ਇੰਡੀਗੋ ਫਲਾਈਟ ਦੇ ਟਾਇਲਟ 'ਚ ਹੈੱਡ ਕਾਂਸਟੇਬਲ ਨੇ ਪੀਤੀ ਬੀੜੀ, ਫੜੇ ਜਾਣ 'ਤੇ ਬਣਾਇਆ ਇਹ ਬਹਾਨਾ
ਬੇਂਗਲੁਰੂ: ਸੀ.ਆਰ.ਪੀ.ਐਫ ਦੇ ਹੈੱਡ ਕਾਂਸਟੇਬਲ ਨੂੰ ਬੇਂਗਲੁਰੂ ਵਿੱਚ ਇੰਡੀਗੋ ਦੀ ਫਲਾਈਟ ਵਿੱਚ ਬੀੜੀ ਪੀਣ ਦੇ ਇਲਜ਼ਾਮ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਹੈ। ਦਰਅਸਲ ਫਲਾਈਟ ਕੋਲਕਾਤਾ ਤੋਂ ਬੈਂਗਲੁਰੂ ਜਾ ਰਹੀ ਸੀ। ਫਿਰ ਕੈਬਿਨ ਕਰੂ ਨੂੰ ਕਿਸੇ ਚੀਜ਼ ਦੇ ਸੜਨ ਦੀ ਬੂ ਆਈ। ਫਲਾਈਟ ਦੇ ਟਾਇਲਟ ਤੋਂ ਬਦਬੂ ਆ ਰਹੀ ਸੀ। ਉਸ ਸਮੇਂ ਹੈੱਡ ਕਾਂਸਟੇਬਲ ਵੀ ਟਾਇਲਟ ਦੇ ਅੰਦਰ ਹੀ ਸੀ।
ਦਰਅਸਲ ਉਹ ਟਾਇਲਟ ਦੇ ਅੰਦਰ ਬੀੜੀ ਪੀ ਰਿਹਾ ਸੀ। ਪੁਲਿਸ ਨੇ ਇਸ ਮਾਮਲੇ 'ਚ ਕਿਹਾ ਹੈ ਕਿ ਹੈੱਡ ਕਾਂਸਟੇਬਲ ਦੇ ਕਬਜ਼ੇ 'ਚੋਂ ਇਕ ਮਾਚਿਸ ਦੀ ਡੱਬੀ ਵੀ ਮਿਲੀ ਹੈ, ਜਿਸ 'ਚ ਉਸ ਦੇ ਬੀੜੀ ਪੀਂਦੇ ਹੋਣ ਦੇ ਸਬੂਤ ਹਨ। ਮੁਲਜ਼ਮ ਹੈੱਡ ਕਾਂਸਟੇਬਲ ਦਾ ਨਾਂ ਕਰੁਣਾਕਰਨ ਦੱਸਿਆ ਜਾ ਰਿਹਾ ਹੈ।
ਦੱਸਣਯੋਗ ਹੈ ਕਿ ਉਹ ਆਪਣੇ ਇਲਾਜ ਲਈ ਬੈਂਗਲੁਰੂ ਜਾ ਰਿਹਾ ਸੀ। ਜਦੋਂ ਫਲਾਈਟ ਹਵਾ ਵਿੱਚ ਸੀ ਤਾਂ ਉਸ ਨੂੰ ਬੀੜੀ ਪੀਣ ਦੀ ਤਲਬ ਲੱਗੀ। ਉਹ ਸਾਰਿਆਂ ਦੇ ਸਾਹਮਣੇ ਬੀੜੀ ਨਹੀਂ ਪੀ ਸਕਦਾ ਸੀ ਇਸ ਲਈ ਉਹ ਟਾਇਲਟ ਦੇ ਅੰਦਰ ਚਲਾ ਗਿਆ। ਚਾਲਕ ਦਲ ਨੇ ਸੋਚਿਆ ਕਿ ਉਹ ਟਾਇਲਟ ਦੀ ਵਰਤੋਂ ਕਰ ਰਿਹਾ ਹੋਵੇਗਾ ਪਰ ਜਦੋਂ ਉਨ੍ਹਾਂ ਨੂੰ ਬੀੜੀ ਦੇ ਧੂੰਏਂ ਦੀ ਬਦਬੂ ਆਈ ਤਾਂ ਉਨ੍ਹਾਂ ਨੂੰ ਸਾਰਾ ਮਾਮਲਾ ਸਮਝ ਆਇਆ।_912c6ac8eeec0b9a9004f74a93889a5a_1280X720.webp)
ਰਿਪੋਰਟਾਂ ਦੇ ਅਨੁਸਾਰ ਐਤਵਾਰ ਨੂੰ ਕੋਲਕਾਤਾ-ਬੈਂਗਲੁਰੂ ਇੰਡੀਗੋ ਫਲਾਈਟ ਦੇ ਟਾਇਲਟ ਵਿੱਚ ਕਥਿਤ ਤੌਰ 'ਤੇ ਬੀੜੀ ਪੀਂਦੇ ਹੋਏ ਬੈਂਗਲੁਰੂ ਦੇ ਕੇਮਪੇਗੌੜਾ ਅੰਤਰਰਾਸ਼ਟਰੀ ਹਵਾਈ ਅੱਡੇ (ਕੇਆਈਏ) 'ਤੇ ਕੇਂਦਰੀ ਰਿਜ਼ਰਵ ਪੁਲਿਸ ਬਲ (ਸੀ.ਆਰ.ਪੀ.ਐਫ) ਦੇ ਇੱਕ 37 ਸਾਲਾ ਹੈੱਡ ਕਾਂਸਟੇਬਲ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ। ਸੀ.ਆਰ.ਪੀ.ਐਫ ਦੇ ਹੈੱਡ ਕਾਂਸਟੇਬਲ ਕਰੁਣਾਕਰਨ ਜੇ ਝਾਰਖੰਡ ਵਿੱਚ ਤਾਇਨਾਤ ਹੈ। ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਇੰਟਰਗਲੋਬ ਏਵੀਏਸ਼ਨ ਲਿਮਟਿਡ ਦੇ ਡਿਊਟੀ ਮੈਨੇਜਰ ਪੁਨੀਤ ਬੀਐਮ ਨੇ ਕੇਆਈਏ ਪੁਲਿਸ ਕੋਲ ਉਸਦੇ ਖ਼ਿਲਾਫ਼ ਸ਼ਿਕਾਇਤ ਦਰਜ ਕਰਵਾਈ। ਇਸ ਤੋਂ ਬਾਅਦ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਸ਼ਿਕਾਇਤ ਦੇ ਅਨੁਸਾਰ ਕਰੁਣਾਕਰਨ ਇੰਡੀਗੋ ਦੀ ਇੱਕ ਉਡਾਣ ਵਿੱਚ ਸਵਾਰ ਸੀ ਜਿਸ ਨੇ ਕੋਲਕਾਤਾ ਦੇ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਕੌਮਾਂਨਤਰੀ ਹਵਾਈ ਅੱਡੇ ਤੋਂ 3 ਸਤੰਬਰ ਨੂੰ ਰਾਤ 9.30 ਵਜੇ ਉਡਾਣ ਭਰੀ ਸੀ। ਉਹ ਫਲਾਈਟ ਵਿੱਚ ਟਾਇਲਟ ਦੀ ਵਰਤੋਂ ਕਰ ਰਿਹਾ ਸੀ ਜਦੋਂ ਕੈਬਿਨ ਕਰੂ ਨੇ ਕਥਿਤ ਤੌਰ 'ਤੇ ਨੇੜੇ ਤੋਂ ਸੜਨ ਦੀ ਬਦਬੂ ਆਈ। ਕਰੁਣਾਕਰਨ ਦੇ ਟਾਇਲਟ ਤੋਂ ਬਾਹਰ ਆਉਣ ਤੋਂ ਬਾਅਦ ਜਦੋਂ ਚਾਲਕ ਦਲ ਨੇ ਉਸ ਦੀ ਜਾਂਚ ਕੀਤੀ ਤਾਂ ਉਨ੍ਹਾਂ ਨੂੰ ਬੀੜੀ ਦੇ ਸਿਗਰਟ ਪੀਣ ਦੇ ਸਬੂਤ ਮਿਲੇ।
ਸ਼ਿਕਾਇਤ 'ਚ ਕਿਹਾ ਗਿਆ ਹੈ ਕਿ ਕਰੁਣਾਕਰਨ ਤੋਂ ਮਾਚਿਸ ਦੀ ਡੱਬੀ ਵੀ ਮਿਲੀ। ਕਰੁਣਾਕਰਨ ਨੂੰ ਕੇਆਈਏ ਵਿੱਚ ਉਤਰਨ ਤੋਂ ਬਾਅਦ ਸੁਰੱਖਿਆ ਅਧਿਕਾਰੀਆਂ ਨੇ ਹਿਰਾਸਤ ਵਿੱਚ ਲੈ ਲਿਆ। ਇਸ ਤੋਂ ਬਾਅਦ ਕਰੁਣਾਕਰਨ ਖ਼ਿਲਾਫ਼ ਸ਼ਿਕਾਇਤ ਦਰਜ ਕਰਵਾਈ ਗਈ।_da0105b8d25490eb36be1e94cee3add0_1280X720.webp)
ਇਸ ਮਾਮਲੇ ਵਿੱਚ ਇੱਕ ਸੀਨੀਅਰ ਪੁਲਿਸ ਅਧਿਕਾਰੀ ਨੇ ਖੁਲਾਸਾ ਕੀਤਾ ਕਿ ਫੜੇ ਜਾਣ ਤੋਂ ਬਾਅਦ ਕਰੁਣਾਕਰਨ ਨੇ ਬੀੜੀ ਪੀਣ ਦਾ ਬਹਾਨਾ ਬਣਾਉਣਾ ਸ਼ੁਰੂ ਕਰ ਦਿੱਤਾ ਸੀ। ਉਹ ਕਹਿਣ ਲੱਗਾ ਕਿ ਉਸ ਦੀ ਸਿਹਤ ਠੀਕ ਨਹੀਂ ਸੀ। ਤਣਾਅ ਕਾਰਨ ਉਸ ਨੇ ਬੀੜੀ ਪੀ ਲਈ। ਉਸ ਨੇ ਦੱਸਿਆ ਕਿ ਉਹ ਆਪਣੇ ਇਲਾਜ ਲਈ ਬੇਂਗਲੁਰੂ ਜਾ ਰਿਹਾ ਸੀ। ਵਰਤਮਾਨ ਵਿੱਚ ਕਰੁਣਾਕਰਨ 'ਤੇ ਭਾਰਤੀ ਦੰਡਾਵਲੀ ਦੀ ਧਾਰਾ 336 (ਦੂਜਿਆਂ ਦੀ ਜਾਨ ਜਾਂ ਨਿੱਜੀ ਸੁਰੱਖਿਆ ਨੂੰ ਖ਼ਤਰਾ ਪੈਦਾ ਕਰਨ) ਦੇ ਨਾਲ-ਨਾਲ ਏਅਰਕ੍ਰਾਫਟ ਨਿਯਮਾਂ ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ। ਮਾਮਲੇ ਸਬੰਧੀ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ।
- With inputs from agencies
