16 ਸਾਲਾ ਕਲਯੁੱਗੀ ਪੁੱਤਰ ਵੱਲੋਂ PUBG ਖੇਡਣ 'ਚ ਅੜਿੱਕਾ ਬਣ ਰਹੀ ਮਾਂ ਦਾ ਕਤਲ
ਲਖਨਊ: ਲਖਨਊ 'ਚ PUBG ਖੇਡਣ ਦੀ ਇਜਾਜ਼ਤ ਨਾ ਮਿਲਣ ਤੋਂ ਨਾਰਾਜ਼ 16 ਸਾਲ ਦੇ ਬੇਟੇ ਨੇ ਆਪਣੀ ਮਾਂ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ। ਇਸ ਤੋਂ ਬਾਅਦ ਉਹ ਮਾਂ ਦੀ ਲਾਸ਼ ਕੋਲ ਤਿੰਨ ਦਿਨ ਤੱਕ ਘਰ 'ਚ ਹੀ ਰਿਹਾ। 10 ਸਾਲ ਦੀ ਭੈਣ ਨੂੰ ਵੀ ਧਮਕਾਇਆ ਗਿਆ ਅਤੇ ਘਰੋਂ ਬਾਹਰ ਜਾਣ ਤੋਂ ਰੋਕਿਆ ਗਿਆ। ਲਾਸ਼ ਦੇ ਸੜਨ ਕਾਰਨ ਜਦੋਂ ਬਦਬੂ ਫੈਲ ਗਈ ਤਾਂ ਫੌਜ 'ਚ ਅਧਿਕਾਰ ਪਿਤਾ ਨੂੰ ਖੁਦ ਬੁਲਾ ਕੇ ਦੱਸਿਆ ਕਿ ਮਾਂ ਦਾ ਕਤਲ ਹੋ ਗਿਆ ਹੈ। ਮੰਗਲਵਾਰ ਰਾਤ ਪਿਤਾ ਦੀ ਸੂਚਨਾ 'ਤੇ ਪੁਲਸ ਨੇ ਲਾਸ਼ ਨੂੰ ਘਰੋਂ ਬਾਹਰ ਕੱਢਿਆ।
ਨਵੀਨ ਕੁਮਾਰ ਸਿੰਘ, ਮੂਲ ਰੂਪ ਵਿੱਚ ਵਾਰਾਣਸੀ ਦੇ, ਫੌਜ ਵਿੱਚ ਇੱਕ ਜੂਨੀਅਰ ਕਮਿਸ਼ਨਡ ਅਫਸਰ ਹਨ। ਉਸਦੀ ਪੋਸਟਿੰਗ ਪੱਛਮੀ ਬੰਗਾਲ ਵਿੱਚ ਹੈ। ਲਖਨਊ ਦੇ ਪੀਜੀਆਈ ਇਲਾਕੇ ਦੀ ਯਮੁਨਾਪੁਰਮ ਕਲੋਨੀ ਵਿੱਚ ਉਸ ਦਾ ਘਰ ਹੈ। ਇੱਥੇ ਉਸ ਦੀ ਪਤਨੀ ਸਾਧਨਾ (40 ਸਾਲ) ਆਪਣੇ 16 ਸਾਲ ਦੇ ਬੇਟੇ ਅਤੇ 10 ਸਾਲ ਦੀ ਬੇਟੀ ਨਾਲ ਰਹਿੰਦੀ ਸੀ। ਬੇਟੇ ਨੇ ਮੰਗਲਵਾਰ ਰਾਤ ਆਪਣੇ ਪਿਤਾ ਨਵੀਨ ਨੂੰ ਵੀਡੀਓ ਕਾਲ ਕੀਤੀ ਅਤੇ ਦੱਸਿਆ ਕਿ ਉਸ ਨੇ ਮਾਂ ਦਾ ਕਤਲ ਕੀਤਾ ਹੈ। ਉਸ ਨੇ ਪਿਤਾ ਨੂੰ ਲਾਸ਼ ਵੀ ਦਿਖਾਈ। ਨਵੀਨ ਨੇ ਇਕ ਰਿਸ਼ਤੇਦਾਰ ਨੂੰ ਬੁਲਾ ਕੇ ਤੁਰੰਤ ਉਸ ਦੇ ਘਰ ਭੇਜ ਦਿੱਤਾ, ਜਦੋਂ ਪੁਲਿਸ ਪਹੁੰਚੀ ਤਾਂ ਘਰ ਦੇ ਅੰਦਰ ਦਾ ਹਾਲ ਦੇਖ ਕੇ ਦੰਗ ਰਹਿ ਗਏ।
ਇਹ ਵੀ ਪੜ੍ਹੋ : ਇਤਿਹਾਸ 'ਚ ਪਹਿਲੀ ਵਾਰ ਮਿਲੀ ਸਫਲਤਾ, ਹੁਣ ਹਰ ਮਰੀਜ਼ ਦਾ ਕੈਂਸਰ ਹੋਵੇਗਾ ਗਾਇਬ!
ਏਡੀਸੀਪੀ ਕਾਸ਼ਿਮ ਅਬਦੀ ਅਨੁਸਾਰ ਬੇਟਾ ਮੋਬਾਈਲ 'ਤੇ ਗੇਮ ਖੇਡਣ ਦਾ ਆਦੀ ਸੀ ਪਰ ਸਾਧਨਾ ਉਸ ਨੂੰ ਗੇਮ ਖੇਡਣ ਤੋਂ ਰੋਕਦੀ ਸੀ। ਸ਼ਨੀਵਾਰ ਰਾਤ ਨੂੰ ਵੀ ਉਸ ਨੇ ਆਪਣੇ ਬੇਟੇ ਨੂੰ ਗੇਮ ਖੇਡਣ ਤੋਂ ਮਨ੍ਹਾ ਕਰ ਦਿੱਤਾ।
ਇਸ ਤੋਂ ਬੇਟੇ ਨੂੰ ਗੁੱਸਾ ਆ ਗਿਆ। ਰਾਤ ਕਰੀਬ 2 ਵਜੇ ਜਦੋਂ ਸਾਧਨਾ ਗੂੜ੍ਹੀ ਨੀਂਦ 'ਚ ਸੀ ਤਾਂ ਉਸ ਨੇ ਅਲਮਾਰੀ 'ਚੋਂ ਆਪਣੇ ਪਿਤਾ ਦੀ ਪਿਸਤੌਲ ਕੱਢ ਕੇ ਮਾਂ ਦਾ ਕਤਲ ਕਰ ਦਿੱਤਾ। ਇਸ ਤੋਂ ਬਾਅਦ ਭੈਣ ਨੂੰ ਧਮਕੀਆਂ ਦੇ ਕੇ ਉਸੇ ਕਮਰੇ ਵਿੱਚ ਬੰਦ ਕਰ ਦਿੱਤਾ ਗਿਆ।
-PTC News
