ਸ਼ੁਤਰਾਣਾ ਤੋਂ AAP ਵਿਧਾਇਕ ਕੁਲਵੰਤ ਬਾਜ਼ੀਗਰ ਦਾ ਵਿਵਾਦਿਤ ਬਿਆਨ ; ਸ਼ਰੇਆਮ ਚੋਣਾਂ ’ਚ ਧੱਕਾ ਕਰਨ ਦੀ ਆਖੀ ਗੱਲ੍ਹ ! ਦੇਖੋ ਵੀਡੀਓ
ਪੰਜਾਬ ’ਚ ਇਸ ਸਮੇਂ ਚੋਣਾਂ ਦੇ ਚੱਲਦੇ ਮਾਹੌਲ ਕਾਫੀ ਭਖਿਆ ਹੋਇਆ ਹੈ। ਇਸੇ ਦੌਰਾਨ ਆਮ ਆਦਮੀ ਪਾਰਟੀ ਦੇ ਸ਼ੁਤਰਾਣਾ ਤੋਂ ਵਿਧਾਇਕ ਕੁਲਵੰਤ ਸਿੰਘ ਬਾਜ਼ੀਗਰ ਵੱਲੋਂ ਵਿਵਾਦਿਤ ਬਿਆਨ ਦਿੱਤਾ ਗਿਆ ਹੈ। ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਕਾਫੀ ਵਾਇਰਲ ਹੋ ਰਹੀ ਹੈ।
ਦਰਅਸਲ ਵਿਧਾਇਕ ਕੁਲਵੰਤ ਬਾਜ਼ੀਗਰ ਵਾਇਰਲ ਵੀਡੀਓ ’ਚ ਸ਼ਰੇਆਮ ਚੋਣਾਂ ’ਚ ਧੱਕਾ ਕਰਨ ਦੀ ਗੱਲ ਕਹਿ ਰਹੇ ਹਨ। ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਕੁਲਵੰਤ ਬਾਜ਼ੀਗਰ ਚੋਣ ਪ੍ਰਚਾਰ ਦੌਰਾਨ ਕਰ ਰਹੇ ਸੀ ਇਸ ਦੌਰਾਨ ਉਨ੍ਹਾਂ ਵੱਲੋਂ ਇਹ ਬਿਆਨ ਦਿੱਤਾ ਗਿਆ।
ਉਨ੍ਹਾਂ ਕਿਹਾ ਕਿ ਵਿਰੋਧੀ ਉਮੀਦਵਾਰ ਬੈਠ ਜਾਣ ਉਨ੍ਹਾਂ ਨੇ ਜਿੱਤਣਾ ਤਾਂ ਹੈ ਨਹੀਂ। ਜੇ ਕੋਈ ਕਸਰ ਰਹਿ ਗਈ ਤਾਂ ਅਸੀਂ ਦਰਵਾਜ਼ੇ ਬੰਦ ਕਰਕੇ ਪੂਰੀ ਕਰ ਦਿਆਂਗੇ। ਵਿਧਾਇਕ ਦਾ ਇਹ ਵੀਡੀਓ ਅੱਗ ਦੇ ਵਾਂਗ ਸੋਸ਼ਲ ਮੀਡੀਆ ’ਤੇ ਫੈਲ ਗਿਆ। ਸ਼੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂ ਬਿਕਰਮ ਸਿੰਘ ਮਜੀਠੀਆ ਅਤੇ ਕਾਂਗਰਸੀ ਵਿਧਾਇਕ ਸੁਖਪਾਲ ਸਿੰਘ ਖਹਿਰਾ ਵੱਲੋਂ ਵੀਡੀਓ ਆਪਣੇ ਸੋਸ਼ਲ ਮੀਡੀਆ ’ਤੇ ਸਾਂਝੀ ਕਰਕੇ ਮੌਜੂਦਾ ਸਰਕਾਰ ਦੀ ਕਾਰਗੁਜਾਰੀ ’ਤੇ ਸਵਾਲ ਚੁੱਕੇ ਗਏ।
???? Bhagwant Mann claimed the opposition has no cadre… then why has @AAPPunjab reached the stage of booth capturing? ????
???? Is the @AamAadmiParty staring at defeat in the Municipal Corporation and Municipal Council elections? ????
???? Is the party already sensing defeat on the… pic.twitter.com/OUIrEiXJy6 — Bikram Singh Majithia (@bsmajithia) May 22, 2026
ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਉਨ੍ਹਾਂ ਨੇ ਕਿਹਾ ਕਿ ਭਗਵੰਤ ਮਾਨ ਕਹਿੰਦਾ ਸੀ ਵਿਰੋਧੀਆਂ ਕੋਲ ਬੰਦੇ ਨਹੀਂ… ਫਿਰ ਬੂਥ ਕੈਪਚਰਿੰਗ ਦੀ ਨੌਬਤ ਕਿਉਂ ਆ ਗਈ? ਕੀ ਆਮ ਆਦਮੀ ਪਾਰਟੀ ਨਗਰ ਨਿਗਮ ਅਤੇ ਨਗਰ ਕੌਂਸਲ ਚੋਣਾਂ ਵਿੱਚ ਬੁਰੀ ਤਰ੍ਹਾਂ ਹਾਰ ਰਹੀ ਹੈ?
ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਜੇਕਰ ਵਿਰੋਧੀਆਂ ਕੋਲ ਬੰਦੇ ਹੀ ਨਹੀਂ, ਜਿਵੇਂ ਭਗਵੰਤ ਮਾਨ ਦਾਅਵਾ ਕਰਦਾ ਹੈ, ਤਾਂ ਫਿਰ ਬੂਥ ਕੈਪਚਰਿੰਗ ਦੀਆਂ ਗੱਲਾਂ ਕਿਉਂ ਹੋ ਰਹੀਆਂ ਹਨ? ਕੀ ਆਮ ਆਦਮੀ ਪਾਰਟੀ ਨੂੰ ਆਪਣੀ ਹਾਰ ਸਾਫ਼ ਨਜ਼ਰ ਆ ਰਹੀ ਹੈ? ਪੰਜਾਬ ਵਿੱਚ ਹੁਣ “ਸਾਮ ਦਾਮ ਦੰਡ ਭੇਦ” ਅਤੇ ਦਿੱਲੀ ਵਾਲੇ ਸਿਸੋਦੀਆ ਦਾ ਧੱਕੇਸ਼ਾਹੀ ਮਾਡਲ ਲਾਗੂ ਕੀਤਾ ਜਾ ਰਿਹਾ ਹੈ?
ਅਕਾਲੀ ਆਗੂ ਨੇ ਅੱਗੇ ਕਿਹਾ ਕਿ ਇਸ ਵਾਇਰਲ ਵੀਡੀਓ ਵਿੱਚ ਆਮ ਆਦਮੀ ਪਾਰਟੀ ਵਿਧਾਇਕ ਕੁਲਵੰਤ ਬਾਜੀਗਰ ਵੱਲੋਂ ਐਮਸੀ ਚੋਣਾਂ ਪਾਤੜਾਂ ਵਿੱਚ ਬੂਥ ਕੈਪਚਰਿੰਗ ਬਾਰੇ ਗੱਲ ਕਰਨ ਦੇ ਗੰਭੀਰ ਦੋਸ਼ ਸਾਹਮਣੇ ਆਏ ਹਨ। ਲੋਕਤੰਤਰ ਵਿੱਚ ਲੋਕਾਂ ਦੇ ਵੋਟ ਨਾਲ ਜਿੱਤਿਆ ਜਾਂਦਾ ਹੈ, ਡਰ, ਦਬਾਅ ਅਤੇ ਬੂਥ ਕੈਪਚਰਿੰਗ ਨਾਲ ਨਹੀਂ।
ਭਗਵੰਤ ਮਾਨ ਪੰਜਾਬ ਨੂੰ ਦੱਸੇ —ਕੀ ਇਹੀ ਤੁਹਾਡਾ “ਬਦਲਾਵ” ਮਾਡਲ ਹੈ? ਚੋਣ ਕਮਿਸ਼ਨ ਤੁਰੰਤ ਇਸ ਵਿਧਾਇਕ ਉਪਰ ਪਰਚਾ ਦਰਜ ਕਰ ਕਾਰਵਾਈ ਕਰੇ ਅਤੇ ਪੰਜਾਬ ਵਿੱਚ ਨਿਰਪੱਖ ਚੋਣਾਂ ਯਕੀਨੀ ਬਣਾਏ।
The video below of @AamAadmiParty Mla Shutrana Kulwant Bazigar completely exposes the hideous plan of @BhagwantMann govt to #LOOT the ongoing local body elections in Punjab !
He’s openly threatening voters and opposition and also announcing publicly that he will lock the doors… pic.twitter.com/tAn65TuW8T — Sukhpal Singh Khaira (@SukhpalKhaira) May 22, 2026
ਦੂਜੇ ਪਾਸੇ ਕਾਂਗਰਸੀ ਵਿਧਾਇਕ ਸੁਖਪਾਲ ਖਹਿਰਾ ਨੇ ਵੀਡੀਓ ਸ਼ੇਅਰ ਕਰਦੇ ਹੋਏ ਕਿਹਾ ਕਿ ਵਿਧਾਇਕ ਦੇ ਬਿਆਨਾਂ ਤੋਂ ਸਾਫ ਹੈ ਕਿ ਚੋਣਾਂ ਲੁੱਟਣ ਦੀ ਪੂਰੀ ਯੋਜਨਾ ਬਣ ਚੁੱਕੀ ਹੈ।
ਇਹ ਵੀ ਪੜ੍ਹੋ : Sonam Bajwa appeals CM Mann : ਅਦਾਕਾਰਾ ਸੋਨਮ ਬਾਜਵਾ ਨੇ ਕੀਤੀ CM ਭਗਵੰਤ ਮਾਨ ਨੂੰ ਅਪੀਲ, ਕਿਹਾ- ਬੇਜ਼ੁਬਾਨਾਂ ਨਾਲ ਨਾ ਹੋਵੇ ਬੇਰਹਿਮੀ
- PTC NEWS
