭਮਨ ਦੇ ਜੱਦੀ ਪਿੰਡ ਫਾਜ਼ਿਲਕਾ ਜ਼ਿਲੇ ਵਿੱਚ ਵੀ ਖੁਸ਼ੀ ਦੀ ਲਹਿਰ ਹੈ।
ਸ਼ੁਭਮਨ ਨੂੰ ਇਸ ਮੁਕਾਮ 'ਤੇ ਦੇਖ ਕੇ ਉਸਦੀ ਦਾਦੀ ਨੇ ਆਪਣੇ ਪਿੰਡ ਜੈਮਲਵਾਲਾ ਵਿੱਚ ਮਠਿਆਈ ਵੰਡੀ। ਬਚਪਨ ਵਿੱਚ ਸ਼ੁਭਮਨ ਨੇ ਕ੍ਰਿਕਟ ਖੇਡਣ ਲਈ ਜਿੰਨੇ ਵੀ ਬੈਟ ਖਰੀਦੇ ਹਨ, ਉਹ ਸਾਰੇ ਬੈਟ ਉਸਦੀ ਦਾਦੀ ਵੱਲੋਂ ਅਜੇ ਵੀ ਸੰਭਾਲ ਕੇ ਰੱਖੇ ਹੋਏ ਹਨ।
ਦੱਸ ਦੇਈਏ ਕਿ 3 ਸਾਲਾਂ ਦੀ ਉਮਰ ਵਿੱਚ ਸ਼ੁਭਮਨ ਨੂੰ ਕ੍ਰਿਕਟ ਦੀ ਲਗਨ ਲੱਗ ਗਈ ਸੀ। ਜਿਵੇਂ-ਜਿਵੇਂ ਵੱਡਾ ਹੁੰਦਾ ਗਿਆ, ਦਾਦੀ ਉਸ ਵਲੋਂ ਛੱਡੇ ਗਏ ਬੈਟ 'ਤੇ ਉਸ ਦੀ ਉਮਰ ਲਿਖ ਕੇ ਉਨ੍ਹਾਂ ਨੂੰ ਸੰਭਾਲ ਕੇ ਰੱਖਦੀ ਰਹੀ।
ਦਾਦੀ ਵੱਲੋਂ ਪੋਤੇ ਦੀ ਖੇਡ ਅਤੇ ਜ਼ਿੰਦਗੀ ਦੇ ਵੱਧਦੇ ਪੜ੍ਹਾਵਾਂ 'ਚ ਦਿੱਤਾ ਗਿਆ ਸਾਥ ਹਰ ਕਿਤੇ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।
—PTC News
