ਅੱਲੂ ਅਰਜੁਨ ਦੀ 'ਪੁਸ਼ਪਾ 2 ਦ ਰੂਲ' ਵਿੱਚ ਐਂਟਰੀ ਕਰ ਸਕਦਾ ਹੈ ਬਾਲੀਵੁੱਡ ਦਾ ਇਹ ਅਭਿਨੇਤਾ
ਪੁਸ਼ਪਾ 2 ਦ ਰੂਲ: ਦੱਖਣ ਦੇ ਸੁਪਰਸਟਾਰ ਅੱਲੂ ਅਰਜੁਨ ਸਟਾਰਰ 'ਪੁਸ਼ਪਾ' ਇੱਕ ਵੱਡੀ ਬਲਾਕਬਸਟਰ ਸੀ ਅਤੇ ਇਸਦਾ ਦੂਜਾ ਭਾਗ ਜਲਦੀ ਆ ਰਿਹਾ ਹੈ।
ਹਾਲਾਂਕਿ ਫਿਲਮ ਦਾ ਦੂਸਰਾ ਪਾਰਟ ਨਹੀਂ ਆਇਆ ਹੈ ਪਰ ਇਸਦੇ ਤੀਜੇ ਪਾਰਟ ਦੀ ਤਿਆਰੀਆਂ ਸ਼ੁਰੂ ਹੋ ਗਈਆਂ ਹਨ। ਹੁਣ ਖਬਰਾਂ ਆ ਰਹੀ ਹੈ ਕਿ ਇਸ ਦੇ ਦੂਜੇ ਪਾਰਟ 'ਚ ਬਾਲੀਵੁੱਡ ਦੇ ਇਸ ਮਸ਼ਹੂਰ ਅਦਾਕਾਰਾ ਦੀ ਐਂਟਰੀ ਹੋਈ ਹੈ।
ਇਹ ਅਦਾਕਾਰ ਕੋਈ ਹੋਰ ਨਹੀਂ ਸਗੋਂ ਬਹੁਮੁਖੀ ਅਦਾਕਾਰ ਮਨੋਜ ਬਾਜਪਾਈ ਹੈ। ਇਸ ਵਿਚ ਕੋਈ ਸ਼ੱਕ ਨਹੀਂ ਕਿ ਇਨ੍ਹਾਂ ਦੋਹਾਂ ਕਲਾਕਾਰਾਂ ਨੂੰ ਇਕ ਹੀ ਮੰਚ 'ਤੇ ਇਕੱਠੇ ਦੇਖਣਾ ਪ੍ਰਸ਼ੰਸਕਾਂ ਲਈ ਇਕ ਟ੍ਰੀਟ ਹੋਵੇਗਾ ਅਤੇ ਫਿਲਮ 'ਚ ਮਨੋਜ ਦੀ ਐਂਟਰੀ ਇਸ ਨੂੰ ਹੋਰ ਵੀ ਖਾਸ ਬਣਾ ਦੇਵੇਗੀ।
ਹਾਲਾਂਕਿ ਫਿਲਮ 'ਚ ਮਨੋਜ ਬਾਜਪਾਈ ਦੀ ਐਂਟਰੀ ਨੂੰ ਲੈ ਕੇ ਅਜੇ ਤੱਕ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ ਹੈ। ਪਰ ਕਈ ਰਿਪੋਰਟਾਂ ਦੇ ਅਨੁਸਾਰ, ਮਨੋਜ ਬਾਜਪਾਈ ਨੂੰ ਪੁਲਿਸ ਅਧਿਕਾਰੀ ਦੀ ਭੂਮਿਕਾ ਲਈ ਨਿਰਮਾਤਾਵਾਂ ਨੇ ਸੰਪਰਕ ਕੀਤਾ ਹੈ।
ਅਭਿਨੇਤਾ ਨੇ ਪਹਿਲਾਂ ਫਿਲਮ ਨੂੰ ਬੇਦਾਗ ਦੱਸਿਆ ਸੀ ਅਤੇ ਇਸ ਦੀ ਸ਼ੂਟਿੰਗ ਦੇ ਤਰੀਕੇ ਦੀ ਤਾਰੀਫ ਕੀਤੀ ਸੀ। ਹਾਲਾਂਕਿ ਉਹ ਅਤੇ ਨਿਰਮਾਤਾਵਾਂ ਨੇ ਅਜੇ ਤੱਕ ਇਸ ਖਬਰ ਦੀ ਪੁਸ਼ਟੀ ਨਹੀਂ ਕੀਤੀ ਹੈ।
ਪਰ 'ਪੁਸ਼ਪਾ: ਦ ਰੂਲ' ਵਿੱਚ ਅਭਿਨੇਤਾ ਨੂੰ ਦੇਖਣਾ ਯਕੀਨੀ ਤੌਰ 'ਤੇ ਦਿਲਚਸਪ ਹੋਵੇਗਾ। ਹਾਲਹੀ ਵਿੱਚ ਇੱਕ ਇੰਟਰਵਿਊ ਦੇ ਦੌਰਾਨ ਮਨੋਜ ਬਾਜਪਾਈ ਨੇ ਕਿਹਾ ਸੀ ਕਿ ਜੇਕਰ ਤੁਸੀਂ ਅੱਲੂ ਅਰਜੁਨ ਸਟਾਰਰ ਪੁਸ਼ਪਾ ਨੂੰ ਦੇਖਦੇ ਹੋ ਤਾਂ ਮੇਕਿੰਗ ਬੇਮਿਸਾਲ ਹੈ। ਹਰ ਫਰੇਮ ਨੂੰ ਅਸਲ ਵਿੱਚ ਇਸ ਤਰ੍ਹਾਂ ਸ਼ੂਟ ਕੀਤਾ ਗਿਆ ਹੈ ਕਿ ਇਹ ਜ਼ਿੰਦਗੀ ਅਤੇ ਮੌਤ ਦੀ ਸਥਿਤੀ ਹੋਵੇ।
ਪੁਸ਼ਪਾ 2 'ਚ ਅਹਿਮ ਭੂਮਿਕਾ ਲਈ ਮਨੋਜ ਬਾਜਪਾਈ ਨਾਲ ਸੰਪਰਕ ਕੀਤਾ ਹੈ ਗਿਆ ਇਹ ਖਬਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਹੁਣ ਸਿਰਫ਼ ਉਡੀਕ ਰਹੇਗੀ ਤਾਂ ਅਧਿਕਾਰਤ ਘੋਸ਼ਣਾ ਦੀ।
-PTC News
