ਲੰਗਰ ਬਾਬਾ ਦੇ ਨਾਂ ਨਾਲ ਮਸ਼ਹੂਰ ਜਗਦੀਸ਼ ਲਾਲ ਆਹੂਜਾ ਦਾ ਹੋਇਆ ਦੇਹਾਂਤ
ਚੰਡੀਗੜ੍ਹ - ਅੱਜ ਮਹਾਨ ਸਮਾਜਿਕ ਕਾਰਕੁਨ ਅਤੇ ਪ੍ਰਸਿੱਧ ਪਰਉਪਕਾਰੀ ਪਦਮ ਸ਼੍ਰੀ ਜਗਦੀਸ਼ ਲਾਲ ਆਹੂਜਾ, ਜੋ ਕਿ ਲੰਗਰ ਬਾਬਾ ਵਜੋਂ ਵੀ ਜਾਣੇ ਜਾਂਦੇ ਹਨ ਦਾ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਦਾ ਸਸਕਾਰ ਚੰਡੀਗੜ੍ਹ ਦੇ ਸੈਕਟਰ 25 ਦੇ ਸ਼ਮਸ਼ਾਨਘਾਟ ਵਿਖੇ ਬਾਅਦ ਦੁਪਹਿਰ 3 ਵਜੇ ਕਰ ਦਿੱਤਾ ਗਿਆ। 
ਲੰਗਰ ਬਾਬਾ ਜਗਦੀਸ਼ ਲਾਲ ਆਹੂਜਾ ਦੇ ਦੇਹਾਂਤ 'ਤੇ ਸ਼੍ਰੋਮਣੀ ਅਕਾਲੀ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਤੇ ਮਨਜਿੰਦਰ ਸਿੰਘ ਸਿਰਸਾ ਵਲੋਂ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ।
ਲੰਗਰ ਬਾਬਾ ਦੇ ਨਾਂ ਨਾਲ ਮਸ਼ਹੂਰ ਆਹੂਜਾ ਨੇ ਪੀਜੀਆਈ ਦੇ ਨਾਲ-ਨਾਲ ਜੀਐਮਐਸਐਚ-16 ਅਤੇ ਜੀਐਮਸੀਐਚ-32 ਦੇ ਸਾਹਮਣੇ ਲੰਗਰ ਲਗਾ ਕੇ ਲੋਕਾਂ ਦਾ ਢਿੱਡ ਭਰਿਆ। ਲੰਗਰ ਬਾਬਾ 40 ਸਾਲਾਂ ਤੋਂ ਸੇਵਾ ਕਰ ਰਹੇ ਸਨ। ਇਸੇ ਲਈ ਉਨ੍ਹਾਂ ਨੂੰ ਪਿਛਲੇ ਸਾਲ ਪਦਮ ਸ਼੍ਰੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਲੰਗਰ ਬਾਬਾ ਦੇ ਦਿਹਾਂਤ 'ਤੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਵਲੋਂ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ।Heartfelt condolences on the demise of Padma Shri Jagdish Lal Ahuja Ji - 'the Langar Baba', who continuously organised langars for the people outside the hospitals in Chandigarh. He will always be remembered for his Seva. May Guru Sahib grant peace to the departed soul. pic.twitter.com/VEDV0LdmLa — Sukhbir Singh Badal (@officeofssbadal) November 29, 2021
ਲੋਕਾਂ ਨੂੰ ਖਾਣ ਲਈ ਕਰੋੜਾਂ ਰੁਪਏ ਦੀ ਜਾਇਦਾਦ ਦਾਨ ਕਰਨ ਵਾਲੇ ਲੰਗਰ ਬਾਬਾ ਸੈਕਟਰ 23 ਵਿੱਚ ਰਹਿੰਦੇ ਸਨ। 85 ਸਾਲ ਦੀ ਉਮਰ ਵਿੱਚ ਜਗਦੀਸ਼ ਆਹੂਜਾ ਨੂੰ ਪਿਆਰ ਨਾਲ ‘ਲੰਗਰ ਬਾਬਾ’ ਦੇ ਨਾਂ ਨਾਲ ਬੁਲਾਇਆ ਜਾਂਦਾ ਸੀ। ਪਟਿਆਲਾ ਵਿੱਚ ਉਸ ਨੇ ਗੁੜ ਅਤੇ ਫਲ ਵੇਚ ਕੇ ਆਪਣਾ ਗੁਜ਼ਾਰਾ ਸ਼ੁਰੂ ਕੀਤਾ। 21 ਸਾਲ ਦੀ ਉਮਰ ਵਿੱਚ 1956 ਵਿੱਚ ਚੰਡੀਗੜ੍ਹ ਆ ਗਏ। ਉਸ ਸਮੇਂ ਚੰਡੀਗੜ੍ਹ ਨੂੰ ਦੇਸ਼ ਦਾ ਪਹਿਲਾ ਯੋਜਨਾਬੱਧ ਸ਼ਹਿਰ ਬਣਾਇਆ ਜਾ ਰਿਹਾ ਸੀ। ਇੱਥੇ ਆ ਕੇ ਉਸ ਨੇ ਫਰੂਟ ਸਟਾਲ ਕਿਰਾਏ ’ਤੇ ਲੈ ਕੇ ਕੇਲੇ ਵੇਚਣੇ ਸ਼ੁਰੂ ਕਰ ਦਿੱਤੇ।My deepest condolences on the demise of great social activist & noted philanthropist Padma Shri Jagdish Lal Ahuja, popularly known as #LangarBaba. His selfless gesture of providing free food & medicines to poor & needy at PGIMER will ever inspire others for such noble service.
— Charanjit S Channi (@CHARANJITCHANNI) November 29, 2021
-PTC News
