Raksha Bandhan 2022: 11 ਜਾਂ 12 ਅਗਸਤ? ਜਾਣੋ ਭੈਣ-ਭਰਾ ਦੇ ਪਿਆਰ ਦੇ ਪ੍ਰਤੀਕ ਤਿਉਹਾਰ ਰੱਖੜੀ ਦਾ ਸ਼ੁੱਭ ਦਿਨ
Raksha Bandhan 2022: ਰੱਖੜੀ ਦਾ ਤਿਉਹਾਰ ਭੈਣ-ਭਰਾ ਦੇ ਪਿਆਰ ਦਾ ਪ੍ਰਤੀਕ ਹੈ। ਇਸ ਮੌਕੇ ਭੈਣਾਂ ਭਰਾਵਾਂ ਦੇ ਗੁੱਟ 'ਤੇ ਰੱਖੜੀ ਬੰਨ੍ਹ ਕੇ ਉਨ੍ਹਾਂ ਦੀ ਖੁਸ਼ਹਾਲ ਜ਼ਿੰਦਗੀ ਲਈ ਦੁਆ ਕਰਦੀਆਂ ਹਨ। ਇਸ ਦੇ ਨਾਲ ਹੀ ਭੈਣਾਂ ਭਰਾਵਾਂ ਤੋਂ ਆਪਣੀ ਸੁਰੱਖਿਆ ਦਾ ਵਾਅਦਾ ਲੈਣਦੀਆਂ ਹਨ। ਰੱਖੜੀ ਹਿੰਦੂ ਧਰਮ ਦਾ ਪ੍ਰਮੁੱਖ ਤਿਉਹਾਰ ਹੈ ਅਤੇ ਇਹ ਸਾਰੇ ਭਾਰਤ ਵਿੱਚ ਵੀ ਧੂਮ ਧਾਮ ਨਾਲ ਮਨਾਇਆ ਜਾਂਦਾ ਹੈ। ਇਸ ਵਾਰ ਰੱਖੜੀ ਦੇ ਤਿਉਹਾਰ ਦੀ ਤਰੀਕ ਨੂੰ ਲੈ ਕੇ ਕਾਫੀ ਭੰਬਲਭੂਸਾ ਹੈ। ਕੁਝ ਲੋਕਾਂ ਦਾ ਮੰਨਣਾ ਹੈ ਕਿ 11 ਅਗਸਤ ਨੂੰ ਰੱਖੜੀ ਬੰਨ੍ਹੀ ਜਾਵੇਗੀ। ਇਸ ਦੇ ਨਾਲ ਹੀ, ਕੁਝ ਲੋਕਾਂ ਦਾ ਮੰਨਣਾ ਹੈ ਕਿ 11 ਅਗਸਤ, 2022 ਨੂੰ ਭਾਦਰ ਦੀ ਮਿਆਦ ਦੇ ਕਾਰਨ, ਰੱਖੜੀ ਦਾ ਤਿਉਹਾਰ 12 ਅਗਸਤ, 2022 ਸ਼ੁੱਕਰਵਾਰ ਨੂੰ ਮਨਾਇਆ ਜਾਵੇਗਾ।
ਰੇਸ਼ਮੀ ਡੋਰ ਦਾ ਇਹ ਧਾਗਾ ਭੈਣ ਵੱਲੋਂ ਹਮੇਸ਼ਾਂ ਭਰਾ ਦੀ ਰੱਖਿਆ ਮੰਗਦਾ ਹੈ। ਵਿਗਿਆਨਕ ਪੱਖ ਤੋਂ ਵੇਖੀਏ ਤਾਂ ਇਹ ਧਾਗਾ ਕੋਈ ਜਾਦੂ ਜਾਂ ਸ਼ਕਤੀ ਨਹੀਂ ਹੈ ਜੋ ਹਰ ਪਲ ਕਿਸੇ ਵੀ ਭੈਣ ਦੇ ਵੀਰ ਦੀ ਰੱਖਿਆ ਕਰੇਗਾ। ਅਸਲ ਵਿੱਚ ਇਹ ਭੈਣ ਦੀ ਭਾਵਨਾ ਦਾ ਪ੍ਰਤੀਕ ਹੈ। ਇੱਕ ਭੈਣ ਹਮੇਸ਼ਾਂ ਆਪਣੇ ਭਰਾ ਦਾ ਭਲਾ ਚਾਹੁੰਦੀ ਹੈ ਅਤੇ ਹਮੇਸ਼ਾਂ ਆਪਣੇ ਪੇਕਿਆਂ ਦੀ ਸੁੱਖ ਮੰਗਦੀ ਹੈ। ਨਾਲ ਹੀ ਭਰਾ ਦੇ ਗੁੱਟ ’ਤੇ ਬੰਨਿਆ ਰੱਖੜੀ ਰੂਪੀ ਇਹ ਧਾਗਾ ਹਮੇਸ਼ਾਂ ਭਰਾ ਨੂੰ ਯਾਦ ਦਿਵਾਉਂਦਾ ਰਹਿੰਦਾ ਹੈ ਕਿ ਉਸ ਨੇ ਆਪਣੀ ਭੈਣ ਨੂੰ ਰੱਖਿਆ ਦਾ ਵਚਨ ਦਿੱਤਾ ਹੈ। ਰੱਖੜੀ ਦਾ ਤਿਉਹਾਰ ਸਦੀਆਂ ਪੁਰਾਣਾ ਹੈ ਜੋ ਭੈਣ ਤੇ ਭਰਾ ਦੇ ਰਿਸ਼ਤੇ ਦੇ ਪਾਕ-ਪਵਿੱਤਰ ਹੋਣ ਦੀ ਤਰਜਮਾਨੀ ਕਰਦਾ ਹੈ।
ਜਾਣੋ ਰੱਖੜੀ ਦੇ ਤਿਉਹਾਰ ਦੀ ਤਰੀਕ ਬਾਰੇ
ਰੱਖੜੀ ਦਾ ਤਿਉਹਾਰ ਪੂਰਨਮਾਸ਼ੀ ਨੂੰ ਹੀ ਮਨਾਇਆ ਜਾਂਦਾ ਹੈ। 11 ਅਗਸਤ 2022 ਨੂੰ 10.37 ਮਿੰਟ ਬਾਅਦ ਪੂਰਨਮਾਸ਼ੀ ਤਰੀਕ ਲਈ ਜਾਵੇਗੀ, ਜੋ ਕਿ 12 ਅਗਸਤ ਨੂੰ ਸਵੇਰੇ 7 ਵਜੇ ਦੇ ਕਰੀਬ ਸਮਾਪਤ ਹੋਵੇਗੀ। ਪੂਰਨਮਾਸ਼ੀ ਦੀ ਤਾਰੀਖ 'ਤੇ ਰਾਤ ਦਾ ਚੰਦਰਮਾ ਹੋਣਾ ਚਾਹੀਦਾ ਹੈ। 11 ਅਗਸਤ ਨੂੰ ਸਵੇਰੇ 10.37 ਵਜੇ ਪੂਰਨਮਾਸ਼ੀ ਸ਼ੁਰੂ ਹੋਵੇਗੀ ਅਤੇ ਉਸੇ ਦਿਨ ਪੂਰਨਮਾਸ਼ੀ ਦੇ ਨਾਲ ਹੀ ਰੱਖੜੀ ਦਾ ਤਿਉਹਾਰ ਮਨਾਇਆ ਜਾਵੇਗਾ।
ਰੱਖੜੀ ਦੇ ਤਿਉਹਾਰ ਬਾਰੇ ਜਾਣੋ ਕੁਝ ਖਾਸ ਗੱਲਾਂ
ਤਿਉਹਾਰ ਹਰ ਸਾਲ ਅਗਸਤ ਮਹੀਨੇ ਵਿੱਚ ਮਨਾਇਆ ਜਾਂਦਾ ਹੈ। ਰੱਖੜੀ ਦੇ ਤਿਉਹਾਰ ਬਾਰੇ ਬਹੁਤ ਸਾਰੀਆਂ ਪ੍ਰਾਚੀਨ ਕਹਾਣੀਆਂ ਹਨ। ਜੇਕਰ ਅਸੀਂ ਇਤਿਹਾਸ 'ਤੇ ਨਜ਼ਰ ਮਾਰੀਏ ਤਾਂ ਭੈਣ-ਭਰਾ ਦੇ ਪਿਆਰ ਦਾ ਪ੍ਰਤੀਕ ਰੱਖੜੀ ਵੀ ਯੁੱਧ ਵਿੱਚ ਜਿੱਤ ਦਾ ਪ੍ਰਤੀਕ ਹੈ। ਭੈਣ-ਭਰਾ ਦਾ ਰਿਸ਼ਤਾ ਰੱਖੜੀ ਦੇ ਧਾਗਿਆਂ ਤੱਕ ਹੀ ਸੀਮਤ ਨਹੀਂ ਅਤੇ ਨਾ ਹੀ ਇਸ ਰਿਸ਼ਤੇ ਨੂੰ ਪਰਿਭਾਸ਼ਿਤ ਕਰਨਾ ਸੌਖਾ ਹੈ। ਭਾਵੇਂ ਭਰਾ ਆਪਣੀਆਂ ਭੈਣਾਂ ਨਾਲ ਲੜਦੇ ਹਨ ਪਰ ਇੱਕ ਸਮਾਂ ਅਜਿਹਾ ਵੀ ਆਉਂਦਾ ਹੈ ਜਦੋਂ ਭੈਣਾਂ ਆਪਣੇ ਘਰਾਂ ਨੂੰ ਛੱਡ ਕੇ ਚਲੀਆਂ ਜਾਂਦੀਆਂ ਹਨ, ਭਰਾ ਦੀ ਅੱਖ ਵਿੱਚ ਸਭ ਤੋਂ ਪਹਿਲਾਂ ਹੰਝੂ ਆ ਜਾਂਦੇ ਹਨ।
ਇਹ ਵੀ ਪੜ੍ਹੋ: ਗੰਦੇ ਨਾਲੇ 'ਚ ਡਿੱਗੇ ਮਾਸੂਮ ਬੱਚੇ ਨੂੰ ਕੱਢਣ ਲਈ NDRF ਟੀਮ ਦੀ ਜੱਦੋ-ਜਹਿਦ ਜਾਰੀ, ਵੇਖੋ ਤਸਵੀਰਾਂ
ਰੱਖੜੀ ਦੇ ਤਿਉਹਾਰ 'ਤੇ ਭੈਣਾਂ ਆਪਣੇ ਭਰਾਵਾਂ ਨੂੰ ਬਰੇਸਲੈੱਟ, ਚੇਨ ਜਾਂ ਸੋਨੇ ਜਾਂ ਚਾਂਦੀ ਦੀਆਂ ਰੱਖੜੀਆਂ ਤੋਹਫ਼ੇ ਵਜੋਂ ਦਿੰਦਿਆਂ ਹਨ। ਬਜ਼ਾਰ 'ਚ ਕਈ ਤਰ੍ਹਾਂ ਦੀਆਂ ਰੱਖੜੀਆਂ ਆਉਣੀਆਂ ਸ਼ੁਰੂ ਹੋ ਗਈਆਂ ਹਨ, ਇਸ ਲਈ ਭਰਾ ਲਈ ਰੱਖੜੀ ਖਰੀਦਦੇ ਸਮੇਂ ਇਸ ਗੱਲ ਦਾ ਧਿਆਨ ਰੱਖੋ ਕਿ ਇਸ 'ਚ ਕੋਈ ਅਸ਼ੁੱਭ ਸੰਕੇਤ ਨਾ ਹੋਵੇ। ਅਜਿਹੀ ਰੱਖੜੀ ਬੰਨ੍ਹਣ ਨਾਲ ਅਸ਼ੁੱਭ ਫਲ ਮਿਲਦਾ ਹੈ।
-PTC News
